Kumbensyon nin mga Migranteng Trabahador

Gikan sa Bikol Sentral na Wikipedia, an talingkas na ensiklopedya
Mga kaapil (berde) asin signataryo (giyaw) kan kasunduan

An Internasyunal na Kumbensyon sa Pagprotehir sa mga Karapatan kan Gabos na Migranteng Trabahador asin mga Myembro kan Saindang Pamilya (Ingles: International Convention on the Protection of the Rights of All Migrant Workers and Members of Their Families) sarong multilateral kasunduan kan United Nations na minapamahala kan proteksyon kan mga migranteng trabahador asin kan saindang pamilya.

Pinirmahan kan 18 Disyembre 1990, ini nagkapwersa kan 1 Hulyo 2003 pakatapos na maabot an pagratipika kan 20 na mga estado kan Marso 2003. The Committee on Migrant Workers (CMW) an nagbabantay sa implementasyon kan nasabing kumbensyon, asin saro ini sa pitong entidad kan UN na nagtutok sa mga karapatan pantawo. An nasabing kumbensyon minaaplikar puon Agosto 2021 sa 56 na mga nasyon.[1]

Mga kaapil asin signataryo[baguhon | baguhon an source]

Kadtong Agosto 2021 an mga nasyon na nagratipika kan Kumbensyon panginot na mga nasyon na ginigikanan nin mga migrante (arog kan Mexico, Morocco, asin Pilipinas). Para sa mga nasyon na ini, an Kumbensyon mahalagang behikulo tanganing protektaran an saindang mga namamanwaan na nag-iistar sa ibang nasyon. Halimbawa, sa Pilipinas, an ratipikasyon kan Kumbensyon nangyari sa sarong konteksto na midbid sa nagkapirang kaso nin mga trabahador na Pilipino na minamaltrato sa ibang nasyon: An siring na mga kaso kinulgan an buot kan mga Pilipino asin nagtulod sainda ratipikahon an Kumbensyon. Minsan siring, an mga nasyon na ini transit asin destinasyon man, asin an Kumbensyon piglilinyahan an saindang mga paninimbagan na protektaran an mga karapatan kan mga migrante sa saindang teritoryo, asin dikit sana an nagibo ninda tanganing protektaran an mga nasa sadiring nasyon.[2][3]

Mayong estado na nagreresibe nin migrante sa Sulnupan na Europa o Norteng Amerika an nagratipika sa Kumbensyon. An iba pang importanteng nag-aako na mga nasyon, arog kan Australya, Arabong mga estado kan Golpo Persyano, Indya, asin Aprika del Sur dai nagratipika sa Kumbensyon.

Toltolan[baguhon | baguhon an source]

  1. "13. International Convention on the Protection of the Rights of All Migrant Workers and Members of their Families. New York, 18 December 1990". UN Treaty base. Retrieved 2 August 2021.
  2. Palmer, Wayne; Missbach, Antje (4 May 2019). "Enforcing labour rights of irregular migrants in Indonesia". Third World Quarterly. 40 (5): 908–925. doi:10.1080/01436597.2018.1522586. ISSN 0143-6597.
  3. Palmer, Wayne (2018). "Back Pay for Trafficked Migrant Workers: An Indonesian Case Study". International Migration. 56 (2): 56–67. doi:10.1111/imig.12376.