Josh Mojica
| Josh Mojica | |
|---|---|
| Kamundagan | Hulyo 5, 2004[1] Cavite, Philippines |
| Nasyunalidad | Filipino |
| Trabaho |
|
| Mga taon na aktibo | 2021–presente |
| Midbid bilang | Kagtugdas kan Kangkong Chips Original |
Si Josh "Jhelo" Mojica (namundag Hulyo 5, 2004) sarong Filipinong entrepreneur asin content creator na midbid bilang kagtugdas kan Kangkong Chips Original (KCO)[2][3][4]
Kaamayi nin buhay asin edukasyon
[baguhon | baguhon an source]Si Mojica namundag asin nagdakula sa Cavite, Filipinas. Siya nag'atender sa Saint Augustine School-Mendez sa saiyang elementarya.[5] Nagpoon siya kan saiyang palakaya kan Hunyo 2021, huli sa inspirasyon nakua niya sa resipe kan saiyang mako-ina (auntie) sa kangkong chip asin sa pagsadol pa kan saiyang lolo. An pagpoon kan saiyang negosyo huli lamang ta gusto niya makatabang sa pagbuhay kan saiyang mga magurang.[6]
Karera
[baguhon | baguhon an source]An baro-baro ni Mojica nagpoon sa sadit sanang operasyon na pinuhunanan niyang P 3,000 asin inapod niya ining Kangkong Chip Original. Sa tabang kan mga amigo, mano-mano niyang ginigibo asin pinapabakal sa mga amigo asin mga kapamilya. Sa laog sanang anom na bulan, siya nagkikita nang ₱100,000 bulan-bulan, asin sa sunod na taon, naabot na niya tolos an sarong milyon na pesos na kita'.[7][8]
Kan 2022, si Mojica nagpatugdok nin 2-eskalon na pabrika asin nagin nang 100 an saiyang empleyado, asin tinatangro niya anom nang namit sa saiyang produkto na winawarak sa merkado lokal asin sa internayonal. An saiyang istratehiya na paggamit kan social media nangawat na gayo sa pagpadakul kan mga suki asin naglobong husto an saiyang benta.[8][9]
An marikas na biyahe niya sa negosyo asin entrepreurship na pinu'nan sa sadit na kapital, huling gayo sa maigot na pagsasadol kan saiyang lolo alagad namundo siya ta nagadan ini dai nahiling an saiyang paglabyog sa dakulang operasyon.[7] Naghakot siya nin atensyon ta taktika niya nagsusuplay siya nin kangkong chips para sa mga holiday gift baskets, asin suportado siya kan mga pigurang publiko arog ki Ping Lacson.[10][9] Sa edad na 18 sana, naabot niya an tangga nin sarong milyonaryo huli sa marikas na saiyang pagpahiwas kan negosyo asin marigmat na pagdesisyon asin pusog na determinasyon.[11][6]
Si Mojica nakaagaw nin dakulang atensyon kan siya nagluwas sa sarong podcast ni Franklin Miano, kun saen nagin isyu na pig-urulayan an edukasyon sa Filipinas. Igdi garo nagluwas na garo dai naman kaipohann an pormal na adal ngani mag'asenso sa buhay. Huli sa dakul nagkomentong negatibo, saiya pigpaliwanag na dai niya man minimenos an pag'adal kundi saiya sana man pinaghahayag an saiyang eksperensyang personal sa pag'asenso sa negosyo.[12][8]
Legal na isyu
[baguhon | baguhon an source]Kan Hulyo 5, 2025, an Land Transportation Office pigsuspinde an lisensya sa pagdrive ni Mojica ta siya nagpost nin bidyo kun saen nadadalan siyang may kapot na cellphome nag'aapod asin sabay nahihiling siyang nagmamaneho nin Porsche. Siya nag'atubang sa mga kargong reckless driving, asin paglapas kan Anti-Distracted Driving Act, asin "bakong maninigo na magmaneho nin behikulo". Enot si Mojica pigpahimutikan an mga akusasyon saiya, alagad sa publikong post inako niya man giraray na sala nanggad an ginibo niya asin naghagad tawad asin nagsabi na dai dapat pag'arogon an saiyang ginibo."[13]
Mga Nota
[baguhon | baguhon an source]Toltolan
[baguhon | baguhon an source]- ↑ "Josh Mojica". Facebook (in English). July 5, 2024. Archived from the original on July 7, 2024. Retrieved May 8, 2025.
- ↑ Severo, Jan Milo (January 4, 2022). "Teen shares how he earns P150k monthly from kangkong chips". The Philippine Star. https://www.philstar.com/lifestyle/business-life/2022/01/04/2151761/teen-shares-how-he-earns-p150k-monthly-kangkong-chips.
- ↑ Dabu, Rose (2025-07-07). "Driver's license of famous business owner and content creator, Josh Mojica, suspended by LTO - KAMI.COM.PH". kami.com.ph (in English). Retrieved 2025-07-07.
- ↑ "Millionaire Before Turning 18: Josh Mojica and His Kangkong Empire". Esquiremag.ph. Retrieved 2025-07-07.
- ↑ "Josh Mojica, 17, kumikita ng PHP150K kada buwan dahil sa kangkong chips" (in tl). Philippine Entertainment Portal. January 3, 2022. https://www.pep.ph/lifestyle/food/162982/josh-mojica-kangkong-chips-a717-20220103.
- 1 2 Doctor, Mel Matthew (November 14, 2022). "'DI PINULOT SA KANGKUNGAN: Binatang pinasok ang negosyong kangkong chips, naging milyonaryo". Balitambayan (GMA Network). https://www.gmanetwork.com/news/balitambayan/talakayan/851395/binatang-pinasok-ang-negosyong-kangkong-chips-naging-milyonaryo/story/.
- 1 2 Limos, Mario Alvaro (January 3, 2022). "Millionaire Before Turning 18: Josh Mojica and His Kangkong Empire". Esquire Philippines. https://www.esquiremag.ph/long-reads/features/kangkong-chips-josh-mojica-a00293-20220103-lfrm2.
- 1 2 3 Tabiolo, Jewil Anne M. (January 11, 2024). "Why the internet is making fun of Josh Mojica (man behind KangKong chips)". SunStar. https://www.sunstar.com.ph/cebu/why-the-internet-is-making-fun-of-josh-mojica-man-behind-kangkong-chips.
- 1 2 "Lacson proud of kangkong chips maker, hopes more young people find the courage to succeed in MSMEs". Politiko. March 6, 2022. https://politiko.com.ph/2022/03/06/lacson-proud-of-kangkong-chips-maker-hopes-more-young-people-find-the-courage-to-succeed-in-msmes/features/.
- ↑ "Cavite connection at work: How Lacson convinced 'kangkong chips' kid not to give up on his dreams". Politiko. March 7, 2022. https://politiko.com.ph/2022/03/07/cavite-connection-at-work-how-lacson-convinced-kangkong-chips-kid-not-to-give-up-on-his-dreams/features/.
- ↑ Franco, Bernie V. (March 8, 2023). "Josh Mojica: 18-Year-Old Kangkong Chips Tycoon" (in en). Philippine Entertainment Portal. https://www.pep.ph/lifestyle/food/171976/josh-mojica-millionaire-kangkong-chips-a717-20230308.
- ↑ Vengco, Karl (November 30, 2023). "Teen 'Kangkong Chips' guy shares 'unconventional' path to success, sparks debate over 'diskarte o diploma'". Inquirer Pop!. Retrieved July 7, 2024.
- ↑ "Sports car driver after getting license suspended for using phone while driving: 'Don't copy my mistake'". Philstar Life. Retrieved 2025-07-07.