Ikawalong Krusada
An Ikawalong Krusada iyo an krusada na linansar kan Hade kan Pransiyang si Loius IX kaidtong 1270. An Ikawalong Krusada kun minsan binibilang na Ikapito, kun an Ikalimang Krusada asin Ikaanom na Krusada ni Frederick II bibilangon na sarong krusada. An Ikasiyam na Krusada minsan binibilang na kabtang kan Ikawalong Krusada. Napurisaw si Louis sa mga pangyayari sa Syria kun saen an Mamluk sultan Baibars uminatake sa natatada kan mga estado kan nagkrusada. Sinunggaban ni Baibars an pagkakataon pagkatapos na an sarong gera na naglalaban na mga syudad kan Venice asin Genoa sa lambang saro (1256–1260) uminubos sa mga pwertong Syrian na kinokontrol kan duwang mga syudad. Kaidtong 1265, nasakop ni Baibars an Nazareth, Toron, Asruf. Si Hugh III kan Cyprus na nominal na hade kan kahadean kan Herusalem tuminontong sa Acre tanganing surugon an syudad mantang si Baibars nagmartsa sagkod sa amihanan sa Armenia na sa panahon na ini nasa kontrol kan Mongol. An mga pangyayaring ini nagbusol kay Louis na umapod nin sarong bagong krusada kaidtong 1267 maski na ngani may dikit na suporta sa panahon na ini. An nagkokronikang si Jean de Joinville na uminiba kay Loius sa Ikapitong Krusada nagsayuma na magduman. Si Louis tulos na na-engganyar kan saiyang tugang na si Charles kan Anjou na atakihon muna an Tunis na matao sa saindang nin sarong makusog na base para sa pag-atake sa Ehipto. Ini an katuyohan kan Ikaanom na Krusada ni Louis siring man an Ikalimang Krusada bago niya na parehong nadaog duman. Si Charles kan Kahadean kan Sicily may sadiring interes man sa sakop na ini kan Meditteraneo. An Khalif kan Tunis na si Muhammad I al-Mustansir may mga koneksiyon man sa Espanyang Kristiyano asin pigtatratar na marhay na kandidato para sa pang-aakay. Kaidtong 1270, si Louis tuminontong sa baybayon na Aprikano kaidtong Hulyo na sarong bakong marhayon na panahon para tumontong. An kadaklan kan hukbo nagkahelang huli sa maating inumon na tubig. An saiyang aki na ipinangaki sa Damietta na si John Sorrow nagadan kaidtong Agosto 3[1] asin kaidtong Agosto 25 nagadan si Louis huli sa sarong flux sa tulak sarong aldaw pagkatapos an pag-abot ni Charles. An saiyang sinabi sa pagkagadan iyo an "Herusalem:". Prinoklama ni Charles an aki ni Louis na si Philip III kan Pransiya na bagong hade alagad huli sa saiyang pagigin aki, si Charles an nagin aktwal na lider kan krusada. Huli sa dugang na mga sakit, an pagsakyada sa Tunis inabandona kaidtong Oktubre 3 sa sarong kasunduan sa sultan. Sa kasunduan na ini, an mga Kristiyano nagkamit nin talingkas na pakikipagkalakalan sa Tunis asin an parsyal na trayumpo. Pagkatapos madangog an kagadanan ni Louis asin an pag-ebakwar kan mga nagkrusada gikan sa Tunis, kinansela ni Sultan Baibars kan Ehipto an saiyang plano na magpadara nin mga hukbo tanganing labanan si Louis sa Tunis.[2] Sa ngunyan nakipag-alyansa na si Charles sa Prinsipe Edward kan Inglatera na umabot. Kan ipinagpaliban ni Charles an pag-atake sa Tunis, si Edward an nagpadagos pasiring sa Acre na huring nagkrusada sa bantay sa Syria. Ang saiyang ginugol duman parating pig-aapod na Ikasiyam na Krusada.
