Jill Nelson
Si Jill Nelson (namundag Hunyo 14, 1952) sarong Aprikanong-Amerikanong peryodista asin nobelista.
Si Jill Nelson (pinangaki kan Hunyo 14,1952) sarong African-American na periyodista asin nobelista. Nakasurat na man siya nin nagkapirang libro, kabali an autobiograpikong Volunteer Slavery: My Authentic Negro Experience, na nanggana nin American Book Award . Saro man siyang propesor sa peryodismo sa City College of New York, poon 1998 hanggang 2003.
Biograpiya
[baguhon | baguhon an source]Pinangaki sa Harlem asin nagdakula sa West Side kan New York. Nag-adal siya sa sarong boarding school, an Solebury School . An saiyang tugang na lalaki na si Stanley Nelson ay sarong paragibo nin pelikula. Naggradwar sa City College of New York asin nagpadagos giraray sa pag-adal sa Columbia School of Journalism . Si Nelson nagsurat para sa Washington Post Magazine kan ini napuon pa sana, asin nakaresibe nin gantimpala bilang Washington DC Journalist of the Year para sa saiyang mga kontribusyon. An saiyang obra nagluwas man sa The New York Times, Essence, The Nation, Ms., the Chicago Tribune, the Village Voice, USA Today, USA Weekend, asin msnbc.com .
An saiyang mga eksperyensya bilang sarong itom na babayi ay naisurat niya sa sarong autobiograpiko na may titulo na, Volunteer Slavery: My Authentic Negro Experience (1993) sa Washington Post. An saiyang libro kan 1997 na Straight, No Chaser: How I Became A Grown-Up Black Woman, na autobiograpiko man, nagtukar nin mga modelo para sa mga babaeng itom.
An saiyang enot na obra nin fiction, Sexual Healing, ipinublikar kan 2003.
Mga Obra
[baguhon | baguhon an source]- Volunteer Slavery: My Authentic Negro Experience 1993 Hardback ; ISBN 1-879360-24-1 ; Softback ISBN 0-14023716-X
- Straight, No Chaser: How I Became A Grown-Up Black Woman. 1997.ISBN 0-14-027724-2
- Editor, Police Brutality: An Anthology. 2000.ISBN 0-393-32163-0
- Sexual Healing. 2003. Hardback ; ISBN 978-0-9724562-0-3; paperback ISBN 978-0-9724562-5-8
- Finding Martha's Vineyard: African-Americans at Home on an Island. 2005.ISBN 0-385-50566-3
- Let's Get it On. 2009.ISBN 0-060-76330-2