Gerry Latumbo

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si German 'Gerry' Latumbo

Si German "Gerry" Duran Latumbo (23 Okt. 1934 - 1992) sarong Bikolanong kompositor, parakanta, asin gitarista. Nagin man siyang miembro sa estudiantina na natogtog sa panahon nin Kamahalan. Namundag siya sa Grijalvo, San Fernando, Camarines Sur. An saiyang amâ iyo si Fausto Latumbo asin an saiyang inâ nagaapelyidong Duran. Arapodan siya sa gahâ na Gerry.

Pamilya[liwaton | liwaton an gikanan]

Sa enot na agom niya (Ligaya) may aki siyang walo: Teresita, Linda, Virginia, Corazon, Josephine, Freddie,Mario ,asin German, Jr. ,. Mga apo na sina Marites, Dong, Tupe, Eni at Annabell

Trabaho[liwaton | liwaton an gikanan]

Nagtrabaho siya sa Integrated National Police (Philippine National Police na apod) bilang sarong sibilyan na empleado na nadestino sa Criminal Records Section.

Komo paratogtog asin parakanta[liwaton | liwaton an gikanan]

Saro siya sa kaayon sa PNP Choral Group (gitara/baho kapot niya) sarong bantogan na grupo nin mga parakantang pulis kan mga dekada 1970 asin 1980. Huli sa mahusay kaining pagtogtog asin pagkanta, nagin tsampiyon an grupo nin tolong beses sa enterong Filipinas sa mga kompetisyon kan mga choral group nin mga kapupulisan. Siya an musical director kan si choral group. Aktibo man siya sa radyong programang "Hagyanan sa Kabitoonan" komo gitarista. An programang ini kan panahon doro-Domingo pinapasale mismo diyan sa Plaza Quezon igdi sa syudad kan Naga. Madugang pa, huli sa programang ini, igdi napônan mabisto an pambihirang talento ni Nora Aunor sa pagkanta.

Igwa man siyang grupo na nabilog na nagtotogtog sa mga club asin mga resto bar na inapod kan grupo na Flamingo Combo. An mga myembro kaini iyo sinda Gerry Latumbo ((kapot bajo), William Purificacion (gitarista), Ruben Sy (gitarista), Jun Badiola (drummer), asin si Jaime Pablo (akordionista). Enot pa kani, nagin man siyang myembro kan si bantogan na Tito Rey Orchestra na pinundar ni Jose Rey.

Komo paratokdâ nin mga kanta[liwaton | liwaton an gikanan]

Dakul an mga komposisyon niyang kantang Bikol asin saro kaini iyo an Ika Sanang Namomôtan na guminana kan ika-3 premyo sa First Bikol Musical Festival na ipigbungsod kan Agosto 15, 1982 kan Bicol Heritage Foundation. An nakasikwit kan pangenot na premyo iyo idtong kinompos ni Ferdinand Dimadura, an Bikolano Ako, asin an ika-duwa idtong tokdâ ni Henry Turalde (taga-Iriga City) na tituladong Boses ni Lolo.[1]


Kasosyo niya an ka-ugos niyang amigong si William Purificaion kan ipigplaka ninda an duwang kantang kinompos ni G. Latumbo, an Isip-isipa asin Pagca-minuotan na an nagakompanyar iyo idtong Bicolandia Rondalla. Nagluwas ini kan taon 1986.

Siya awardee man kan Millenium Oragon Award, posthumous, kan Des. 1999 huli sa saiyang mga magagayon na ambag sa lantad nin musika. An naggawad kan nasabing award iyo an Filipinas Broadcasting Network, Inc.

Nagadan si Gerry Latumbo huli sa cerebral stroke asin ilinubong duman sa La Loma Cemetery sa Manila.

Hilnga man[liwaton | liwaton an gikanan]

Ginunuan[liwaton | liwaton an gikanan]

  • Pahayag asin osipon ni Maria Teresa Perez y Latumbo, aking ngohod ni G. Latumbo (Peb. 22, 2009)
  • Pahayag asin osipon ni ex-Bgy. Captain Matias Oliva, sarong kagubay asin kaibahan sa choral group ni G. Latumbo. (Peb. 22, 2009)
  • [1]www.scribd.com/document/369574716/Bikol-Reporter-June-25-July-1-2017-Issue]www.scribd.com. Kinua 2018-12-13