Issy Smith

Issy Smith
Smith (left) attending an Anzac Day parade in 1927. On the right is Stanley Gibbs, recipient of the Albert Medal.
Namundag sa	(1890-09-18)18 Septyembre 1890 Constantinople, Ottoman Empire
Nagadan sa	Melbourne, Victoria, Australia
Alyansa	United Kingdom
Serbisyo/Sangay	British Army
Taon kan Serbisyo	1904–1912,1912-1914 1914–1919
Ranggo	Sergeant
Yunit	1st Battalion, The Manchester Regiment
Mga labanan/Mga giyera	World War I Western Front Second Battle of Ypres Mesopotamian campaign Palestine
Mga Onra	Victoria Cross Croix de Guerre (France) Cross of St. George (Russia)

Si Issy Smith (18 Septyenbre 1890 – 10 Septyembre 1940) sarong Briton-Australyanong resipyente kan Victoria Cross (VC), an pinakahalangkaw na gawad para sa pagkapusoanon sa atubangan nin kalaban na pwedeng iduhol sa mga maninigo' kan Kumonwelt asin Reyno Unido.

Namundag Ishroulch Shmeilowitz (asin iba pang pagkasurat), sa mga magurang nakaestar sa Turkey, si Smith nagbyahe sa Britanya komo aking patagong nakisakay asin nagpalista sa Hokbong Briton kan 1904. Dangan siya nag'emigrar sa Australia paka siya narehistro sa reserve, hanggan siya namobilisar bilang reservist kan 1914. Bilang korporal sa 1st Battalion, The Manchester Regiment, si Smith napalaban duman sa Second Battle of Ypres. Kan 26 Abril 1915, si Smith, sa sadiring pag'unoy, pig'asikaso mga kapwa soldados na mga lugadan sa atubangan kan makuring peligro sa sadiring buhay asin "sa lubos na pag'utob kan saiyang katongdan maski natambara sa makuring peligrong personal". An saiyang gawe' na kabihira naghakot saiya nin rekomendasyon na siya gawadan kan Victoria Cross, na iginawad ki Smith kan Agosto 1915.

Kan siya mademobilisar na, si Smith nagbali, sa Australia kabia saiyang agom asin aking babae. Siya nagin prominenteng myembro sa komunidad nin mga Hudyo sa Melbourne, asin pa ngani nanombrahan na Juez de Paz, asin nagdalagan kandidato (pero dai man nanggana) sa irarom kan United Australia Party sa 1931 eleksyon heneral.