Gadis Arivia

Gadis Arivia
Arivia in 2016
Kamundagan	(1964-09-08) 8 Septyembre 1964 New Delhi, India
Nasyunalidad	Indonesian
Trabaho	Philosopher, activist
Midbid bilang	Establishing Jurnal Perempuan
Websityo
www.filsafatgadisarivia.com

Si Gadis Arivia (pinangaki kan ika-8 kan Setyembre 1964) sarong Indonesyang peministang pilosopo, paratukdo, iskolar, asin aktibista. Mantang nagtutukdo nin feminismo asin pilosopiya sa Unibersidad kan Indonesya, siya man an nagpuon kan Jurnal Perempuan, an pinakainot na peministang journal kan Indonesya, kan 1996. Inaresto siya kan gobyerno kan Suharto huli kan pagprotesta niya laban sa rehimen kan taon 1998.

Biograpiya

Si Arivia pinangaki sa New Delhi, India kan 1964. Aki siya kan sarong Indonesyang diplomatiko, siya sa ibang nasyon; apwera sa pag-istar sa India, nag-erok man siya sa Ethiopia asin Hungary, na kun sain nag-klase sita sa British Embassy School sa Budapest. Nakalihis an pirang taon nin pagklase sa Indonesia, natapos niya an saiyang pag-adal sa senior high school sa McLean High School sa McLean, Virginia, mantang an saiyang tugang na lalaki nakadestino sa Washington DC.

Pagkatapos kan saiyang pag-adal sa hayskul, si Arivia nag-adal kan tataramon kan Pranses sa sarong programang may diploma sa Unibersidad kan Indonesia, kan natapos niya an kurso sa pilosopiya sa parehong Unibersidad. Mantang tinatapos niya an saiyang pag-adal sa baccalaureate, si Arivia nagin interesado sa feminismo. Nagbasa siya nin nagkapirang mga obra manungod sa temang ini, kabali an mga isinurat kan saiyang paratukdo na si Toeti Heraty, siring man an All the Women Are White, All the Blacks Are Men, But Some of Us Are Brave: Black Women's Studies ni Barbara Smith. Nagpuon siyang magtukdo sa Unibersidad kan Indonesya kan 1991, asin siya an responsable sa inagural na kurso sa Feminist Paradigms bago siya nag-enrol sa EHESS na iyo an School for Advance Studies in the Social Sciences kan 1992. Si Arivia nag-ako kan saiyang DEA sa sikolohiyang sosyal duwang taon an nakalihis.

Kan pagbalik niya sa Indonesia, si Arivia nagpadagos man sa pagtukdo. Sa pagrisa kan kadipisilan sa paghanap nin mga materyales sa peministang sa Indonesia asin naglalaom na maipalakop an mga paghihingoa sa demokratisasyon asin proteksyunan an mga karapatan, nagpuon siyang magtrabaho, na suportado nina Ida Dhanny, Asikin Arif, asin Toeti Heraty, tanganing establisaron an pinakainot na peministang journal kan nasyon. Siya an nagpuon kan Jurnal Perempuan Foundation kan 1995, asin an inagural Jurnal Perempuan (Women's Journal) ipinublikar kan suminunod na taon; Ipinahiling ini ni Krishna Sen kan Unibersidad kan Western Australia na nagsasabi na "an pinakainot na journal kan Indonesia nin teorya kan mga peminista". Nagkaigwang limitadong pundo an nasabing journal para sa publikasyon kaini asin an trabahong sosyal, sa walong taon ni Arivia na pagserbi bilang sarong direktor kan journal, dai siya nakaresibe nin sweldo. Kan 2016, yaon man giraray siya sa hunta kan mga editor kan journal.

Sa panahon kan Krisis kan pinansyal sa Asya, si Arivia nabisto bilang saro sa nanginginutan na iskolar na peministang Jakarta– na nagprotesta laban sa gobyerno na ginamit an pag-taas kan presyo kan gatas pantago igdi. Kan ika-23 kan Pebrero 1998, nagsali siya sa kaibang baynteng babae sa Hotel Indonesia na maprotesta sa halangkaw na presyo sarong protesta na tig organisar kan Jurnal Perempuan asin nagmukna kan Suara Ibu Peduli ("Boses nin mga Ina na Nagmamakulog"), sarong organisasyon na pigkoordinar kan Arivia. An mga nagpoprotesta namibi, nagkanta, nagdistribwer nin mga burak, asin nagbasa nin sarong pahayag na nangangapudan para sa mas dakulang partisipasyon kan mga kababaihan sa pagresolber kan krisis. Si Arivia inarestar kaiba an duwa pang babae, an astronomo na si Karlina Leksono Supelli asin an aktibista na si Wilasih Noviana. Pagkatapos na mag-ako nin mahiwas na suporta kan publiko, an tulo pinaluwas.

Kan 2002, natapos ni Arivia an saiyang pag-adal sa doktorado sa departamento nin pilosopiya sa Unibersidad kan Indonesya. An saiyang disertasyon, "Dekonstruksi Filsafat Barat, Menuju Filsafat Berperspektif Feminis" ("Deconstructing Western Philosophy, Moving Towards a Feminist Perspective Philosophy") ipinublikar kan suminunod na taon bilang Filsafat Berperspektif Feminis ( Feminist Perspective Philosophy ).

Kan 2009, nagpublikar si Arivia nin sarong koleksyon nin rawitdawit na may titulong Yang Sakral dan yang Sekuler (An Sagrado asin an Profano ). An koleksyong ini na ipinublikar sarong taon pagkatapos kan kontrobersyal an batas na Pornograpiya asin Pornoaksyon naipasa, binasa bilang sarong pagkondenar sa padagos na kapangyarihan kan estadong Indonesya sa hawak kan mga babae asin sekswalidad kan mga kababaihan. Si Arivia kan 2006 nag-ako kan Tasrif Award kan Alliance of Independent Journalists (AJI).

Nagtukdo si Arivia nin kontemporaryong pilosopiya asin teorya kan peminista sa Faculty of Humanities sa Unibersidad kan Indonesya sagkod 2017. Kan 2018 naglaog siya sa Kolehiyo kan Montgomery, Takoma Park,Silver Spring, Maryland bialng sarong adjunt professor sa sosyolohiya asin sosyolohiya kan kasarian. Nakasal siya ki Richard Pollard, na nagka-igwang duwang aki na sina Anisa Joyce Pollard asin Benjamin Arif Pollard. Nakaistar siga ngunyan sa Bethesda, Maryland.

Napiling mga publikasyon

• Arivia, Gadis (2003). Filsafat Berperspektif Feminis [Feminist Perspective Philosophy] (in Indonesian). Jakarta: Jurnal Perempuan Foundation. ISBN 9789793520001. 
• Arivia, Gadis (2003). Menggalang Perubahan: Perlunya Perspektif Gender dalam Otonomi Daerah [Pushing for Change: The Need for Gender Perspectives in Regional Autonomy] (in Indonesian). Jakarta: Jurnal Perempuan Foundation. ISBN 9789793520001. 
• Arivia, Gadis (2006). Feminisme: Sebuah Kata Hati [Feminism: A Word from the Heart] (in Indonesian). Jakarta: Kompas. ISBN 9789797092443. 
• Adian, Donny Gahral; Arivia, Gadis (2009). Relations between Religions and Cultures in Southeast Asia. Washington, D.C.: Council for Research in Values and Philosophy. ISBN 9789797092443.