Fumiko Nakajō
| Fumiko Nakajō | |
|---|---|
| Minundagan | Fumiko Noe 25 Nobyembre 1922 Obihiro, Hokkaidō, Japan |
| Kagadanan | 3 Agosto 1954 (edad 31) Sapporo, Japan |
| Kasibotan | Writer |
| Nasyunalidad | Japanese |
| Genre | poetry |
Si Fumiko Nakajō (中城ふみ子Nakajō Fumiko, tunay na pangaran 野江富美子Noe Fumiko, Nobyembre 25, 1922 sa Obihiro, Hokkaidō – Agosto 3, 1954 sa Sapporo ) sarong Hapon na pararawitdawit nin tanka .
Buhay
[baguhon | baguhon an source]Si Fumiko Nakajō nag-adal sa Tokyo Academy of Home Economics (kan huri Tokyo Kasei-Gakuin University ) asin nag-adal nin tanka kaiba si Ikeda Kikan (1896–1956), sarong iskolar kan literaturang Hapon. Nag-agom kan 1942, nangaki siya nin apat na aki bago nadiborsyo an kasal. Nadiagnose na may kanser sa suso, siya nag-agi nin mastectomy kan 1952 asin 1953. Dai nahaloy bago siya nagadan kan 1954, sarong serye kan saiyang mga rawitdawit an naimprenta sa mga magasin na Tanka kenkyū asin Tanka sa rekomendasyon kan parasurat na si Yasunari Kawabata, asin an saiyang enot na libro, an koleksyon na Chibusa sōshitsu (乳房喪失, Losing My Breasts ), ipinublikar. [1] An ikaduwang koleksyon, an Hana no genkei (花の原型, Sarong Prototype nin mga Burak ), nagluwas pagkagadan niya. Kadaklan sa saiyang mga rawitdawit nagtutukar kan saiyang helang, asin minsan binabago niya an porma kan tanka tanganing magin mas mailuawas niya pa an boot niyang sabihon.
Igwa nin mga pag-giromdom saiya sa Tokachi Gokoku Shrine, kataid kan Obihiro Shrine, na kataid man kan Obihiro Centennial Memorial Hall.
Sine
[baguhon | baguhon an source]- ↑ Sato, Hiroaki (2015). Japanese Women Poets: An Anthology. Milton Park and New York: Routledge. ISBN 978-0-7656-1783-5.
Kan 1955, an mga estudyo kan Nikkatsu nagprodusir kan pelikula na The Eternal Breasts (bisto man bilang Forever a Woman ), base sa buhay ni Nakajō. Ini pigdirehir ni Kinuyo Tanaka asin pinagbidahan ni Yumeji Tsukioka, Ryoji Hayama asin Yōko Sugi .