George Abraham (Poet)

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Si George Abraham sarong Palestino-Amerikano na parasurat gikan sa Jacksonville, Florida. Siya an kagsurat kan papaabuton na librong Birthright (sa irarom kan Button Poetry), asin man kan mga chapbooks na The Specimen's Apology (sa irarom kan Sibling Rivalry Press, 2019) asin man al youm:for yesterday & her inherited traumas (sa irarom kan The Atlas Review, 2017). Naipublikar naman an saiyang mga nagibo sa Paris Review, American Poetry Review, LitHub, Poem-A-Day, asin Bettering American Poetry, The Paris Review, Tin House, The Missouri Review, West Branch, jubilat, dangan nakaiba sa mga antolohiyang Nepantla, Bettering American Poetry, saka Beyond Memory: an Anthology of Arab American Creative Nonfiction.

Nagi man siya nin fellow sa Kundiman asin Watering Hole dangan resipyente kan College Union Poetry Slam International's Best Poet. Nagi man siya nin board member kan Radius of Arab American Writers (RAWI) asin guminana kan 2018 Cosmonauts Avenue Poetry Prize, kun sain an nagpili iyo si Tommy Pico. Sa presente siya nakaistar sa Massachusetts kun sain pigkukua niya an Phd nin Bioengineering sa Unibersidad kan Harvard. Nag-aadal siya nin neural control kan paghiro. Pig-aandam niyang ipadagos an pagigin gimata kan kadakli sa mga deretsos kan mga Palestino asin an saindang pig-aagihan na sakit sa sosyo-ekonomiya.[1] [2]

Birthright[liwaton | liwaton an gikanan]

An librong ini igwa nin pighahaman na diyalogo na nagsasabing “every pronoun is a Free Palestine.” Huli sa magabat na emosyon, paggamit nin haros makalansi na porma, igwa nin iba man na klase na paghaman si Abraham.

Sabi sa sa sarong artikulo kan Buttonpoetry:

"Birthright begs readers to stay, to stay lucid, to stay alive, to stay present in this very moment; as it knows now is all we are guaranteed. As trauma seeps through generations, can the body deconstruct its own inheritance?  In a world that only takes, what is owed? What is your Birthright, and where is home?"[3]

An nagtaung tuyaw sa libro iyo sinda Naomi Shihab Nye kan Young People’s Poet Laureate, Dr. Craig Santos Perez, kagsurat kan Habitat Threshold, Dr. Sa’ed Atshan, kagsurat kan Queer Palestine and the Empire of Critique, asin katipunan nin tuyaw hali sa Arab American Writers Fellows (Jess Rizkallah, Summer Farah, Noor Hindi, Hazem Fahmy, and Noor Al-Ahmadi).


Toltolan[liwaton | liwaton an gikanan]

  1. https://www.poetryfoundation.org/poets/george-abraham
  2. https://www.gabrahampoet.com/
  3. https://buttonpoetry.com/george-abraham/

Hilingon man[liwaton | liwaton an gikanan]

https://www.gabrahampoet.com/