Kate Chopin
| Kate Chopin | |
|---|---|
 Chopin in 1894 | |
| Minundagan | Katherine O'Flaherty Pebrero 8, 1850 St. Louis, Missouri, U.S. |
| Kagadanan | Agosto 22, 1904 (edad 54) St. Louis, Missouri, U.S. |
| Kasibotan | Novelist, short story writer |
| Genre | Realistic fiction |
| Bantog na gibo | The Awakening |
| Mga akì | 6, including Oscar Chopin |
| Lagdâ |  |
Si Kate Chopin ipinangaki bilang si Katherine O'Flaherty kang Pebrero Otso sa taon na Mil Otsosyentos Singkenta. Siya sarong Amerikanong parasurat ning mga haralipot na istorya asin nobela na nakabase sa Louisiana, itinuturing siya kang mga iskolar bilang saro sa mga nainot na nagpuon kan mga Amerikanong parasurat kan ika-20 siglo na may paghiling na makababae saka may pinaghalian sa Katimugan asin Katolisismo, arog ni Zielda Fitzgerald. Saro man siya sa mga pinaka-binabasa saka binibistong parasurat na may lahing Louisiana Creole. Pinakatanyag siya ngunyan sa siyang nobelang The Awakening na inilathala kang taong 1899.
Siya may lahing Pranses sa saiyang ina asin Irish sa saiyang ama, ipinangaki siya sa St. Louis, Missouri. Nagpakasal siya asin naglipat kaiba an saiyang agom sa New Oleans. Kalaunan ay nag-istar sinda sa probinsya sa Cloutierville, Louisiana. Puon kang 1892 hanggang 1895, nagsurat si Chopin nin mga haralipot na istorya para sa mga aki, gurang na nailathala sa mga pambansang magasin arog kan The Atlantic Monthly Vogue, The Century Magazine, asin The Youth's Companion. NAgdulot nin kontrobersiya an saiyang mga isturya dahil sa mga paksa na tinakakay asin sa saiyang paagi kan pagsurat, itinuring ining imoral kan nagkapirang kritiko.
Habi an mga pinakaprominente niyang obra iyo an duwang koleksyon nin mga maikling istorya asin duwang nobela. An mga koleksyon iyo an Bayou Folk (1894) asin A Night in Acadie (1897). Saro sa mga importanteng istoryang maikli iyo an "Désirée's Baby" (1893), na naglaladawan nin saro na interrasal na relasyon sa panahon kan antebellum sa Louisiana; "The Story of an Hour" (1894); asin "The Storm" (sinurat kan 1898, pero inimprinta lang kan 1969). An "The Storm" iyo an kasunod kan "At the 'Cadian Ball" (1892), na nasa Bayou Folk, an saiyang enot na koleksyon nin mga maikling istorya. An duwang nobela ni Chopin, At Fault (1890) asin The Awakening (1899), yaon sa New Orleans asin sa kalapit na lugar na Grand Isle. An mga karakter sa saiyang mga istorya kadaklan residente nin Louisiana, asin dakul sainda mga Creole na may iba-ibang etniko o rasang pinanggikan. Dakul man sa saiyang mga sinurat yaon an tagpo sa Natchitoches, sa hilagang-sentral na parte kan Louisiana, lugar kun saen siya nag-istar.
Sa laog nin sarong dekada kasunod kan saiyang kagadanan, si Chopin kinilalayan bilang saro sa mga prominenteng parasurat kan saiyang panahon. Kan 1915, sinurat ni Fred Lewis Pattee na “an ibang parte kan mga obra ni [Chopin] kapantay kan pinakadakulang mga sinurat sa Pransya o maski sa Amerika. [Ipinahiling niya] an maipapaliwanag bilang natural na talento sa pagsaysay na halos aabot na sa katalinuhan.” Dai siya kaanu-ano kan bantog na Polish na kompositor na si Frederic Chopin, tanganing malinawan an pagkaminaling akala nin iba, pero may anak siyang lalaki na pinangaranang Frederick Chopin, na posibleng pinangaran sa nasabing kompositor.