Janet Lim-Napoles

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Janet Lim-Napoles, opisyal na mugshot kan pulis

Si Janet Lim Napoles (namundag, Enero 15, 1964 sa Siyudad nin Malabon) sarong negosyanteng Filipina na soboot iyo an may pakana kan 10-bilyon na Pork Barrel Scam. Siya ngonyan nakukulong sa saro man na kasong 'serious illegal detention' (Crim. Case No. 13-1992)[1] asin mas magabat, nakaabang saiya an kasong plunder gibo kan akusasyon saiya na mga sampolong bilyon na pesos an nasulmok niya asin kan saiyang mga kakutsabang mga senador, kongresista asin mga opisyales sa gobyerno na nagpahaman daa nin mga proyekto na anas man mga peke asin dai nakaabot sa tunay na dapat manginabang. Sinasabing an pondo na pangtostos sa mga pekeng proyekto naghahale sa Priority Development Assistance Fund (PDAF) kan nasabing mga senador asin kongresista.

An krimen na makangingirhat sa pagkadakula asin pagkalakop dai kuta mabubuksan asin magsangaw an labilabing bata kun dai nagtsutsu si Benhur Luy, saro mansana sa sadiring tawo asin personal na katiwala ni Napoles. Magkapira pang mga inapod na whistleblower an naglantad asin nagpapatotoo kan mga ibinuyagyag ni Benhur Luy.

Napo'nan an pagkabaraak kan saiyang ilegal na negosyo kan inakusahan niya si Benhur Luy na nag'ikit saiya nin tolong gatos na ribong pesos (P 300,000.00) saka nag'utang nin limang milyon pesos na dai aram asin daing pagtugot siya sa ginibong ini ni Luy. Napiritan si Napoles na kasuhan si Luy nin panghahabon (qualified theft complaint). [2] Mala ta huli kaini igdi na nabulgar an gabos na kabuktutan sa ilegal niyang negosyo.


Toltolan[liwaton | liwaton an gikanan]