Juan Pala
Si Juan Porras Pala (ca. 1954 – Septyembre 6, 2003), midbid man na Juan "Jun" Pala, sarong peryodistang Filipino, kolumnista, asin komentarista na nagtatrabaho sa DXGO, sarong istasyon nin radyo. Siya bantog sa pagbuyagyag kan mga koruptong pulitiko sa Siyudad nin Davao, Filipinas. Huli sa ginigibo niyang ini, an buhay niya pirming natataya sa peligro, mala ta duwang beses nang may nagngata' sa saiyang buhay bago siya tinumba kan Septyembre 6, 2003 kan duwang lalakeng nakamotorsiklo. Tolostolos siya binawian-buhay huli sa apat na tama niya sa daghan, asin nangyari an siring mantang naglalakaw paule sa saiyang harong hale sa trabaho.[1]
Si Pala dating parataram kan anti-komunistang grupong Alsa Masa na sa kagasgasan kaini kan mga 1980 sinasahotan na grabe an mga pag'abuso sa deretong pangtawo. Si Pala ngapit nagmukna siya kan sadiri niyang grupong anti-komunista man, an Contra Force, na may kuneksyon sa mga opisyales sa itaas asin sa mga militar. Sa saiyang pagraradyo sinasabing an nguso niya rapakan, mayong ngani-ngani sa pagtaboga sa mga nangungundan sa gobyerno na sa paghuna niya mga korupto o dakul kabuktotan ginigibo.[2]
An paggadan saiya kan mga dai nabibistong tawo pigkondenar nanggad kan Center for Media Freedom and Responsibility and the National Union of Journalists of the Philippines (NUJP), alagad sinabi kaini na bako man "heroe kan press freedom" o kabanalan na gayo sa karera nin pagperyodiko asin pagradyo ta bastos asin rapakan an ngorapak kun naglalamuda asin duwang beses na ngani pigsuspinder kan Kapisanan ng mga Brodkaster sa Pilipinas (KBP) na magradyo alagad napawara niya an suspensyon huli sa saiyang impluensya.[3]
Mga panluwas na takod[baguhon | baguhon an source]
- [1] The Jun Pala Dilemma.Kinua 30-5-16.
