Jacinto Zamora

Si Jacinto Zamora y del Rosario (Agosto 14, 1835 – Pebrero 17, 1872) sarong Filipinong Katoliko padi, kaparte kan inaapod na Gomburza, tolong kapadian pigsahotan kan mga autoridad Espanyol pero bako man totoo na nagpartisipar samutiny duman sa Cavite kan Ika-19ng siglo.

Kaamayi nin buhay

Namundag kan Agosto 14, 1835, ki Venancio Zamora asin Hilaria del Rosario, siya nagpoon pag'adal sa Pandacan, deangan naglipat sa Pandacan tapos sa Colegio de San Juan de Letran. HSiya naklasipikar na Filipino mestizo sunod sa pagpipisan kan mga Kastila kaidtong panahon.^[1] Dangan siya naghubo' sa University of Santo Tomas pakakua niya kan saiyang Bachiller en Artes. Si Zamora naggradwar kan Marso 16, 1858, na may degree sa Bachelor of Canon and Civil Laws. Siya nagin erstudyante sa pag'andam sa pagpapadi niya sa Seminary of Manila.^{[nangangaipo nin toltolan]}

Buhay pastoral

Kan siya naordenan, si Zamora kinapotan mga paroko sa Mariquina, Pasig, Mandaloyon (ngonyan, Mandaluyong), San Pedro Macati (ngonyan Makati), Pasay, Muntinlupa, Las Piñas, asin Batangas. Siya tinokahan man na magpadalagan kan Manila Cathedral kan Desyembre 3, 1864.

An El Eco Filipino iyo an nagin tingog kan mga nagtotolod para sa sekularisasyon kan mga simbnahan asin dangan kan reporma sibil. Si Burgos asin saiyang mga parasunod nag'aargumento na an pagksapot kan mga paroko sa mga prayle o mga regular sarungat sa ipinagboboot kan Konseho nin Trent. Sa kasundoan sa Trent, an mga pading sdekular an man inigo na magkapot kan mga paroko asin mag'administrar sa espritiwal na pangangaipo kan layko, an mga regular o prayle dapat yaon sana sa laog kan saindang mga monasteryo, asin itungod an oras ninda sa kontemplasyn espiritwal asin sa mga trabahong edukasyonal.^{[nangangaipo nin toltolan]}

Kagadanan

Si Zamora may bisyo nin pagkawat sa baraha pakakamisa. Sarong beses, siya nakare4sibe nin alok sa pagbaraha, dagdag pa kan amigo niya siya dakul "pulbura asin armas"asin ini lenggwahenin parasugal, "Pulbura asin armas" boot sabihon an parakawat sobra sobra an saiyang kwartang ipagsusugal.^[2] An imbitasyon na ini nakaptan kan mga soldados na Espanyl na natungod man iyong gayo an banggi na puminutok an Cavite mutiny na pinamayohan kan sarong soldados na Filipino, si Sgt. La Madrid. An imbitasyon na ini ginamit na ebidensya kan mga Kastila kontra ki Jacinto Zamora. An Korte pigakusar sinda na sinda an nagsussutsot sa rebelyon dawa totoo bako man husto an ebidensya. Sinda nakuang guilty kan Korte asin pigsentensyahan nin pagbiling sa liog [[garote]. An sentensya pigpasunod kan Pebrero 17, 1872, sa Bagumbayan Field (ngonyan, Luneta) sa Manila. Sinasarabi na kan mgfa huring aldaw si Zamora biyo na namomongnan, kaya dai lamang nakawalat nin anoman na tataramon.^{[nangangaipo nin toltolan]}

Sa kultura popular

Pigladawan ni Bodie Cruz sa opisyal na bnidyo musikal kan GMA Network na produksyon na ' Lupang Hinirang kan 2010.
Pigladawan ni Dennis Marasigan sa episodyo ni Bayani kan 1996 asin kan 2014 na pelikula na, Bonifacio: Ang Unang Pangulo.
Pigladawan ni Enchong Dee sa 2023 na pelikula na, GomBurZa.^[3]

Hilnga man

Toltolan

Gomburza (link broken as of April 29, 2008)

↑ Guerrero, León María. 1998. Something to Remember. The First Filipino. Guerrero Publishing.
↑ Joaquin, Nicomedes 'Nick'. 2005. A Question of Heroes (7th printing, 2017), Anvil Publishing Inc., p. 20.
↑ "Producer of historical film GomBurZa unveils cast". Manila Bulletin. February 16, 2023. https://mb.com.ph/2023/02/16/producer-of-historical-film-gomburza-unveils-cast/. Retrieved on October 21, 2023.

[1] Guerrero, León María. 1998. Something to Remember. The First Filipino. Guerrero Publishing.

[2] Joaquin, Nicomedes 'Nick'. 2005. A Question of Heroes (7th printing, 2017), Anvil Publishing Inc., p. 20.

[3] "Producer of historical film GomBurZa unveils cast". Manila Bulletin. February 16, 2023. https://mb.com.ph/2023/02/16/producer-of-historical-film-gomburza-unveils-cast/. Retrieved on October 21, 2023.

[1]

[2]

[3]