Fernando Zóbel de Ayala y Montojo

Fernando M. Zobel de Ayala
Fernando M. Zobel de Ayala
Kamundagan	Fernando Zóbel y Montojo; Agosto 27, 1924; Ermita, Manila, Mga isla nin Filipinas
Kagadanan	Hunyo 2, 1984 (edad 59); Rome, Italya
Nasyunalidad	Pilipino ; Spanish
Edukasyon	Unibersidad nin Harvard
Midbid bilang	Pagpipinta
Paghiro	Modernismo ; Expresyonismong Abstrak

Para sa presidente kan Ayala Corporation, hilingon an Fernando Zobel de Ayala.

Si Fernando Zóbel y Montojo (Agosto 27, 1924 – Hunyo 2, 1984), bisto man sa Fernando M. Zóbel, sarong Pilipinong Espanyol na pintor, negosyante, kolektor nin arte dangan kagtugdas nin museo.

Kaamayan nin buhay[baguhon | baguhon an source]

Iminundag si Fernando Zóbel sa Ermita, Manila sa Pilipinas sa pamilya kan mga Zobel, mga imigranteng Hudyo gikan sa Alemanya na nagmantinir na sa Pilipinas. Siya an aki na lalaki ni Enrique Zobel (1877–1943) asin Fermina Montojo y Torrontegui, dangan saro siyang kaapil nin nabibistong kag-aki nin mga Ayala.

Edukasyon[baguhon | baguhon an source]

Nag-adal si Zobel nin araling pangmedisina sa Unibersidad kan Santo Tomas sa Maynila. Pagkatapos, nagkaigwa nin kakulangang panggulugod si Zobel na nagpuwersa sa saiyang maging nakaratay sa higdaan kadtong taong na ito. Tanganing mapalipas an oras, nagbanghay-banghay nin mga kurit si Zobel nin anumang bagay na madadakop kan saiyang panhiling. Nagtapos siya nin pag-aadal gikan sa Santo Tomas asin nagduman sa Unibesidad nin Harvard kadtong 1946 tanganing makakua nin degri sa historiya asin literatura.

Mga muknang Boston-style[baguhon | baguhon an source]

Nagpuon si Zóbel nin pagpipinta na mayo man lang pormal na pag-adal mantang nasa Harvard. Nakatagpauan niya sina Jim Pfeufer asin an saiyang agom na si Reed Champion Pfeufer kan tag-lagas kan 1946. Sarong parapinta si Reed na kun saen maluwag na konektado sa Eskwelahang Boston, asin naging sarong mentor sa huben na paraarte. Naggraduwar si Zóbel kan 1949 bilang magna cum laude. Pagkatapos kan saiyang bachelor's degree nagbalik siya nin madali sa Harvard para mag-adal nin ley, asin nagtrabaho bilang sarong kurator sa Libraryang Houghton. Representasyunal, asin pirming igwang sarong aspeto nin karikatura an mga pinta ni Zóbel kan sa saiyang panahon.

Huring parte kan buhay asin kagadanan[baguhon | baguhon an source]

Pagkalihis nin duwa niyang seryeng pang-arte, nagpuon na magpinta si Zobel nin mga ta'nawon mantang nasa salog kan Júcar. Sa panghuring mga taon kan saiyang buhay, minukna ni Zobel an Museo de Arte Abstracto Español (Museo kan Kastilang Arte na Abstrakto) sa Casa Colgadas sa banwaan nin Cuenca, Espanya kadtong 1963. Naging sarong tutor si Zobel dangan nagtabang sa mga karera nin mga magpipintang Kastila, na an pira iyo sina Antonio Lorenzo, Eusebio Sempere, Martín Chirino López, Antonio Saura dangan dakol pang iba. Sagkod sa pagsapit kan saiyang kagadanan, naggigibo si Zobel na igwang konektang sarong seryeng pig-apod na "Dialogos" (Mga Diyalogo) na mga pagsimbag sa mga maestro nin arte na nahiling niya sa mga museo sa palibot kan Europa. Kan 1983, pinatawan siya ni Hadeng Juan Carlos kan Espanya nin Medalla de Oro al Mérito en las Bellas Artes (Medalyang Ginto para sa mga Nagibo sa Magayunong Arte). Nagadan si Zobel nin huli ta sa atake sa puso mantang nasa Roma, Italya kan ika-2 nin Hunyo 1984.

Kan 2003, sarong naglilibot na eksibit na nagbalik-tanaw asin nagpapaonra ki Zobel an pigganap sa Cuenca asin Seville, Espanya.^[1] Kadtong ika-21 nin Mayo 2006, tinawanan siya nin onra kan dating Presidente kan Filipinas na si Gloria Macapagal-Arroyo sa paagi kan sarong Presidential Medal of Merit nin huli ta sa saiyang mga naikontibuwer sa arte kan siya nabubuhay pa.^[2] Kan ika-24 nin Mayo 2008, naipabakal an sarong akdang-arte ni Zobel na pigtituluhang "Noche Clara" sa Christie's kan Hong Kong sa halagang PHP 6,000,000, na nakagibo digdi na maging pinaka mahal (igwang halangakw na presyo) na akdang-arte gikan sa Filipinas.^[3]

Mga toltolan[baguhon | baguhon an source]

↑ "Madrid museum pays tribute to Fernando Zobel". Philippine Daily Inquirer. Retrieved 27 Agosto 2010. Check date values in: |access-date= (help)
↑ "6 Outstanding Artists conferred Presidential Medal of merit award". Office of the President. Retrieved 27 Agosto 2010. Check date values in: |access-date= (help)
↑ "Zobel's 'Noche Clara' goes for P6M at Christie's". Philippine Daily Inquirer. Archived from the original on 2021-05-15. Retrieved 27 Agosto 2010. Check date values in: |access-date= (help)

Mga panluwas na takod[baguhon | baguhon an source]

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.

[1] "Madrid museum pays tribute to Fernando Zobel". Philippine Daily Inquirer. Retrieved 27 Agosto 2010. Check date values in: |access-date= (help)

[2] "6 Outstanding Artists conferred Presidential Medal of merit award". Office of the President. Retrieved 27 Agosto 2010. Check date values in: |access-date= (help)

[3] "Zobel's 'Noche Clara' goes for P6M at Christie's". Philippine Daily Inquirer. Archived from the original on 2021-05-15. Retrieved 27 Agosto 2010. Check date values in: |access-date= (help)

[1]

[2]

[3]