Hachijō-in Takakura
Si Hachijō-in no Takakura (八条院高倉, c. 1176 - c. 1248) (pigtutubodan na saro man sanang tawo an inaapod na Takakura-dono, sagkod Kunyo) sarong waka na pararawitdawit sagkod nobleng babaye na Hapon na aktibo kan kapanahonan nin Kamakura . [1] Siya pigdesignar bilang sarong miyembro kan New Thirty-Six Immortals of Poetry .
Sa orihinal, siya nagserbi bilang sarong babaye na parahalat ki Hachijo-in, na iyo an pantolo sa mga aki na babaye ni Emperador Go-Toba. [2] Kan ini mabasa ni Emperador Go-Toba an saro sa mga rawitdawit ni Takakura, nagngalas siya asin piggantugan na siya magsurat nin mga rawitdawit para sa iba- ibang kompetisyon asin nangyayari sa korte. [2] Nahiling na siya tatao magbasa nin Hapon asin Intsik, asin bisto siya sa saiyang katalian.
An osipon - asin man an nagkapirang dokumento - nagsusuhestar na si Takakura iyo an sekreto na aking babaye ni Prinsesa Yoshiko (na parehong aking babaye ni Go-Toba asin an balo ni Emperador Nijo ) asin sarong Budista na kura paroko, si Choken. [3] Si Prinsesa Yoshiko dai nahaloy asin nagadan pagkamundag ni Takakura, asin an tiyaon ni Takakura, si Hachijo-in, tabaad iyo an nagpadara asin nagsugo kan sadit na aki nganing iyo an padakulaon kan pararawitdawit na si Fujiwara no Shunzei. Kan si Takakura nasa tamang edad na, siya naging sarong babaye na parahalat ki Hachijo-in. [3]
Pagtapos kan kagadanan kan saiyang amo na si Hachijo-in, si Takakura nagkua nin mga relihiyosong panata asin siya nagin sarong madre. Kinua niya an ngaran na Kunyo, asin nag-istar sa Shokutei-in sa natad kan Daigoji temple complex sa Kyoto, na kan huri naglipat tanganing mag-istar sa Hokkeji. [3] [4] Nagkaigwa siya nin relasyon sa saro niyang kapwa madre - asin kapwa dating naghahalat man na babaye- na si Jizen. [3]
- ↑ Meeks, Lori R. (2010-04-30). Hokkeji and the Reemergence of Female Monastic Orders in Premodern Japan (in English). University of Hawaii Press. ISBN 978-0-8248-3394-7.
- ↑ 2.0 2.1 Huey, Robert N. (2020-03-23). The Making of Shinkokinshū (in English). BRILL. ISBN 978-1-68417-365-5.
- ↑ 3.0 3.1 3.2 3.3 Meeks, Lori R. (2010-04-30). Hokkeji and the Reemergence of Female Monastic Orders in Premodern Japan (in English). University of Hawaii Press. ISBN 978-0-8248-3394-7. Error sa pag-cite: Invalid
<ref>tag; name ":0" defined multiple times with different content - ↑ Tonomura, Hitomi; Walthall, Anne; Wakita, Haruko (1999). Women and Class in Japanese History (in English). Center for Japanese Studies, the University of Michigan. ISBN 978-0-939512-91-1.