Inskripsiyon na Ayodhya ni Dhana

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Inskripsiyong Ayodhya ni Dhana)
Inskripsiyon na Ayodyha ni Dhana
Antigong Sanskrit na inskripsiyon
MateryalesGapo
PagsusuratSanskrit
PigmuknaIka-1 SigloBCE
Motyong/LugarAyodhya, Uttar Pradesh
Kinamumugtakan sa ngunyanMonasteryong Ranopali, Shri Udasin Sangat Rishi Ashram
Madudugangan an Ranopali Ashram, Ayodhya sa India
Ranopali Ashram, Ayodhya
Ranopali Ashram, Ayodhya
Ranopali Ashram, Ayodhya (India)

An Inskripsiyon na Ayodhya ni Dhana sarong inskripsiyon sa gapo na hali sa hadeng Hindu Deva na si Dhana o Dhana–deva kan ika-1 siglo BCE. Namuno siya hali sa syudad kan Ayodhya, Kosala, sa India. An saiyang ngaran nakua sa mga antigong sensilyo asin inskripsiyon. Base ki P.L. Gupta, saro siya sa kinseng hade na nagpadalagan kan Ayodhya sa pagitan kan 130 BCE asin 158 CE, kun sain an saindang mga sensilyo nakua: Muladeva, Vayudeva, Vishakadeva, Dhanadeva, Ajavarman, Sanghamirta, Vijayamitra, Satyamitra, Devamitra asin Aryamitra.

Uyon ki D.C. Sircar, base sa mga epigrapikong ebidensiya, an inskripsiyon naisurat sa taon na ika-1 siglo CE. An raot na inskripsiyon nabisto huli sa pagsambit kani ki Heneral Pushyamitra asin sa saiyang inapo na si Dhana–, asin an saiyang paggamit nin kabayong Ashvamedha para mapadakula an saiyang emperyo, asin pagpagibo nin sadiring templo.

Inskripsiyong Sunga gikan sa Ayodhya[baguhon | baguhon an source]

An inskripsiyong Ayodhya kan dinastiyang Sunga nakua ni Babu Jagannath Das Ratnakara sa monsteryo kan Ranopali sa Ayodhya. An inskripsiyon nasa lengguwaheng Sanskrit, nakasurat sa tekstong Brahmi, asin an gapo nakua sa entrada kan samadhi (memoryal)kan Baba Sangat Bakhsh, kan mga Udasi Sikhs. Sinususog kan mga Udasi an saindang lahi sa pinakagurang na aki ni Guru Nanak. An monumento kan samadhi yaon sa laog kan monasteryo kan Ranopali kan mga Udasi Sampradaya, inaapod man na Shri Udasin Rishi Ashram. Tinutubodan na ini tinindog sa panahon ni Nawab Shuja-ud-daula, asin an gapo hali sa mga guho kan nasabing panahon.

Uyon ki Kunal Kishore, an inskripsiyon dai masasabing Sanskrit. Alagad an ibang mga iskolar dai nag-uyon asin sinabi na kun hahalion an dikit na sala sa pagkasurat kan inskripsiyon, ini maaapod na Sanskrit.

Inskripsiyon[baguhon | baguhon an source]

An nadiskubreng inskripsiyon raot na asin dai kumpleto. An nakakaag:

1. Kosal-adhipena dvir-asvamedha-yajinah senapateh Pushyamitrasya shashthena Kausiki-putrena Dhana
2. Dharmarajna pituh Phalgudevasya ketanam karitam

– Inskripsiyong Ayodyha kan Dinastiyang Shunga, Ika-1 siglo BCE – ika-1 siglo CE

Translasyon[baguhon | baguhon an source]

Sahni – sarong iskolar na Sanskrit, dinakit-taramon ini sa Ingles bilang:

Dhana (deva, bhuti, etc), Lord of Kosala, son of Kausiki, the sixth of the Senapati Pushyamitra, who had performed the Ashvamedha twice, erected a shrine (or other memorial) in honor of Phalgudeva, the father of the Dharmaraja.

– Dhana's Ayodhya inscription[1]

Importansya[baguhon | baguhon an source]

An inskripsiyong Sunga, halipot sana alagad nakua nin dakul na debate. An mga iskolar dai nagkakasundo kun pano ipapaliwanag an Pushyamitrasya shashthena. Sa literal na aspeto ini nangangahulugan na "ika-anom ni Pushyamitra," na pwedeng ipaliwanag bilang "ika-anom na aki ni Pushyamitra" o "ika-anom na inapo ni Pushyamitra." An enot na interpretasyon mangangahulugan na si Dhana nabuhay kan amay na ika-1 siglo BCE, asin an huri boot sabihon, si Dhana harayong makuapo asin nabuhay kan ika-1 siglo kan CE.

Hilingon man[baguhon | baguhon an source]

Toltolan[baguhon | baguhon an source]

  1. Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na sahnidhana