Gliceria Marella de Villavicencio

Gliceria Marella Villavicencio
Historical Maker of Gliceria Marella De Villavicencio sa Taal, Batangas .
Ipinangaki	Gliceria Legaspi Marella ( 1852-05-13 ) Mayo 13, 1852 Taal, Batangas, Kapitan Heneral kan Pilipinas
Nagadan	Setyembre 28, 1929 (1929-09-28) (nag-edad 77) Gobyerno Militar kan Estados Unidos sa Islang Pilipinas, Estados Unidos
Agom	Eulalio Villavicencio
Mga aki	9

Si Doña Gliceria Legaspi Marella de Villavicencio (Mayo 15, 1852 – Setyembre 28, 1929), bisto man sa pangaran na Aling Eralian, binibisto bilang saro sa mga bantog na Pilipino na nagtao kan saiyang sadiring yaman, panahon, kaaraman asin paghihingoa sa pagtabang sa mga Rebolusyonaryo panahon kan Rebolusyong Pilipino.

Nabisto man siya bilang sarong bayani kan Rebolusyon, sarong maigot na paradamay asin parasuporta kan pakikipaglaban kan mga Pilipino para sa kalayaan sa pamamayo kan kolonyal.

Sa panahon kan proklamasyon kan kalayaan kan Pilipinas kan Hunyo 12, 1898, si Gliceria Marella Villavicencio tinawan nin pangaran na "madrina kan pwersang rebolusyonaryo".

Biograpiya

Si Gliceria Marella Villavicencio namundag kan Mayo 13, 1852, sa Taal, Batangas . Siya an ikatulo sa pitong magturugang asin aki ni Vicente Marella asin Gertrudis Legaspi. Sinda sarong mayaman na pamilya. Sa edad na 12 nag-adal siya sa Santa Catalina College sa Intramuros. Kan magadan an matuang tugang na babae ni Gliceria, kinaipuhan niang akoon an responsibilidad na panginutan an pagsadiri kan pamilya.

Kan Oktubre 1871, inagom ni Gliceria si Eulalio Villavicencio, sarong mayaman na kagsadiri nin barko, na hali man sa mayaman na pamilya. Magkasararo, si Eulalio asin si Gliceria nagkontribwir nin dakulang porsyon kan saindang kayamanan asin paghihingoa tanganing suportaran an Rebolusyon Filipino. An Casa villavicencio, sarong harong sa taas kan bulod, itinao saiya bilang regalo sa kasal kan saiyang agom. An harong ginagamit bilang pailihan asin sekretong lugar nin pagtiripon kan mga lider nin rebolusyon. Kan maaraman kan mga Kastila an manungod sa mga rebolusyonaryong aktibidad kan mag-agom, an saindang harong parating pig-aaram kan Gwardia Sibil, kun saen dinakop si Eulalio sa mga akusasyon nin sedisyon asin pag-aghat nin rebelyon. Nagmakeherak si Gliceria sa Manila para sa pagpaluwas kan saiyang agom. Si Gliceria tinawan nin alok hale sa mga Kastila na paluwason an saiyang agom sa bilanggoan karibay nin anuman na mga sekreto. Alagad, sinayumahan niya an alok sa ibong kan saiyang pagkamoot sa saiyang agom. Si Eulalio kan huri pinaluwas kan 1898, alagad nagadan pakalihis nin 3 bulan huli sa saiyang maluyang salud kan Pebrero 1898. An pagkagadan kan saiyang agom nagpalaad kan saiyang pagkamoot sa pagsuporta sa rebolusyon laban sa mga Kastila.

Ginamit ni Gliceria Marella Villavicencio an kadaklan kan saiyang kayamanan tanganing magtao nin materyal na tabang sa mga rebelde. Sa kadakol na saiyang itinao, an bantog iyo an donasyon kan saiyang barko, an SS Bulusan, na ginamit sa pagdara nin mga soldados na Pilipino, mga armas, mga bala, asin mga suplay nin pagkakan para sa pagmantenir kan mga rebolusyonaryong pwersa. Ini an pinakaenot na barkong panggera na itinao sa mga rebolusyonaryo.

Saro siyang kagmukna kan Batallon Maluya, nagtao nin suporta pinansyal asin moral sa mga rebolusyonaryo asin padagos na nagtatao nin pagkakan, bado asin bala sa mga suldados. An saiyang harong nagin sekretong lugar nin pagtiripon kan mga lider rebolusyonaryo, kabali si Andres Bonifacio, Heneral Miguel Malvar asin Heneral Marasigan.

Si Gliceria Marella Villavicencio nagadan kan Setyembre 25, 1929. Igwa siyang anom na aki.

Hilingon man

• Listahan kan mga makasaysayan na marka sa Pilipinas
• Navy kan Pilipinas
• Taal, Batangas
• Rebulosyon kan Pilipinas

Mga nota

1. Mga nasyonalistang Pilipino na nakipaglaban laban sa mga Kastila asin pagkatapos, laban man sa mga Amerikano sa Pinaglaban na nangyari sa Pilipinas kan 1899 hasta 1902.