Henry Turalde
Si Henry Turalde (namundag Septyembre 12, 1960)[1] sarong kompositor, inhinyero asin maestro. An komposisyon niyang Boses ni Lolo nagkamit nin ikaduwang lugar sa First Bicol Music Festival na ibinungsod kan Agosto 15, 1982 igdi sa Siyudad nin Naga, asin pinag-amaan kan Bicol Heritage Foundation. Siya man nanggana sa Goa Songwiting Festival na may titulong "Kayamanan" (Grand Prize, 2001) asin "Siya an Bicolana" (Second Runner-up, 2000). Siya pa man nanggana nin Grand Prize sa First Bicol Christmas Songwriting Festival (2007) sa komposisyon na "Maogmang Pasko". Laen man kaiyan, si Turalde nag-representar asin nanggana sa kategoryang "classical guitar" kan 1973 National Music Competition for Young Artists (NAMCYA) na ginibo sa Cultutral Center of the Philippines (CCP). Saro man siyang "play director" na nangaranan bilang "Best Director" sa ginibong "1981 Theater Festival" kan University of Nueva Caceres, sa siyudad nin Naga.
Si Turalde namundag sa San Miguel (Macalinao), Bula, Camarines Sur. Nagdakula siya sa Larap, Jose Panganiban, Camarines Norte. An saiyang naagom iyo si Fe Bagamasbad na taga-Iriga City. Si Turalde nag'adal sa University of Nueva Caceres (UNC,1983) nin Civil Engineering, dangan Graduate School kan Camarines Sur Polytechnic Colleges (CSPC), University of the Philippines Diliman (UPD) sagkod Central Bicol University of Agriculture (CBSUA).[2]
Saro siyang civil engineer, geodetic engineer, environmental planner, real estate broker saka registered master plumber, gabos lisensiyado kan Professional Regulations Commission (PRC).
