Habagatan-subangan na Europa
An Habagatan-subangan na Europa iyo an heograpikong sub-rehiyon kan Europa, pangenot na kompwesto kan rehiyon kan Balkans, siring man an mga kataraid na rehiyon asin archipelagos. Igwang overlapping asin conflicting na pakahulogan kan rehiyon, huli sa political, economic, historical, cultural, asin geographical considerations.
An mga soberanong estado asin mga territoryo na posibleng kabali sa rehiyon iyo an Albania, Bosnia asin Herzegovina, Bulgaria, Croatia (alternatibong nakabugtak sa Central Europe), Greece (alternatibong nakabugtak sa mahiwas na rehiyon kan Habagatan na Europa), Kosovo, Montenegro, North Macedonia, Romania (alternatibong nakabugtak sa Subangan na Europa), Serbia, asin an Europeong kabtang kan Turkey (alternatibong nakabugtak sa mahiwas na rehiyon kan Habagatan na Europa, siring man sa Solnopan na Asya kaiba an natatada kan nasyon). Kun minsan, an Cyprus (parating pigbubugtak sa Solnopan na Asya), Hungary (parating pigbubugtak sa Central Europe), Moldova (parating pigbubugtak sa Subangan na Europa), asin Slovenia (parating pigbubugtak sa Central Europe) kabali man huli sa cultural o historical factors asin affiliation.
An mga pinakadakulang syudad kan rehiyon iyo an Istanbul, Athens, Bucharest, Sofia, asin Belgrade.
