Hiromu Arakawa

Hiromu Arakawa 荒川 弘
Namundag	(1973-05-08) Mayo 8, 1973 Makubetsu, Tokachi Subprefecture, Hokkaido, Japan
Nasyunalidad	Hapon
(Mga) lugar	Manga artist
Mga midbid na mukna	Fullmetal Alchemist Silver Spoon The Heroic Legend of Arslan

Si Hiromu Arakawa, pinangaki kan Mayo 8. 1973, siya sarong Japanese manga artist. Bistado siya sa serye kan mangang Fullmetal Alchemist (2001-2010). na naging sikat sa lokal asin internasyonal, asin tig adaptar pa bilang duwang serye sa telebisyon na anime. Bistado man siya sa Silver Spoon (2011-2019) asin sa manga na adoptasyon kan nobela na The Heroic Legend of Arsian.

Amay na buhay

Namundag kan Mayo 8, 1973, sa Tokachi Hokkaido, Japan, Si Arakawa ipinangaki asin pinadakula sa farm kaiba kan saiyang matuang tugang na babae asin batang lalaki na tugang. Si Arakawa pangarap na maging manga artist puon kan aki pa siya, asin habang nag kaklase, pirmi siyang nagguguhit sa mga textbook. Pagkatapos niya mag-graduate sa high schoo, nagkua siya nin klase sa oil painting sarong beses kada bulan sa laog nin pitong taon habang nagtatrabaho sa farm kan saindang pamilya. Sa panahon na ini, naggibo man siya nin dõjinshi manga kaibahan an saiyang barkada asin nagguhit nin yonkoma para sa magazine. Si Arakawa nagbalhin sa Tokyo kan tag-init nin 1999.

Karera

Si Arakawa nagpoon kan saiyang karera sa mundo kan manga bilang empleyado sa Square Enix asin asistente sa ni Hiroyuki Eto, an awtor kan Mahojin Guru Guru. An saiyang karer nagpoon sa pagpublikar kan Stray Dog in Square Enix's Monthly Shonen Gangan kan 1999. An Stray Dog nanggana nin ninth 21st Century Shonen Gangan Award. Tig publikar niya an sarong chapter kan Shonghai Yomakikai in Monthly Shonen Gangan kan 2000.

Fullmetal Alchemist

Si Arakawa tig publikar niya an inot na chapter kan Fullmetal Alchemist kan Hulyo 2001 sa Monthly Shonen Ganga. An serye igwa nin 108 na chapte, na an huring chapter nailathala kan Hulyo 2010, asin an mga ini tinipon sa twenty-seven bulyom. Sabi kan ibang rebyuwer na an kombinasyon kan Arakawa's art style asin an surat kan Fullmetal alchemist nagkokontribute sa madiklom na thema kan elemento. An serye nanggana nin ika-49th Shogakukan Manga Award sa Shonen category kan 2004.

An Fullmetal Alchemist tig-adaptar bilang duwang serye na anime kan Bones. Kan ginigibo pa an inot na serye, tinabangan sinda ni Arakawa sa early development kaini. Alagad, dae siya nakabali sa paggibo kan script l, kaya sa huri iba ang kataposan kan mangga, na lalo pa niyang pinalawig.

Kan harani na an katapusan kan ikaduwang anime adaptation, ipinahiling ni Arakawa ki direktor Yasuhiro Irie an saiyang plano para sa kataposan kang manga, tanganing magka-huring petsa an duwang kataposan. Kadaklan sa mga parahiling an manga asin anime, na itinatala ninda sa pagkakaiba nin style asin paksa. Saro sa naghihiling tig paliwanag na an manga puro emosyonal samantalang an anime puro makarayaw. An simpleng style ni Arakawa na may kadikloman asin an saiyang plot choices kabaliktaran kan "cartoony" na makukulay. Sa kabuuan, an mga nahiling kadaklan nagpapahiling kan anime para sa mga aki, habang an manga sa mga hubenes asin gurang.

Iba pang mga obra

Si Arakawa nag publikar nin mas dakol arog kan Raiden-18, Siten no Komori (bistado na Bat in Blue Sky), asin Hero Tales. Nakipagkolaborate si Arakawa sa paggibo kan Hero Tales kasabay kan Studio Flag, gamit an ngaran na Huang Jin Zhou. Sa anime adaptation kan serye, si Arakawa responsabli sa pag design kan characte. Asin siya an nagguhit nin cover kan Japanese edition kan novel na The Demon's Lexicon na sinurat ni Sarah Rees Brenna.

Kan Abril 2011, nagpuon si Arakawa nin sarong serye na pinamagatang Silver Spoon sa Weekly Shonen Sunday. Imbes na magsurat nin panibagong fantasy na serye arog kan Fullmetal Alchemist, gusto ni Arakawa na hamunon an saiyang sadiri sa paagi nin mas realistiko na istorya sa Silver Spoon. Madali ini naging parte kan titulo nin Shogakukan, asin sarong serye sa anime na ginibo kan A-1 Pictures na nagpoon kan Hulyo 2013. Asin kan Hulyo 2013 nagpoon siya kan saiyang manga adaptation kan Yoshiki Tanaka's The Heroic Legend of Arslan serye kan novel nin Kodansha's Bessatsu Shonen Magazine.

Tig poonan ni Arakawa an manga serye nin Daemons of the Shadow Realm nin Monthly Shonen Gangan kan Disyembre 10, 2021. Kan 2022, ipinahayag an anime adaptation nin Arakawa's autobiographical manga Hyakusho Kizoki.

Personal na buhay

Si Arakawa ay kasal asin may tulong aki. Nangaki siya nin babayi kan 2007 asin an saiyang ika tulong aki kan Enero 2014.

Si Arakawa sarong tagahanga kan Star Wars asin Indiana Jones, asin pinaliwanag niya si Darth Vader bilang pinakadakula na kontrabida sa gabos na panahon.

Mga Impluwensya

Sinabi ni Arakawa na si Suihō Tagawa, an awtor kan Norakuro, iyo an nagiging ugat kan saiyang estilo bilang parasurat asin artist. Asin nakanuod siya nin komposisyon asin pagguhit kan habang siya assistant ni Hiroyuki Eto. Tinutukoy niya bilang impluwensya si Rumiko Takahashi, Shigeru Mizuki, asin Kinnikuman ni Yudetamagao asin tagahanga man siya kan mga gibo ni Mike Mignola. An mga tagasuri tig tuturing na may impluwensya nin steampunk an Fullmetal Alchemist.

Mga gibo

• Stray Dog (1999)
• Shanghai Yōmakikai (上海妖魔鬼怪; Plantilya:Lit.) (2000)
• Fullmetal Alchemist (鋼の錬金術師, Hagane no Renkinjutsushi; Plantilya:Lit.) (2001–2010)
• Raiden-18 (2005–2021)
• Sōten no Kōmori (蒼天の蝙蝠; Plantilya:Lit.) (2006)
• Hero Tales (獣神演武, Jūshin Enbu) (2006–2010)
• Hyakushō Kizoku (百姓貴族; Plantilya:Lit.) (2006–presente)
• Silver Spoon (銀の匙, Gin no Saji) (2011–2019)
• The Heroic Legend of Arslan (アルスラーン戦記, Arusurān Senki; Plantilya:Lit.) (2013–presente)
• Moonrise (2025) (disenyo nin karakter)
• Daemons of the Shadow Realm (黄泉のツガイ, Yomi no Tsugai; Plantilya:Lit.) (2021–presente)

Mga Premyo

• 1999: Ika-9 ika-21 Siglo na Enix Award para sa Stray Dog
• 2003: Ika-49 na Shogakukan Manga Award, kategoryang Shōnen para sa Fullmetal Alchemist
• 2011: Ika-15 na Tezuka Osamu Cultural Prize, "New Artist Prize" na kategorya.
• 2011: Ika-42 na Seiun Award, "Pinakamahusay na Komiks sa Science Fiction" na kategorya para sa Fullmetal Alchemist
• 2012: Ika-5 na Manga Taishō Award para sa Silver Spoon
• 2012: Ika-58 na Shogakukan Manga Award, kategoryang Shōnen para sa Silver Spoon