Filipinas Ante Europa (peryodiko)
An Filipinas Ante Europa sarong peryodiko na minukna ni Isabelo de los Reyes asin pinapalagda sa Madrid, Espanya. Ini enot nagluwas kan Oktobre 25, 1899 asin nagsara kan Hunyo 10, 1901 na nakaabot man sa 36 na isyu. Tinogdas ini ni de los Reyes sa katuyohan na kontrahon an paglaog asin pagsakop kan mga Amerikano sa Filipinas. Duwang beses nalalagda sa semana, an pinakaenot na luwas kaini may bersyon sa Ingles sa tuyong iderekta niya an saiyang mensahe sa nasyon kan Amerika dawa totoo an mga masurunod na isyu nasusurat na sa Espanyol.
Kan enot an logong dinara "Defender of that People" (Parasurog kan Banwaan) asin kan huri na, "Contra Norte-America, no; contra el imperialismo, sí, hasta la muerte! (Laban sa mga Amerikano, bako; laban sa imperyalismo, iyo, sagkod sa kagadanan!). Sinasabing nagsara an peryodiko huli sa nagkaproblema siya sa mga autoridad duman sa Madrid. Ini nagluwas pa man nin madalian kan Hulyo 1 hanggan Oktobre 1, 1901 alagad iba na an darang pangaran, "El Defensor de Filipinas" (An Parasurog kan Filipinas).
Mga panluwas na takod[baguhon | baguhon an source]
- http://www.buscoenlaces.es/kaibigankastila/isabelo.html Kinua 23-03-14
- https://sites.google.com/a/upou.edu.ph/mms-100-final-project-topic-2-old-news-new-news/home-page-1/Newspaper-in-the-Philippines/History-of-newspaper-in-the-Philippines Archived 2016-06-30 at the Wayback Machine. Kinua 23-03-14
