Kawat na bidyo

Mga makina na kawat na bidyong arcade sa Sugoi arcade game hall sa Malmi, Helsinki, Pinlandya

An kawat na bidyo (Ingles: video game) o kawat na pangkompyuter (Ingles: computer game) iyo an sarong kawat na elektroniko na imbwelto an interaksyon nin sarong user interface o kagamitan na panglaog (siring kan joystick, kontroler, tikladong pangkompyuter, o sensor nin mosyon) tanganing makatugdas nin kasimbagan na biswal gikan sa sarong kagamitan na pagpapahiling, na pinakakaraniwan na pigpapahiling sa sarong pormat na bidyo sa sarong telebisyon, monitor nin kompyuter, flat-panel display (o pagpapahiling sa pantalyang patag) o touchscreen (o iskrin na pighahapros) sa mga kagamitan na kapot-kamay (o handheld device), o sarong headset pang-virtual reality. Awdyobiswal an kadaklan sa mga kawat na bidyo, na may tanog na pampano na pigpapadara sa paagi kan mga ispiker o headphone, asin minsan may ibang klase man nin kasimbagan na sensor (iyan iyo an, teknolohiyang haptiko na nagtatao nin mga sensasyon na pangmati), asin may nagkapirang kawat na bidyo man na pigtutugutan an mikropono asin kamerang pang-web para sa pag-chat sa laog kan laro asin pag-livestream.

Tipikal na pigkaklasipikar an mga kawat na bidyo susog sa plataporma nin hardware, na tradisyunal na kaapil sa mga kawat na bidyong arcade, kawat na console, asin mga kawat na pangkompyuter (PC); sinasaklaw an huri an mga kawat LAN, kawat na online, asin kawat na pam-browser. Sa mas pinakakamakailan, luminakop an industriya kan kawat na bidyo sa mga kawat na mobile (siring kan mga smartphone asin kompyuter na tablet), sistemang birtwal asin augmented reality, asin remote cloud gaming. Pigkaklasipikar man an mga Kawat na bidyo sa dakol na klase na nakabase sa istilo nin pagkawat asin tinatarget na parakawat.

Sagkod kaidtong 2020, an pankinàban na merkado kan kawat na bidyo igwáng tinatayang taunan na kita na US$159 bilyon sa gabos na hardware, software, asin mga serbisyo, na tulong beses an dakula sa pankinàban na industriya nin musika asin apat na beses ang dakula sa industriya nin pelikula kaidtong 2019, na ginibong masakit na daogon sa gabos na makabagong industriya nin pag-aling. An merkado nin kawat na bidyo sarong pangenot man na impluwensya sa industriyang elektronika, kun saen an benta nin kabtang nin personal na kompyuter, asin periperiko (o peripheral), siring man an mga pangangaipo nin konsyumer para sa mas marhay na pagganap kan kawat, nagin makapangyarihan na indikasyon sa pagbabago kan disenyo nin hardware asin inobasyon.