Hamasen

Para sa makasaysaya na probinsya sa inaapod ngunyan na Eritrea, hilingon an Hamasien.

Sarong tanawon kan Hamasem gikan sa Kaohsiung Harbor

Hamasen
Tradisyonal na Intsik	哈瑪星
Pinasimpling Intsik	哈玛星
Mga Transkripsyon Estandarteng Mandarin Hanyu Pinyin Hāmǎxīng Tongyong Pinyin Hāmǎsīng Sur na Min Hokkien POJ Há-má-seng

An Hamasing (Intsik: 哈瑪星; pinyin: Hāmǎxīng) o Hamasen (濱線) sarong makasaysayan urban na lugar kan Kaohsiung, Taywan. Namumugtak ini sa parteng habagatan kan Distrito nin Gushan sa pag-ultanan kan pamitisan kan Ape Hill asin Distrito nin Yancheng, saro pang makasaysayan na kwarter.

Kasaysayan

An pangaran na Hamasing gikan sa tataramon na Hapon " na Hamasen (濱線)", na an boot sabihon "linya nin riles sa baybayon", ini an pangaran sa Hapon kan duwang riles na nag-agi sa lugar na ini. Dati ini an sentro kan mga kargamento sa riles asin kadagatan. Ini an sentro kan politika, ekonomiya, asin industriya nin pagsira. An lugar iyo man an pioneer kan modernisasyon kan Kaohsiung kun saen an pinakaenot na modernisadong tinampo kan syudad, pagbugtak nin tubig sa gripo, kuryente asin mga ilawan ginibo duman. Bago an pagmukna kan Istasyon nin Kaohsiung, an Hamasing sarong regular na pag-ontok kan tren na pampasahero.

Transportasyon

An Hamasen igwa nin duongan na pinangaranan na Istasyon ninFerry kan Gushan na nagkokonektar sa Distrito nin Gushan asin Isla nin Cijin na may regular na serbisyo nin ferry sa paagi kan Cijin–Gushan Ferry. Dugang pa, kadakol na saradit na mga baroto asin yate an nagduduong man duman. An Istasyon nin Hamasen kan Kaohsiung MRT namumugtak sa lugar na ini. Sarong balyuhan asin cycling tunnel na nag-aagi sa Ape Hill an nagkokonektar sa Hamasing asin Panganasyon na Unibersidad nin Jun Yat-sen sa Sizihwan.