Kaayonan nin Diosnon na Tataramon

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Logo kan An Kaayonan nin Diosnon na Tataramon
An paglakop kan mga misionero nin KDT, berdeng mapa


An Kaayonan nin Diosnon na Tataramon (hinayokong KDT, o SVD, Society of the Divine Word)), popular na inaapod na Verbites o Divine Word Missionaries, asin minsan inaapod na Steyler Missionaries, sarong komunidad relihiyoso sa Simbashan Latino, saro sa 24ng sui iuris na simbahan kan Katoliko Romanong Simbahan. Kan 2006, an kaayonanan na ini igwang mga kaapil nagbibilang 6,102 na binibilog nin mga padi asin mga hermano. Ini na an pinakadakulang kongregasyon misionero sa Simbahan Katoliko. An superior heneral ngonyan iyo si Heinz Kulüke na gikan sa Alemanya.[1][2]

Agi-agi[liwaton | liwaton an gikanan]

An Kaayonan pinundar sa Steyl, sa Nederlands kan taon 1875 ni Arnold Janssen, sarong pading diocesano, asin kuminua nin mga kag'ayon sa mga pading Aleman asin mga dulag na relihiyoso haleng Nederlands durante kan diringkilan kan estado-simbahanna inapod na Kulturkampf, na nagresulta kan dakul na mga misionerong grupo an pinatulas asin mga seminaryo pinagsara sa Alemanya. Kan 1882, an Kaayoanan nagpoon nang magpadara nin mga misionero sa Probinsya nin Shandong sa Tsina, na sinasabi an saindang mga agtresibong metodo sa pagpalakop saro sa rason kun ano ta nagbu ngkaras an inaapod na Pag'alsang Boxer kan paghinanapos kan 1890. An mga msiionero kaini ipinadara sa Togo, sarong sadit na lugar sa habagatan Aprika kun saen an misyon duminakula sa nlaog nin 15 taon. Sunod na misyon bi nuksan sa New Guineang Aleman. Kan 1898 an ikaapat na mmisyon binuksan sa Argentina, sarong nasyon na ktaoliko, kun saen an Kaayonan tolos kinaptan an magkapirang paroko, eskwelahan asin mga serminaryo sa sa apat na dioseses: sa Buenos Aires, Santa Fe, La Plata, asin Parana na ini gabos nang arkidioseses.

Paglaog kan ika-20ng siglo, an Kaayonan orog na nagpadakula, nagbukas nin mga komunidad sa Australya, Botswana(Gaborone, Gumare asin Ghanzi); Brasil; Kanada (Quebec asin Ontario); South Africa (Phalaborwa, Polokwane asin Pretoria); Sa Estados Unidos (Appalachia asin Illinois) dangan sa Zambia (Kabwe, Livingstone asin Lusaka).

Mga komunidad na dugang pa an binuksan sa Europa, partikular sa Austria (Bischofshofen haraning Salzburg asin Vienna); sa Nederlands (Tegelen); Roma; sa Reyna Unido asin sa bandang Silesia.[3][4]

Paglaog sa Filipinas[liwaton | liwaton an gikanan]

Sa Filipinas, an mga misionero kan kaayonan nag'abot sa Bangued, Abra kan 1909 kun saen nagtogdas nin mga eskwelahan pati na sa Vigan, Ilocos Sur, Syudad nin Laoag sa Ilocos Norte, asin sa iba pang parte kan Filipinas. Ngonyan igwa nang 500 na Filipinong padi asin mga hermanong SVD. Ngonyan igwang 150 Filipinong mga kapadian an yaon sa luwas na mga misyon sa gabos na kontinente.

An SVD igwang tolong probinsyang eklesiastekal: Philippine North, sakop an trabaho poon Pangasinan abot Aparri, Philippine Central, sakop an trabaho sa National Capital region, sentral nin Luzon, Katagalogan asin ronang Bicol; asin an ikatolo iyo an Philippine South, sakop an pagministro sa enterong Bisaya asin isla nin Mindanaw. An kongregasyon nagbukas nin seminaryo sa Quezon City, an Christ the King Mission Seminary kan 1934 para sa mga aplikanteng Filipino, mala ta an mga misionerong Filipinong SVD iyo na ngonyan an pinakadakulang instituto relihiyoso para sa mga lalaki igdi sa nasyon na Filipinas.[5]

Mga panluwas na takod[liwaton | liwaton an gikanan]

  • [1] Divine Word Missionaries. Kinua 04-9-16.
  • [2]SVD Sister Missionaries. Kinua 04-9-16.
  • [3]Divine Word College of Urdaneta. Kinua 04-9-16.

Toltolan[liwaton | liwaton an gikanan]