Ishigaki Rin

Namundag si Ishigaki sa Akasaka, Tokyo kan 1920. ^[1] Pagkatapos niya sa junior high school kan 1934, nagtrabaho siya sa Industrial Bank of Japan asin nagpadagos siya digdi sagkod 1975. ^[1] An saiyang kita an nagsustenir sa nagkaka-edad niyang pamilya sa panahaon kan Ikaduwang Gerang Pankinaban, asin dai siya nurain man nag-agom.

Mantang nagtatrabaho sa bangko, nag'ayon siya sa sarong grupong panliteratura, asin nagpoon siyang magsurat nin mga rawitdawit. Kan 1959 pinublikar niya an saiyang enot na koleksyon, The Pan, the Pot, the Burning Fire I Have in Front of Me. Kan 1968 pinublikar niya an panduwa, Nameplate asin iba pang mga obra. ^[2] An librong ini nanggana kan taonan na Mr. H Award (H-shi-sho, H氏賞) kan 1969, na itinatao bilang pagbisto sa pinakamarahay na libro nin rawitdawit na pinublikar kan bagong Hapones na pararawitdawit kan nakaaging taon. Kan mga panahon na ito, dae ordinaryo para sa mga kababaihan na Hapon an magtrabaho nin buong oras, asin siya minsan inaapod na 'an pararawitdawit na klerk sa bangko'.

Nagpublikar siya nin apat na koleksyon kan saiyang sadiring mga rawitdawit, siring man nag-edit nin duwang antolohiya na naglalaman kan sadiring mga obra asin kan iba. Nagsurat man siya nin mga libro kung sain ipinahayag niya an saiyang paninindugan asin isinaysay an istorya kan saiyang buhay.

An pinakamidbid niyang obra iyo an "Nameplate." Nakabase ini sa duwang eksperyensya- an pagtinir niya sa hospital asin sa harong-dagosan. Sa duwang lugar na ito, igwang pangaran niyang nakadispley sa entrada, kaibahan kan mga tataramon na may onra na Sama asin Dono. Maski na ordinaryong ginigibo ini kan kadaklan na tawo, nagdara ini nin pagkadisganar sa saiya. Sa saiyang mga rawitdawit, sinurat niya "Sa lugar kun saen ako nakaistar/mas marahay na ibugtak an sakuyang plaka nin pangaran sa sadiri ko", dangan isinaysay an saiyang duwang eksperyensya. Kun tutugutan niya an saro na magbugtak nin plaka nin pangaran para saiya, dai niya maipagsikwal an pagdagdag nin sarong tataramon na may onra. Nagpadagos siya "Kun siring, kaya ko daw na isikwal ini?" Sa sarong libro, tinapos niya an suray kan linyang: "Namundag ako tanganing maggibo nin sarong obra, Nameplate ."

Mga libro nin rawitdawit

↑ ^1.0 ^1.1 Morton, Leith (2004-02-29). Modernism in Practice: An Introduction to Postwar Japanese Poetry (in English). University of Hawaii Press. pp. 89–90. ISBN 978-0-8248-2807-3.
↑ Rimer, J. Thomas (2007-04-24). The Columbia Anthology of Modern Japanese Literature: Volume 2: 1945 to the Present (in English). Columbia University Press. pp. 415–416. ISBN 978-0-231-51817-8.

[:0-1] 1.0 ^1.1 Morton, Leith (2004-02-29). Modernism in Practice: An Introduction to Postwar Japanese Poetry (in English). University of Hawaii Press. pp. 89–90. ISBN 978-0-8248-2807-3.

[2] Rimer, J. Thomas (2007-04-24). The Columbia Anthology of Modern Japanese Literature: Volume 2: 1945 to the Present (in English). Columbia University Press. pp. 415–416. ISBN 978-0-231-51817-8.

[1]

[2]