Gabriela Women's Party

Gikan sa Bikol Sentral na Wikipedia, an talingkas na ensiklopedya
GABRIELA Women's Party
LiderLiza Masa
Namukna1984, 2003 (bilang partylist)
HeadquartersSyudad nin Quezon
IdeologyNasyunal Demokrasya
Sosyalistang Peminismo
Marxistang Peminismo
Political positionWalaista
National affiliationBAYAN
Makabayan
International affiliationInternational League of Peoples' Struggle
ColorsPurple, White
Sloganbabae, bata, bayan... tuloy ang laban! (Women, children, (and the) nation... the fight continues!)

An General Assembly Binding Women for Reforms, Integrity, Equality, Leadership, and Action (GABRIELA)[1] sarong walaistang organisasyon na nagtutulod kan mga isyu nin kababayihan.

Ini sarong network nin batayan na mga organisasyon, institusyon asin programa sa bilog na nasyon na rineresolberan an mga isyu arog nin karapatan pantawo, pagtios, militarismo, kadahasan, kultura nin panlulugos, salud, sex trafficking, pagsesensura[2] asin iba pang mga isyu na nakakaapekto sa kababayihan. Igwa ini nin rehiyonal na mga tsapter sa Metro Manila, Cordillera Administrative Region, asin Mindanao; subrehiyonal na mga tsapter sa Negros, Panay asin Samar, asin probinsyal na mga tsapter sa Bicol asin Cebu. An GABRIELA saro sa dakol na mga koalisyon sa laog kan Pilipinas asin kabali sa prayoridad ninda an dakol na babae gikan sa manlain-lain na mga sektor asin nagtututok sa edukasyon asin pagburunyog nin kababayihan tanganing magtulod kan manlain-lain na mga isyung inaatubang ninda.[3]

Uusipon[baguhon | baguhon an source]

An GABRIELA itinugdas kan Abril 1984 pakatapos na magmartsa an 10,000 na kababayihan sa Manila, bilang pagtumang sa sarong dekreto ni Marcos na nagbawal sa mga demonstrasyon.[4] Sa tahaw nin naglalakop na sosyal na dai pagkapantay-pantay asin karirib'kan, an GABRIELA nagmawot na pagsaruon an mga isyu nin nasyunal na katalingkasan, pagtios asin emansipasyon nin kakabayihan. Nagtulod an mga kagpundar kan organisasyon nin kumpletong sosyal na pagbabago, imbes na magtutok sa indibidwal na mga klase nin pan-aapi. Inaapod ining Third World feminism.[5] Nginaranan an NGO bilang pagtaong-onra ki Gabriela Silang, sarong rebolusyonaryong Filipina, na nanginot sa rebelyon tumang sa Espanya kan huring kabangaan kan 18 siglo. An pagkagadan kan saiyang agom nagin dahilan kaya sya an nagsalida sa papel kaini na anti-kolonyalistang lider.[6] An GABRIELA nagin monumental na partido para sa kababayihan na Pilipino huli ta inaangat ninda an dakol na patriyarkal na pananaw na pinapasan sainda, asin tinutumangan an dayuhan na impluwensya asin neokolonyalsmo.[7]

Mga nahaman sa pirilian[baguhon | baguhon an source]

Kan 2003, ipigbunsod kan GABRIELA an party-list na 'Gabriela Women's Party'.[4] Sa pirilian kan 2004 para sa Kamara, nakakua an party-list nin 464,586 na boto (3.6518% kan nasyunal na boto asin sarong pwesto; Liza Maza).[8][9] Sa pirilian kan Mayo 14, 2007, nanggana an party-list nin 2 pwesto sa nasyunal na boto para party-list. An Gabriela Women's Party sana an pambabaying partido na nakakua nin ikaduwang termino sa Konggreso.[10] Sa pirilian kan 2007, nakahaman nin dakol na kapangganahan an GWP (Gabriela Women's Party) pag-abot sa representasyon sa eleksyon. Mahalagang mangnuhon na dakol sa mga babaying napili gikan sa Gabriela Women's Party, mga babaying nagsapo nin pan-aabuso.[11]

Pirilian Boto % Pwesto
2004 464,586 3.65% 1
2007 621,171 3.89% 2
2010 1,001,421 3.31% 2
2013 713,492 2.60% 2
2016 1,367,795 4.22% 2
2019 445,696 1.61% 1

Mga Representante sa Kongreso[baguhon | baguhon an source]

  • Ika-13 Konggreso (2004–2007) - Liza Maza
  • Ika-14 Kongreso (2007–2010) - Luzvimda Ilagan, Liza Maza
  • An ika-15 Konggreso (2010–2013) - Luzviminda Ilagan, Emerenciana de Jesus
  • Ika-16 na Konggreso (2013–2016) - Luzvimda Ilagan, Emerenciana de Jesus.
  • Ika-17 Konggreso (2016–2019) - Emerenciana de Jesus, Arlene Brosas
  • Ika-18 Konggreso (2019–present) - Arlene Brosas

Mga programa asin posisyon[baguhon | baguhon an source]

One Billion Rising (OBR) Task Force Philippines[12][baguhon | baguhon an source]

An One Billion Rising (OBR) sarong pangkinaban na kampanya na itinugdas tanganing tuldukan an panlulugos asin sekswal na kadahasan sa mga babayi.[13]

Puon kan 2013, pinanginutan kan GABRIELA an One Billion Rising sa Pilipinas asin sa ibang nasyon (kun sain igwa sindang tsapter). Ngunyan kinokoordinar ninda an kampanya sa rehiyon kan Timog-Sirangan Asya; kabtang sinda nin sarong dakulang grupo na minakompwesto kan OBR Task Force Philippines.[14]

Mga Myembro kan OBR Task Force Philippines:

  • Gabriela
  • Gabriela Women's Party
  • Gabriela Youth
  • Kilusang Mayo Uno (workers)
  • Alliance of Concerned Teachers
  • Ecumenical Women's Forum
  • Salinlahi Alliance for Children's Concerns
  • Association for the Rights of Children in Southeast Asia
  • Amihan Federation of Peasant Women
  • Kadamay
  • Innabuyog Gabriela (Indigenous women)
  • Kabataan Partylist
  • Migrante

Pagkakalakal nin tawo[baguhon | baguhon an source]

Sa Pilipinas, imbweltong marhay an GABRIELA sa mga kampanya na nagbabariwas kaaraman kontra sa pangangalakal sa kababayihan asin kaakian sa Pilipinas. An mga estratehiya kaini kompwesto nin mga seminar asin pagpapalakop impormasyon na itinatao sa mga NGO asin ahensya nin gubyerno saka mga kampanya na nagbabariwas kaaraman sa komunidad na lebel.[15] Ibinarita kan GABRIELA Philippines na an sarong Pilipinang babayi naipapabakal sa halagang $30 hasta $5000 sa international sex trade.[16] Nagbunsod an Gabriela Women's Party nin kampanya tumang sa isyu nin pagkalakal sa kababayihan asin kaakian na inapod nindang Purple Rose Campaign.[17] Bako sanang igwa sinda nin mga kampanya na arog kan Purple Rose Campagin, kundi imbwelto man na marhay an GABRIELA sa Vow to Figh (VAW) na iyo an Vow to Fight Against Violence on Women and Free Our Sisters/Free Ourselves campaign.[18]

Internasyunal na mga sanga[baguhon | baguhon an source]

An GABRIELA USA asin GABRIELA Hong Kong iyo an mga tsapter sa ibang nasyon kan organisasyon na ini na nakabase sa Pilipinas, na pinapahiwas an paghirong masa kan mga kababayihang Pilipino hasta Estados Unidos asin Hong Kong.

Kabtang an Gabriela Women's Party nin sarong batayan na organisasyon. Nagbunga ini nin dakol pang GABRIELA sa ibang nasyon, arog baga kan Estados Unidos, Netherlands, Japan, Hong Kong, Taiwan, Italya asin Alemanya.[10]

Hilingon pa lalo[baguhon | baguhon an source]

Toltolan[baguhon | baguhon an source]

  1. Sobritchea, Carolyn I (June 30, 2005). "Representations of Gender Inequality and Women's Issues in Philippine Feminist Discourses". Asian Journal of Women's Studies. 11.
  2. "House wants to ban pornographic cartoon". Congress.gov.ph. 2009-04-12. Retrieved 2010-10-18.
  3. Guan, Lee Hock (2004). Civil Society in Southeast Asia. Institute of Southeast Asian Studies.
  4. 4.0 4.1 "Rad Geek People's Daily 2006-03-23 – Reign of Terror in the Philippines; women's movement criminalized". Radgeek.com. 2006-03-23. Retrieved 2010-10-18.
  5. Arnado, Mary Janet (2011). Feminista: Gender, Race and Class in the Philippines. the Philippines: Anvil Publishing. p. 12. ISBN 978-971-27-2594-4.
  6. Niu, Greta Ai-Yu (Summer 1999). "Wives, widows, and workers: Corazon Aquino, Imelda Marcos, and the Filipina "other"". NWSA Journal.
  7. Ty, Rey (July 2018). "GABRIELA: Contributions of a Third-World Women's Movement to Feminist Theory and Practice". Young Ambassadors of Peace in Asia (YAPA).
  8. Comelec Archived April 27, 2007, at the Wayback Machine
  9. "Liza Maza". Congress.gov.ph. Retrieved 2010-10-18.
  10. 10.0 10.1 Karan, Kavita; Gimeno, Jacques D. M.; Tandoc, Edson (2009). "The Internet and Mobile Technologies in Election Campaigns: The GABRIELA Womens Party During the 2007 Philippine Elections". Journal of Information Technology & Politics. 6 (3–4): 326–339. doi:10.1080/19331680903047420.
  11. Chew, Huibin A (2018). "Bringing the Revolution Home: Filipino Urban Poor Women, "Neoliberal Imperial Feminisms," and a Social Movements Approach to Domestic Abuse". Women's Studies Journal.
  12. "GABRIELA - NATIONAL ALLIANCE OF FILIPINO WOMEN Southeast Asia - Philippines, Indonesia, Thailand, Vietnam, Singapore, Malaysia, Cambodia, Laos". One Billion Rising Revolution. 2013-07-16. Retrieved 2019-12-16.
  13. "One Billion Rising", Wikipedia, 2019-09-23, retrieved 2019-12-16
  14. "GABRIELA - NATIONAL ALLIANCE OF FILIPINO WOMEN Southeast Asia - Philippines, Indonesia, Thailand, Vietnam, Singapore, Malaysia, Cambodia, Laos". One Billion Rising Revolution. 2013-07-16. Retrieved 2019-12-16.
  15. "Combat Trafficking: Prevention". HumanTrafficking.org. Archived from the original on 2006-04-26. Retrieved 2010-10-18.
  16. "Women & The Economy - Globalization & Migration". Unpac.ca. Archived from the original on 2011-05-14. Retrieved 2010-10-18.
  17. Tzvetkova, Marina (2002). "NGO Responses to Trafficking in Women". Gender & Development. 10: 60–68. doi:10.1080/13552070215893.
  18. Beins, Agatha (2011). Free our sisters, free ourselves: locating U.S. feminism through feminist periodicals, 1970-1983 (Thesis). Rutgers University - Graduate School - New Brunswick. doi:10.7282/t3s75fpw.