Guillermo Masangkay

Si Guillermo Rafael Masangkay (namundag, 25 Hunyo 1867 - 30 Mayo 1963), Filipino rebolusyanryo na saro sa pinakaenot na nag'ayon sa Katipunan sa edad na 17 kan ini natugdas kan Hulyo 7, 1892. Siya nagin ugos na gayong katuwang ni Andres Bonifacio sa pagplano sa paglaban kontra sa mga Espanyol. Siya kaibang gayo sa enot na pagbungkaras kan Katipunan sa Pamitinan Cave sa Mt. Tapusi, Montalban kan Abril 12, 1895 asin siya an responsable sa pagtugdas kan sanga nin Kapunan sa Cavite na iyo an nagtaong dalan sa pagbutwa asin pagdakula sa kabantogan ni Emilio Aguinaldo.

Kaamayi nin buhay

Si Masangkay pinakangohod sa apat na aki ninda Domingo Masangkay nin Batangas asin Victoria Rafaelnin Tanza, Cavite. Siya daing pormal na edukasyon asin nagsuporta sa pagbuhay kan pamilya paagi nin pagbangka niya paghatod ni mga pasahero. Siya, alagad, mabinasang marhay asin nagin nganing tataong magtaram asin magbasa sa Espanyol. Naagom si Romana Noriel nin Cavite, siya nagkaigwa nin doseng aki na saiyang inasikaso na mapaadal mantang siya nagnegosyo. Saro siya sa nagtolod asin napatipon nin dakulang pundo (diyes mil hale sa personal niyang bulsa) sa pagpatindog kan Monumento nin Bonifacio sa Caloocan kan ini napatindog sa ri'gon kan bill ni Sen. Sergio Osmena naaprobahan sa Senado. .

Mga Batalyang natapsokan ni Masangkay

Saro sa memorableng laban naimbwelto si Masangkay iyo an enkwentro na sagupaan laban sa mga pwersa Amerikano sa tulay nin Zapote sa Las Pinas, rizal. Sa tolong aldaw na bokbokan, dakula an inabante kan pwersa niya alagad siya nalugadan asin dinara siya ni Hen. Lawton sa San Juan de Dios Hospital ngani mabulong. .