Kasa Jizō

An Kasa Jizō (笠地蔵) sarong osipon kan mga Hapon manungod sa sarong gurang na mag-agom na an pagkamatinao binalosan kan Jizō, an Hapon na pangaran kan bodhisattva Kṣitigarbha. An istorya parateng ipinapasa kan mga magurang sa saindang mga aki tanganing itadom an mga moral na pamantayan, nin huli ta ini nakabasar sa kaisipan na Budista.

Sarong alternatibong titulo, an Kasako Jizō makukua sa Iwate asin Prepekturang Fukushima. An ginikanan kaini yaon sa mga rehiyon nin Tōhoku asin Niigata, na an pinakagurang na dispensasyon gikan sa Hokuriku, siring man sa mga lugar kan Sulnupan na Hapon arog kan Hiroshima asin Kumamoto Prefectures. An eksaktong ginikanan kaini, alagad, dai pa aram.

Sarong aldaw sa may niyebeng nasyon igwa nin nag-eerok na gurang nang mag-agom na labi-labi an kapobrehan. Kan Bisperas kan Bagong Taon, narealisar kan mag-agom na dai ninda kayang bakalon an mochi (sarong pangenot na klase nin bagas na kinakakan sa Bagong Taon ). An gurang na lalaki nagdesisyon na magduman sa banwaan tanganing ipabakal an saiyang gibo sa harong na kasa (mga sombrerong kawayan), alagad an saiyang mga paghihingoa dai nagin mapanggana. Huli sa makatatakot na kamugtakan kan panahon, an gurang na lalaki nagsuko sa trabaho asin nagbaklay pauli. Sa bagyo nin niyebe, an gurang na lalaki nakasabat nin sarong linya nin mga estatuwa ni Jizō, na sainda nagdesisyon siyang itao an saiyang kasa bilang sarong dolot, siring man tanganing mapagdanay na malinig an saindang mga payo sa niyebe. Alagad, igwa sana siyang igong kasa na itatao sa gabos apwera sa sarong estatuwa. Tinawan niya an natatadang rebulto kan saiyang tenugui asin nagpadagos sa saiyang paglakaw. Pagpuli niya sa harong, ipinaabot niya an senaryo sa saiyang agom, na nag-omaw saiya huli sa saiyang birtuosong gibo, na dai pigtutuya an saiyang dai kakayahan na magbakal nin ano man na mochi sa Bagong Taon.

Kan bangging idto, mantang nagtuturog an mag-agom, may nag-abot na makosog na tanog hale sa luwas kan harong. Binuksan ninda an pinto tanganing manompongan an sarong dakulang tambak nin kayamanan, na kompuesto nin mga paninda na arog baga nin bagas, gulay, sinsilyong bulawan, asin mochi. An gurang na mag-agom nagmamasid mantang an mga estatuwa ni Jizō nagmamartsa pasiring sa may niyebe na distansya. Huli ta nabayadan an gurang na lalaki sa saiyang pagigin daing kaimotan, an Jizo nagpangyari sa mag-agom na magselebrar kan Bagong Taon.

Analisar

Mantang an osipon igwa nin biswal na basehan sa bodhisattva Kṣitigarbha, an reciprocal na karakter na ipinapahayag kan mga estatuwa nagpapagirumdom kan mga diyos kan Shintō na midbid bilang toshigami . An mga diyos na ini sa pankagabsan pigtutubodan na nagtatao nin marahay na kapaladan para sa Bagong Taon asin nag-eeksister sa manlaen-laen na rehiyonal na porma, arog kan Namahage kan Akita Prefecture asin an Toshidon kan Kagoshima Prefecture . An kaagid na pagkumpara pwedeng gibohon manungod sa marebito . Dugang pa, mantang an presensya kan dakol na Jizō may tendensiyang mag-abot sa anom (sa pagsambit sa motibo kan Jizō kan Anom na Kahadean ), an mga pagkakaiba-iba sa laog kan istorya yaon arog kan pagkakaigwa sana nin saro, tolo, pito, o sagkod sa doseng estatuwa.

Mga Pagkakaiba-iba

An nagkapirang pagkakaiba-iba kan istorya iyo an minasunod:

• An gurang nagtatao kan saiyang sadiring kasa imbes na sarong tenugui
• An sarong estatuwa ni Jizō nagbabalik kan regalo kan gurang na lalaki imbes na sarong grupo nin mga estatuwa
• Sa lugar ni Jizō, an Pitong Maswerteng Diyos nagbalos sa gurang na lalaki
• Imbes na mga regalo, an gurang na mag-agom dinara pasiring sa Solnopan na Dalisay na Daga

Igwa nin bersyon kan istoryang ini sa Niigata na inaapod na Chijimi Jizō kun saen an gurang na lalaki naggagamit nin tela na ojiyachijimi imbes na kasa . Sa saro pang bersyon, an agom kan gurang na lalaki naggigibo nin mga spool nin hilo tanganing ipabakal sa banwaan. Sa Sulnupan na Hapon, igwa nin pagkakaiba kun saen an gurang na lalaki nagdadara nin sarong estatuwa ni Jizō pabalik sa saiyang harong. Naanggot an saiyang agom asin nagbulos an bagas hale sa hawak kan estatuwa. Huli sa maimot sa mas dakol na bagas, an agom na babae nagtutuktok sa tulak kan estatuwa, na sa puntong iyan an bagas minaontok sa pagbulos.

Mga Reperensya

• Nomura, Junichi (1987). 『昔話・伝説小事典』(Mukashibanashi, Densetsu Kojiten). Mizuumi Shobō. p. 74. ISBN 4-8380-3108-4. 

Mga panluwas na sumpay

• かさ地蔵animated depiction na may English closed captioning