Kapilya Sistina
An Kapilya Sistina o Sistine Chapel (Latin: Sacellum Sixtinum; Italiano: Cappella Sistina) iyo an sarong kapilya sa Palasyong Apostoliko, an opisyal na istaran kan Santo Papa, sa Syudad nin Vaticano. Enot ining namidbidan bilang Cappella Magna, an pangaran kan kapilya ginuno ki Papa Sixto IV, na nagsagibo nin restorasyon kaini poon 1477 sagkod 1480. Poon kaidto, sa kapilya piggaganap an mga relihiyoso asin pankatungdan na gibohon kan pápa. Piggagamit man ini sa konklabe, kun saen pigdedeklara an bagong santo papa. Urog na midbid an Kapilya Sistina sa mga fresco na nakapintá sa interyor kaini, urog na an kisame kaini asin An Huring Paghuhukom ni Michelangelo.
