Kakegurui

 

An Kakegurui – Compulsive Gambler nakatindog sa Hyakkaou Private Academy, (私立百花王学園, Shiritsu Hyakkaou Gakuen) sarong halangkaw na klaseng elistang eskwelahan nag aakomodar kan mga aki kan pinakamayaman asin asin pinakamaimpluwensyang mga tawo sa Japan, na may mga lider asin propesyonal sa mga estudyante. Alagad, an hirarkiya kan mga estudyante sa eskwelahan na ini dai nadedeterminaran kan akademikong performance o kakayahan sa atleta, kundi kan sugal .

Pigranggo an mga estudyante sa paagi kan saindang mga kontribusyon na kuwarta sa Konseho nin mga Estudyante, na nagpapakusog kan sarong komplikadong sistema nin sugal kun saen an mga estudyante libreng nagpupusta kan saindang mga kapaladan laban sa lambang saro pagkatapos kan klase. An mga nanggana nakakakua nin popularidad, prestihiyo asin koneksyon, mantang an mga nalugi asin nalulubog sa utang nagigin mga oripon kan mga kapritso kan natatadang mga estudyante na midbid bilang Pets, na inaapod na "Fido" o "Mittens" ("Pochi" o "Mike" sa orihinal) depende sa kasarian asin pigbibisto sa sarong colloar-like tag sa saindang liog. An mga Pet na dai kayang bayadan an saindang mga utang sa gradwasyon, nag-aako nin "Mga Iskedyul sa Buhay" na nagdidikta kan saindang mga futuro mantang sinda nagtatrabaho tanganing bayadan an saindang mga utang.

An estudyanteng nasa ika-duwang taon na si Yumeko Jabami, sa enot na paghiling, sarong magayon, maogma asin intelihenteng daragita sa hayskul na dai pa sana nahahaloy na maglipat sa Hyakkaou Private Academy, alagad sa laog kan saiyang puso siya sarong kompulsibong parasugal na nagsusugal sana para sa kaogmahan kaini, bakong arog kan iba pang mga estudyante gikan sa Hyakkaou na ginigibo ini ini para sa pinansiyal o sosyal na pakinabang. Dai napopogolan kan mga patakaran o lohika, asin sa pambihirang kakayahan sa pag-obserbar na mahiling an mga pandadaya sa sugal, marikas niyang nadisturbo an hirarkiya kan eskwelahan, na nakakua nin atensyon kan Konseho nin mga Estudyante, orog na an presidente kaini, si Kirari Momobami, na interesado ki Yumeko.