Hirohito
| |||||||||
|---|---|---|---|---|---|---|---|---|---|
.jpg) Formal portrait, 1935 | |||||||||
| Emperor of Japan | |||||||||
| Panahon kan Kapanyarihan | 25 December 1926 – 7 January 1989 | ||||||||
| Enthronement | 10 November 1928 | ||||||||
| Suminunod ki | Taishō | ||||||||
| Sinundan ni | Akihito | ||||||||
| Iminundag | Hirohito, Prince Michi (迪宮裕仁親王) 29 Abril 1901 Tōgū Palace, Aoyama, Tokyo, Japan | ||||||||
| Nagadan | Error: Need valid death date (first date): year, month, day Fukiage Palace, Tokyo, Japan | ||||||||
| Pigburol | Musashi Imperial Graveyard, Hachiōji | ||||||||
| Isyu | |||||||||
| |||||||||
| Amá | Emperor Taishō | ||||||||
| Iná | Sadako Kujō | ||||||||
| Relihiyon | Shinto | ||||||||
| Pirma |  | ||||||||
Namundag si Hirohito kan 29 Abril 1901 sa Palasyo nin Tōgū sa Aoyama, Tokyo durante kan paghahadi kan saiyang lolo si Emperador Meiji, an enot na aking lalaki kan 21-anyos na Prinsipe Yoshihito (an magigin Emperador Taishō ) asin 16-anyos na Crown Princess na si Sadako, an magigin Emperatriz Tei . [ 4 ] Siya an makoapo ni Emperador Meiji asin Yanagiwara Naruko . An saiyang titulo kan siya aki pa iyo si Prinsipe Michi.
Sampulong semana pagkatapos siya namundag, hinale si Hirohito sa korte asin inilaag sa pangangataman ni Konde Kawamura Sumiyoshi, na nagpadakula saiya bilang saiyang makoapo. Sa edad na 3, ibinalik si Hirohito asin an saiyang tugang na si Yasuhito sa korte kan magadan si Kawamura – enot sa mansyon kan imperyo sa Numazu, Shizuoka, dangan balik sa Palasyo kan Aoyama. [ 5 ]
Kan 1908, nagpoon siya kan elementarya sa Gakushūin (Peers School). Si Emperador Mutsuhito, nag-designar ki Heneral Nogi Maresuke na magin ikasampulong presidente kan Gakushūin siring man an tawong encargado sa pag-edukar kan saiyang makoapo. An mayor na aspeto na saindang pigtututukan iyo an pisikal na edukasyon asin salud, nin huli ta si Hirohito sarong aki na may helang, na kapantay kan mga valor siring kan pagtitipid, pasensya, pagkalalaki, pagkontrol sa sadiri, asin debosyon sakatungdan. [ 7 ]
Durante kan 1912, sa edad na 11,kinomisyon si Hirohito sa Imperyal na Hokbong Hapon bilang Ikaduwang Tenyente asin sa Imperyal na Hukbong Hapon bilang sarong Ensign. Tinawan man siya kan Grand Cordon kan Orden kan Krisantemo . Kan an saiyang lolo, si Emperador Meiji nagadan kan 30 Hulyo 1912, si Yoshihito an nagtukaw sa trono asin an saiyang matuang aking lalaki, si Hirohito an nagin tagapagmana. .
Pagkatapos na maaraman an pagkagadan kan saiyang instruktor, si Heneral Nogi, napano siya nin emosyon kaiba an saiyang mga tugang na lalaki. Sa huri, inako niya an nagdadanay na impluwensya ni Nogi sa saiyang buhay. Sa panahon na ito, duwang taon pa sana kan primarya an natatapos niya, poon kaidto an saiyang edukasyon binayaran ni Fleet Admiral Togo Heihachiro asin Naval Captain Ogasawara Naganari, kun saen sa huri, iyo an saiyang nagin mga mayor na kalaban manongod sa saiyang polisiya sa depensa nasyonal. [ 9 ]
Saro sa saiyang mga instrukto sa middle school si Shitaro Kurakichi, saro sa mga personalidad na nakaimpluwensya nin hararom sa buhay ni Hirohito. Si Kurakichi sarong sinanay na historyador gikan sa Alemania, na nag-aako kan positivist historiographic trend ni Leopold von Ranke. Siya an nagbugtak sa isip kan hoben na si Hirohito na may koneksyon sa pag-ultanan kan dibino na ginikanan kan imperial line asin an kamawotan na ikonektar ini sa mito kan rasyal na superyuridad asin homoginidad kan mga Hapon. An mga emperador pirming nagtutulod sa modernisasyon kan saindang nasyon. Tinokdoan niya si Hirohito na an Imperyo nin Hapon ginibo asin pinamamahalaan sa paagi kan diplomatikong mga aksiyon (na kinokonsiderar an mga interes kan ibang nasyon sa marhay asin matanos na paagi). [ 10 ]