Gilopez Cabayao

Si Gilopez Cabayao (namundag, 1929) sarong Filipinong byolinista, konduktor, maestro sa musika. An saiyang agom iyo si Corazon Pineda na saro man na pyanista sa mga konsyerto.

Pamilya asin edukasyon

Namundag sa Fabrica, Negros Occidental, an saiyang mga magurang iyo sinda Doroteo Kabayao (byolinista) asin Marcela Lopez (pyanita), asin sa edad na 9, nagkawat na sa byolin kan Violin Concerto sa sarong symphony sa lugar ninda. Siya nag'adal sa Silliman University asin sa mga eskwelahan sa musika sa New York asin Vienna. Sa hubinon pang edad, 19, si Kabayao nagkawat na sa byolin sa Carnegie Hall, Nweba York, asin sa pagpamalas kan saiyang hustong kabatiran sa paggitgit nin byolin, siya nagperform naman sa manlaenlaen pang siyudad sa Amerika, sa Europa asin Asya. An mag'agom may tolong aki: Sicilienne, Farida, asin Gilberto na anas man palbag sa arte asin musika.

Kan 1972, siya nagawadan kan Ramon Magsaysay Award, saro sa pretihiyosong gawad sa Filipinas. Dakul man nagsasabi na dapat si Kabayao magawadan man kan "National Artist Award".

Si Cabayao dinara an pagkamoot sa musika clasiko "sa gabos na parte kan Filipinas asin linibot niya mga eskwelahan, mga unibersidad, sa Panay, Bicol, Mindanao asin maski ngani sa "bulangan sa Negros asin Romblon, mga entabladong hinaman bigla sa Mountain Province mapukawan lamang an mga Filipino an pagkamoot sa musika.

Mga panluwas na takod

• philstar.com Kinua 2-24-08-07.