Isla nin Hashima

Hashima
Katutubong pangaran: 端島; Palayaw: Isla ninbBapor-Pangubat
	pang-ere na tanawon
Heograpiya
Kinamumugtakan	Amihanan-subangan na Asya
Tagboan	32°37′40″N 129°44′18″E / 32.62778°N 129.73833°ETagboan: 32°37′40″N 129°44′18″E / 32.62778°N 129.73833°E
Hiwas	0.063 km2 (0.024 sq mi)
Ranggo nin hiwas	mayo
Administrasyon
	Hapon
Prepektura	Nagasaki
Syudad	Nagasaki
Demograpiko
Populasyon	0 (2020)

Nakadirekta digdi an "Gunkanjima". Para sa saro pang lain na isla, hilingon an Mitsukejima.

Manlain-lain na tanawon hali sa kadagatan asin hali sa isla, 2016

An Isla nin Hashima (端島; o Hashima sana, na an -shima sarong hulapi sa Hapon para sa 'isla'.), komon na inaapod na Gunkanjima (軍艦島; boot sabihon 'Isla nin Bapor-Pangubat'), sarong inabandonang isla sa harayo kan Nagasaki, na namumugtak mga 15 kilometres (8 nautical miles) gikan sa sentro kan syudad. Saro ini sa 505 na daeng ineerokan na isla sa Prepektura nin Nagasaki. An mga pinakanotableng tampok kan isla iyo an mga inabandonang kongkretong edipisyo kaini, na dai nadisturbo apwera kan naturalesa, asin an nakapalibot na lanob kan dagat. Mantang an isla sarong simbolo kan marikas na industriyalisasyon kan Hapon, ini man sarong pagirumdom kan mga krimen sa gera kan Hapon bilang lugar nin pirit na pagtrabaho bago asin kasagsagi kan Ikaduwang Gerang Pankinaban.^[1]^[2]

An isla na 6.3-hectare (16-acre) bistado sa saiyang pagmimina nin karbon sa irarom kan dagat, na pigtogdas kan 1887, na nag-operar kan panahon nin industriyalisasyon kan Hapon. An isla nakaabot sa pinakahalangkaw na populasyon na 5,259 kan 1959. Kan 1974, na an mga reserbang karbon harani nang maubos, an minahan isinara asin an gabos na mga residente naghale dai nahaloy pagkatapos, na binayaan an isla na epektibong inabandona sa laog kan suminunod na tolong dekada.

An interes sa isla nagbutwa giraray kan mga taon 2000 huli sa dai nadisturbong makasaysayan na mga kagabaan kaini, asin ini luway-luway na nagin sarong atraksyon nin mga turista. An nagkapirang nagaba na panluwas na lanob poon kaidto ibinalik na, asin an pagbiyahe pasiring sa Hashima binukahan giraray sa mga turista kan ika-22 nin Abril 2009. An nagdadakol na interes sa isla nagresulta sa sarong inisyatiba para sa proteksyon kaini bilang sarong lugar nin industriyal na pamana.

Pagkatapos nin dakul na kontrobersiya, an minahan nin karbon kan isla pormal na inaprobaran bilang sarong Lugar na Pamana kan Kinaban kan UNESCO kan Hulyo 2015, bilang parte kan serye nin mga Lugar kan Rebolusyon Industriyal Meiji kan Hapon. An Hapon asin Habagatan na Korea nag-negosyar nin sarong kasunduan tanganing mapadali ini, na kun sain an Korea dai makontra na togotan na iiba an Isla nin Hashima, mantang an Hapon magkokobre kan kasaysayan kan pirit na pagtrabaho sa isla. An gabos na iba pang miyembro kan komite kan UNESCO nag-oyon na an Hapon dai nag-otob kan saiyang mga obligasyon, asin an mga paghihingoa na mag-ultanan kaini padagos.^[3]^[4]^[5]

Hilingon man

Mga toltolan

↑ McCurry, Justin (3 July 2015). "Battleship island – a symbol of Japan's progress or reminder of its dark history?". The Guardian. https://www.theguardian.com/world/2015/jul/03/battleship-island-a-symbol-of-japans-progress-or-reminder-of-its-dark-history.
↑ "Dark history: A visit to Japan's creepiest island". CNN. 13 June 2013. https://edition.cnn.com/travel/article/hashima-skyfall-island-visit/index.html.
↑ Yanada, Makiko (2023-09-15). "UNESCO Gives Positive Evaluation on Japan's Efforts for Exhibit over Wartime Labor on Gunkanjima". japannews.yomiuri.co.jp (in English). Retrieved 2024-05-16.
↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na ":8"
↑ Chung, Esther (2023-09-18). "Korea backs call to provide info on forced labor at Unesco site". Korea JoongAng Daily (in English). Archived from the original on 16 May 2024. Retrieved 2024-05-16. Unknown parameter |url-status= ignored (help)

Mga panluwas na takod

[Guardian_July_15-1] McCurry, Justin (3 July 2015). "Battleship island – a symbol of Japan's progress or reminder of its dark history?". The Guardian. https://www.theguardian.com/world/2015/jul/03/battleship-island-a-symbol-of-japans-progress-or-reminder-of-its-dark-history.

[2] "Dark history: A visit to Japan's creepiest island". CNN. 13 June 2013. https://edition.cnn.com/travel/article/hashima-skyfall-island-visit/index.html.

[3] Yanada, Makiko (2023-09-15). "UNESCO Gives Positive Evaluation on Japan's Efforts for Exhibit over Wartime Labor on Gunkanjima". japannews.yomiuri.co.jp (in English). Retrieved 2024-05-16.

[:8-4] Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na ":8"

[:7-5] Chung, Esther (2023-09-18). "Korea backs call to provide info on forced labor at Unesco site". Korea JoongAng Daily (in English). Archived from the original on 16 May 2024. Retrieved 2024-05-16. Unknown parameter |url-status= ignored (help)

[1]

[2]

[3]

[4]

[5]