Ilya Bondarenko

Ilya Yevgrafovich Bondarenko
Kamundagan	Hulyo 18, 1870 Ufa
Kagadanan	Hulyo 21, 1947 Moscow
Nasyunalidad	Russia

Si Ilya Yevgrafovich Bondarenko (Russian: Илья Евграфович Бондаренко; 1867–1947) sarong Russian-Unyon Sobyet arkitekto, historyador asin tagapreserbar, asin midbid komo tagatulod nin partikular na estilo kan Old Believers na arkitektura kan 1905-1917, na pigraramas an inaapod na arteng Northern Russian revival kan "Art Noveau".

Edukasyon asin kaamayi kan mga trabaho

Si Bondarenko nag'adal sa Moscow School of Painting, Sculpture and Architecture poon 1887 abot 1891 (klase ni Alexander Kaminsky), asin natapos kan edukasyon niya sa Zurich Polytechnikum kan 1894, dangan sa kompanyang Fyodor Schechtel kan (1895–1896). Siya naglibot sa bilog na Rusya kan mga 1890, nag'aadal kan mga tradisyonal na arkitektura sa Norte asin sa mga rona nin Volga.

Siya nakasaro sa mga artistang grupo ni Savva Mamontov asin ni Abramtsevo Colony; an mga koneksyon niyang ini iyo an nakatabang saiya sa pagkua kan saiyang mayor na proyekto - an pagtugdok kan mga pabilyon sa Russian Crafts duman sa Exposition Universelle (1900) sa Paris, katuwang si Konstantin Korovin. Ngapit si Bondarenko nagsarig na gayo kan dakul na mga proyekto niya igdi ki Abramtsevo na seramik. Siya mahusay sa inapod na Art Nouveau'ng pagdesenyong interior, asin ta nagsali siya sa 1902 Art Nouveau na eksibisyon ni Ivan Fomin. An saiyang estilo, impluwensyado ni Victor Vasnetsov asin kan kontemporaryong trabaho ni Sergey Solovyov, iyo an direktamentng bunga kan eskwelahan Abramtsevo, alagad may napapalaen na hagod kan tradisyon nin Old Believers asin hararom na pakaaram kan mga relikya ni Pskov asin ni Novgorod.

Old Believers na mga simbahan

Simbahan sa Moscow, mayo nang mga krus – ginamit karate training gym

Old Believers' Church of Intercession of Theotokos, Gavrikov Lane, Moscow, 1906-1911

Durante kan Rusong Rebolusyon nin 1905, an gobyerno hinale an pagbawal sa Old Believers, na tinutugot sainda sikyera na magtugdok sadiri nindang mga simbahan (bago Abril, 1905, pagsamba ginigibo sana sa magkapirang mga historikong lugar arog kan Sementeryo Rogozhskoye. An mga kongregasyon nagpatugdok nin mga bagong proyekto. Si Bondarenko, midbid kan mga maimpluwensyang lioder sa komunidad, siya nakontratang arkitekto Belokrinitskaya Hierarchy. Kan 1907-1908 siya naggibo kan enot na simbahan nin Old Believers sa Moscow, sa Tokmakov Lane (para sa Pomorian Old-Orthodox na Simbahan). Ini nagkasurundan pa kan mga soimbahan sa Noginsk, Riga, Kashin, Orekhovo-Zuevo, tolo pang simbahan sa Moscow. Siya nagtrabaho man sa Simbahan nin Estado, asin saiyang nahaman an Shuya na Katedral kan 1912.

Mga paghingowa sa preserbasyon

Si Bondarenko kinukugos na gayo an klase nin Neoklasisismo kan Moscow, asin ta hararom nag';aadal kan estilo siring poon pa kan 1904. Sa partikular, saiyang nadukayan an mga orihinal na mga drowing ni Domenico Giliardi asin ni Afanasy Grigoriev (1913) asin ta saiyang pigpublikar an mga ini, dangan siya nagsurat kan enot na biograpiya ni Matvey Kazakov (1912).

Pakatapos kan Rusong Rebulosyon nin 1917 si Bondarenko, maski igwa siyang koneksyon sa simbahan, siya nakakuang pwesto sa sistema Sobyet- enot bilang namamahala kan museo sa Ufa (1919–1921), kun saen siya nagkaag nin enot na teatro asin enot na museo, (presenteng Mikhail Nesterov Museum; si Nesterov asin Bondarenko kawasa magka-ugos na magaramigo). Kan 1921, si Bondarenko nagbalik sa Moscow, asin nagtrabaho sa magkapirang mga institusyon Sobyet sagkod na siya nagadan kan 1947. Kan mga 1930, siya nagbalik sa arkitektura, na saiyang pigsibotan mga edipisyong historiko, arog kan pagpalakbang kan 1938 kan Bakhrushin Museum of Theatre asin an 1933 na pagpadakula kan Moscow Conservatory. Siya nagkapot bilang pamayong arkitekto kan Kamposanto Vagankovo, kan Mosenergo, asin naimbwelto bilang konsultant para sa mga lumang edipisyoso, kairiba na diyan an paghirahay 1938-1940 kan Saint Basil's Cathedral. An ultimong toka niya iyo an paghirahay kan ki Matvey Kazakov na Travel Palace sa Tver, na narugba kan Ikaduwang Gerang Pankinaban.

Toltolan

• Ruso: fragment of Bondarenko memoirs Archived 2007-09-27 at the Wayback Machine.
• Ruso: Нащокина, М.B., "Архитекторы московского модерна", М, "Жираф", 2005, стр.87-96 (Maria Naschokina)
• Ruso: Леонидова, Т., "Архитектор, художник, педагог…", [1]
• William Craft Brumfield, "Commerce in Russian Urban Culture 1861-1914", The Woodrow Wilson Center Press, ISBN 978-0-8018-6750-7