Joy Lim Arthur
| Joy Lim Arthur | |
|---|---|
| Kamundagan | Desyembre 2, 1935 |
| Kagadanan | Hulyo 9, 2015 |
| Alma mater | Purdue University Unibersidad kan Estado nin Nueva Mehiko |
| Employer | White Sands Missile Range |
Si Joy Lim Arthur (Desyembre 2, 1935 - Hulyo 9, 2015) sarong Electronic Engineer sa United States Army Research Laboratory. Kan 1966 siya an inot na babai na nagkaguno nin titulong gradwado sa inhenyeriya hali sa Unibersidad kan Estado nin Nueva Mehiko. Siya an inot na babaing inhenyero na nagtrabaho sa White Sands Missile Ringe, asin saro siyang Senior Research Engineer para sa Army kan Estados Unidos poon 1958 sagkod 2005.
Kaamayi kan Buhay asin Edukasyon[baguhon | baguhon an source]
Si Arthur namundag sa Manila.[1] An solo niang tugang na lalaki nagadan kan sia aki pa, na ikinapurisaw na marhay kan saiyang ama na si Venacio Lim.[2] Isinentro nia an gabos niang ambisyon sa saiyang ngohod na aking babae, na tinotokdoan ini na garo baga sia aki niyang lalaki.[2] Nagbalyo sia sa Estados Unidos asin nag - adal nin elektrikal na inhenyeriya sa Purdue University, na nakua nin titulong batsilyer sa pagigin inhenyero kan 1956.[1] Sa Purdue University, si Arthur saro sa duwang babai sa 165 sa saindang klase sa inhenyeriya.[3] Nagbalik sia sa Manila pagkatapos na maggradwar, na naglalaom na makua an bendisyon kan saiyang ama tanganing magpakasal sa sarong Amerikanong inhenyero.[2] An saiyang ama nahahadit na sia ibibilang na sarong pampam na babae, asin si Arthur nagbalik sa Amerika bilang teknikal na siyentista.[2] Siya nagin an enot na babae na nagkaigwa nin masterado sa Unibersidad kan Estado nin Nueva Mehiko kan 1996.[1][3] Sinuportaran niya an Sosyedad kan mga Babaeng Inhinyero sa pag - establisar nin sarong kabtang sa Unibersidad kan Estado nin Nueva Mehiko.[3]
Karera[baguhon | baguhon an source]
Kan 1958 si Arthur iyo an nagin inot na babaing inhenyero na nagtrabaho sa White Sands Missile Ringe.[1] Nagbalyo siya sa United States Army Research Laboratory kan 1962, kun sain pinonan niyang protehiran an Militar kan Estados Unidos sa saindang elektronikong pakikilaban.[4] Nagkonsentrar siya sa pagpadakol kan mga soldados na nakaligtas sa lugar nin gyera asin sa pagpauswag sa pagtumang kan Militar kan Estados Unidos sa manlainlain na huma.[5] Si Arthur nagdisenyo man nin pamprotehir na mga sensor na pwedeng gamiton tanganing protehiran an mata nin tawo sa mas parating mga huma nin laser.[1] Naggibo siya nin mga teknolohiya na kayang raoton an signal, kaiba an multi-specral jammer na kayang kontrolon an ano man na mga gas.[6] Kan 1975 siya sana an babai na nanggana sa United States Army Research Laboratory R&D Achievement Award.[7] Ginana niya an premyo huli sa saiyang mga kontribusyon sa elektronikong kagamitan pampakikilaban, partikularmente sa pag-adal kan kagamitan na chaff. Ilinadawan niya an materyales na kaipuhan para sa mas epektibong chaff.[7]
Ipinaglaog siya sa White Sands Missile Ringe Hall of Fame kan 2005.[1] Nagadan si Arthur kan Hulyo 9, 2015 pagkatapos nin halawig na pakikipaglaban sa hilang na Parkinson.[8] Si Arthur asin an saiyang agom na si Paul Arthur nag-organisar nin pagpa-eskwela para sa mga babaing Amerikano sa Unibersidad kan Estado nin Nueva Mehiko.[3] Si Arthur may duwang aki, si Gregorio Venancio Arthur asin Lia Frieda Brodnax.[8]
Mga Gawad[baguhon | baguhon an source]
- 1974 Certificate of Merit from the Association of Old Crows[9]
- 1974 Samuel Stiber Award for Technical Excellence in Electronic Warfare[9]
- 1975 U.S. Army Research and Development Achievement Award[7]
- 1996 NMSU Distinguished Engineering Alumnus[9]
- 2005 White Sands Missile Range Hall of Fame[1]
Toltolan[baguhon | baguhon an source]
- ↑ 1.0 1.1 1.2 1.3 1.4 1.5 1.6 "Mrs. Joy L. Arthur". Electrical and Computer Engineering – Purdue University (in English). Retrieved 2018-12-23.
- ↑ 2.0 2.1 2.2 2.3 "'Dumb girl' now OMEW engineer" (PDF). Missile Ranger. 1981-04-24. Retrieved 2018-12-23.
- ↑ 3.0 3.1 3.2 3.3 "Joy and Paul Arthur create endowment for engineers" (PDF). NMSU. Archived from the original (PDF) on 2018-12-24. Retrieved 2018-12-23.
- ↑ "Hall of Fame – Joy Arthur". www.wsmr-history.org. Archived from the original on 2019-01-19. Retrieved 2018-12-23.
- ↑ "Las Cruces Sun-News from Las Cruces, New Mexico on July 5, 1970 · Page 19". Newspapers.com (in English). Retrieved 2018-12-23.
- ↑ "Arthur, Joy, Ms". www.wsmr.army.mil. Archived from the original on 2012-02-01. Retrieved 2018-12-23.
- ↑ 7.0 7.1 7.2 Army R D & A Bulletin (in English). HQ, U.S. Army Materiel Command. 1975.
- ↑ 8.0 8.1 "Joy Arthur Obituary - Las Cruces, New Mexico - Tributes.com". www.tributes.com. Retrieved 2018-12-23.
- ↑ 9.0 9.1 9.2 "/Joy Arthur". ece3.nmsu.edu. Archived from the original on 2013-12-05. Retrieved 2018-12-23.
