Frances Xavier Cabrini

Saint Frances Xavier Cabrini MSC
Kamundagan	Maria Francesca Cabrini (1850-07-15)15 Hulyo 1850 Sant'Angelo Lodigiano, Kingdom of Lombardy–Venetia, Austrian Empire
Kagadanan	22 Desyembre 1917 Chicago, Illinois, United States
Lulubngan	St. Frances Xavier Cabrini Shrine, Upper Manhattan, New York, United States

Si Frances Xavier Cabrini MSC (Italyano: Francesca Saverio [or Saveria] Cabrini; namundag Maria Francesca Cabrini; 15 Hulyo 1850 – 22 Desyembre 1917), midbid asin inaapod man na Mother Cabrini, sarong prominenteng Italyano-Amerikanong madre sa Simbahan Katoliko Romano. Siya an kaenot-enoteng Amerikano na narekognisar kan Batikano komo sarong santa.

Si Cabrini tinugdas an Missionary Sisters of the Sacred Heart of Jesus (MSC), sarong institusyon na relihiyoso na sa ngonyan nagtatangro nin edukasyon, pag'asikaso sa salud, asin iba pang mga serbisyo para sa mga daing sukat sa 15 nasyon. Durante kan saiyang panahon, si Cabrini nakamukna nin 67 eskwelahan, mga paamponan asin iba pang mga institusyon na nagwawaras nin mga serbisyo sosyal sa Italya, sa Estados Unidos asin sa iba pang mga nasyon. Siya nagin kagalang-galang asin maimpluwensyang pigura sa herarkiya Katolika sa Estados Unidos asin Roma.

Namundag sa Italya, si Cabrini nag'imigrar sa Estados Unidos kan 1887. Dawa kan nagdadanay na mga anti-Italyanismo na sentimyento asin oposisyon sa laog kan Simbahan Katoliko, siya matrayumpong nakapundar nin mga charitable institutions sa Nweba York para sa mga pobreng Italyanong mga imigrante. Ngapit saiyang pinalakop an mga paghingowang ini sa ibang mga komunidad nin mga Italyanong imigrante sa kahiwasan kan Estados Unidos, asin mga lider Katoliko logod pighuhurot siya na magkaag man nin mga misyon sa Latin Amerika asin Europa.