Francisco Alonso Liongson

Francisco Alonso Liongson
Kamundagan	Francisco Liongson y Alonso (1896-07-01)Hulyo 1, 1896 Bacolor, Pampanga, Captaincy General of the Philippines
Kagadanan	Mayo 14, 1965(1965-05-14) (edad 68) Manila, Philippines
Edukasyon	Licentiate in Civil Law, Bachelor of Arts
Midbid bilang	playwriting
Mga magurang	Francisco Tongio Liongson María Dolores Alonso
Sadiring-tao	Pedro Tongio Liongson (uncle)

Si Francisco Alonso Liongson (Hulyo 1, 1896 – Mayo 14, 1965) sarong Filipinong parasurat asin playwright. Siya namundag sa pamilyang Ilustrado gikan Pampanga, Filipinas sa paglaog kan ika-20ng siglo asin pinadakula sa panahon na an Filipinas nag'aagi sa gama-gama magin talingkas, may onra, may pagkamoot sa banwaan. Siya nagin saksi sa sarong Filipinas na sa laog nin 300 na taon nakulong sa kumbentong Espanyol asin nakalungkas sa modernong panahon, sa kintab kan Amerikanong Hollywood nin 50 taon. An peryodong ini nagdara nin kaligaan sa mga pinagtutungkosan na mahalaga sa sarong pamilya. An peryodong ini nin transisyon nagratak sa pundayon sosyal, ekonomiko asin politikal sa sarong nagtatalubong hubin na nasyon arog kan Filipinas. Ini man peryodo nin ekspirementasyon, kun saen an mga katutubo molo-molo pa kun pano maglakaw sa dalan nin buhay demokratiko asin kun pano magtindog sa sadiri; kun saen an sagradong paternal na mga relasyon luwayluway nasasalidahan nin mga paaging egalitarian; kun saen man an tradisyonal na papel sa pamilya nahihira na, asin kun saen an bagong lenggwahe nin dayuhan nagbibiyang sa mga gurang kun saen sinda malugar. Si Liongson, sa saiyang napapalaen na paagi, asin estilo nin pagsurat dinadakop sa mga biglang anyap an mga pakikipagtusay sa anakronismo sa porma nin pagsurat nin mga artikulo sa tataramon na saiyang kinato'dan, an Espanyol. An saiyang mga obra poon kaidto nagin mga mahalagang alahas nin literatura sa Filipinong Espanyol, asin baga nagin rekord sa historya kan Filipinong psyche asin buhay sosyal ultan nin 1896 asin 1950.