Gregorio Perfecto
Si Gregorio Milian Perfecto (20 Nobyembre 1891 - 17 Agosto 1949) sarong Filipinong peryodista, abogado asin huwes. Nagsirbe siya komo Associate Justice sa Korte Suprema kan Filipinas poon taon 1945 songdô 1949 kan panahon ni Presidente Sergio Osmeña. Masasabing siya sarong pigura na bistong gayo sa mga kaisipan niyang liberal, sa mga makolor asin pororopot na estilo nin pagsurat asin sa parating dai pag'oyon sa opinyon mayoria kan siya nakatukaw sa Korte Suprema.
Pamilya
[baguhon | baguhon an source]Namundag siya sa Mandurriao, Iloilo. An mga magurang niya iyo sinda Mariano Perfecto asin Juliana Millian.[1]. An naagom niya iyo si Paz Bravo. An saindang pagsasaro nagbunga nin anom (6) na aki: Romeo, Elena, Ariel, Carlos, Eden, asin Azucena.
Edukasyon
[baguhon | baguhon an source]Nag'adal nin elementarya si Perfecto sa Ligao, Albay, kan saiyang sekundarya sa San Beda College, asin nakua niya an Batsilyer en Artes sa San Juan de Letran. Nagtapos siya kan saiyang abogasya sa Unibersidad kan Santo Tomas. Nakua niya asin nakapasar sa eksamen sa Bar kan taon 1916.
Peryodista
[baguhon | baguhon an source]Si Perfecto nagpraktis ngòna kan saiyang pagka'abogado nin halipot na panahon dangan naglaog komo peryodista sa La Vanguardia asin sa Consolidacion Nacional. Ini mga peryodiko. Paglaog 1919, nagin na siyang editor kan La Nacion, sarong aldawan na diaryo.[2] An saiyasng pwesto sa La Nacion nagin na maray kontrobersyal ta naglabto siya sa mga kampanya laban sa korupsyon asin laban sa baluktot na mga opisyal. An hiro niyang ini nagbunga nin mga kaso libel na isina'ngat kontra saiya. Pati Senado nagkaso na ngane saiya. An gabos na ini napawa'ran sala asin saysay kan mismong Korte Suprema sa mga desisyon na pigpromulgar sa mga taon na 1921 asin 1922.[3]
Pulitiko
[baguhon | baguhon an source]Kan taon 1922, naelihir siya bilang Representante kan Enot na Distrito nin Manila sa Lehislatura kan Filipinas. Nagsirbe siya igdi abot 1928. Kan 1931, si Perfecto napadad huli sa polio. Nakakalakaw siya nagamit nin saklay pero nagrayray man an kamugtakan niya mala ta kaya pa man magkawat nin golf. [4]
Nataon si Perfecto kaapil sa Partido Democrata na tinogdas ni Claro M. Recto, dangan ngane nagin siya kaini sekretaryo heneral asin probisyonal na pamayo. Sa mga lideres sa Partidong ini, saro si Sergio Osmena, na ngapit iyo an manombra saiya sa Korte Suprema. [5]
Kan 1934, si Perfecto napili na Delegado sa Kombensyon Konstitusyonal na iyo an nagpanday kan si 1935ng Konstitusyon. Kinapotan niya komo Pamayo an Komite sa Citizenship asin Naturalization, asin kaapil siya sa Komite sa Constitutional Guarantees, Transistory Provisions, Style asin Sponsorship. Kan an Konstitusyon matapos nang mapanday, kasarabay kan ibang Delegado, pinirmahan niya ini kan sadiri niyang dugo sa pagtaong doon na an pirirmahan sarong solemneng ritwal.[6]
Kan an Konstitusyon maaprobaran sa sarong plebesito, si Perfecto naelhir bilang Representante kan Norteng Distrito kan Manila sa Asambleya Nasyunal. Nagserbi siya igdi sa duwang periodo, poon 1935 abot 1941. Saiyang maigot na ipigtolod an pagpagantad kan mga kamugtakan kan mga trahabador asin an pagtaong poder sa mga babae makaboto.[7]
Katuwang na Hokom sa Korte Suprema
[baguhon | baguhon an source]Kan Hunyo 1945, si Perfecto pignombrahan ni Presidente Sergio Osmeña sa Korte Suprema. Ini pigbago asin pigreorganisar pakatapos kan pananakop kan Hapon igdi sa Filipinas. Nagserbi siya igdi hanggan magadan siya kan taon 1949.
Sa apat na taon na yaon siya sa Korte, si Perfecto nag-ama' nin 172 (opinyon mayoria) asin sobra sa 200 na suway na opinyon, kaiba diyan an 195ng dai-oyon na opinyon. [8]. Sinasabi na sa agi-agi kan historya kan Korte Suprema, siya sana an nagguhit nin mas dakul na dai-oyon na opinyon (dissenting opinion) kisa sa mga opinyon mayoria. Sa kagabosan, si Perfecto "nakikipagngutiil" 20.6% kan panahon na yaon siya sa Korte, basado sa estadistika na 945 desisyon an hinaman kan periodong idto.
Sa Kongreso, pigsampaan siya nin prosedimyento nin impeachment huli ta ginibo na niyang estaran an saiyang opisina, dawa ngane totoo may pakaisi asin pag'oyon an Poon kan Korte Suprema na si Manuel Moran sa rason kan saiyang kakundian pisikal.[9] Sinabi ni Perfecto na an mga pagiipit saiya, dawa ngane dai man nin nangyari, anas sana huli sa pulitika.
Kagadanan
[baguhon | baguhon an source]Nagadan si Perfecto kan Agosto 17 1949 pakatapos nin madaling paghelang. Saro siyang Mason, alagad nagbalik sa Simbahan Katolika bago nagadan. [10]
Bago siya nagadan, si Perfectro nagsangat nin kaso sa Korte Suprema na sinasabi niya libre sa income tax an mga sweldo kan mga hokom asin mga huwes susog sa Konstitusyon. An kaso nadesisyonan oyon Sa saiyang pighohorot.[11] [12]
Kan 1958, an Ciudad nin Manila ipigngaran saiya an sarong eskwelahan sekundarya sa Tondo, Manila, an Gregorio Perfecto High School
Toltolan
[baguhon | baguhon an source]- ↑ Sevilla, Victor J. Justices of the Supreme Court of the Philippines. QC: New Day Publishers, 1984. Vol. II, p. 25-31
- ↑ Manuel Lim (8/23/1949). Speech delivered at Necrological Services for Associate Justice Gregorio Perfecto (Speech). Manila. Check date values in:
|date=(help), at 84 Phil. xxiv-xxv (1949) - ↑ U.S. v. Perfecto, 42 Phil. 113 (1921); U.S. v. Perfecto & Mendoza, 43 Phil. 58 (1922); U.S. v. Perfecto, 43 Phil. 225 (1922); People v. Perfecto, 43 Phil. 887 (1922).
- ↑ "Archive copy". Archived from the original on 2012-01-11. Retrieved 2011-08-07.
- ↑ "Archive copy". Archived from the original on 2012-01-11. Retrieved 2011-08-07.
- ↑ "Archive copy". Archived from the original on 2012-09-12. Retrieved 2011-08-07.
- ↑ Lim, p. xxv
- ↑ Lex Libris: Jurisprudence (1901-1985)
- ↑ Cruz, Isagani (2000). Res Gestae: A Brief History of the Supreme Court from Arellano to Narvasa. Manila, Philippines: Rex Book Store. p. 128. ISBN 971-23-2913-5. Unknown parameter
|coauthors=ignored (|author=suggested) (help) - ↑ Lim, p. xxvii
- ↑ Perfecto v. Meer, 85 Phil. 552 (1950)
- ↑ Perfecto v. Meer, 85 Phil. 552 (Supreme Court of the Philippines 1950-02-27).
Hihilngan
[baguhon | baguhon an source]- Justices of the Supreme Court of the Philippines: Victor J. Sevilla. Their Lives and Outstanding Decisions: 1945-1964. New Day Publishing. Jan. 1986. Hilnga ika-25 bokli ISBN-13: 9789711001360 ISBN 9711001365
- Our Delegates to the Constitutional Assembly. Benipayo Press. Manila 1935. Hilnga, ika-651 na boklit. Igdi sinapi' an saiyang retrato.
Mga panluwas na takod
[baguhon | baguhon an source]- Associate Justice Gregorio Perfecto Archived 2012-04-22 at the Wayback Machine.
Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.