Khryss Arañas
| Khryss Arañas | |
|---|---|
| Minundagan | Marso 16, 2000 |
| Kasibotan | Musikero, kompositor, obrerong pankultura |
| Nasyunalidad | Pilipino |
| Lahì | Bikolano |
| Edukasyon | Ateneo de Naga University (nagpundo) |
| Genre | Awit |
Si Khryss Jericho Abiog Arañas (Marso 16, 2000 –) sarong Bikolanong musikero, kompositor asin obrerong pankultura, na midbid na marhay bilang bokalista kan alternative/folk-rock na bandang Maug. Kagsurat sya nin magkapirang progresibong kanta arog kan "Pesante", "Masi", "Sakay" asin "Tagumpay ay Isinusulong". Ginagamit nya an saiyang musika sa maisog na pagtukar kan mga isyung pansosyedad.[1][2]
Tubong Tinambac, Camarines Sur, binilog nya an bandang Maug kaiba si Christian Bechayda, Robs Tabarangao, Jae Emmanuel Basbas asin Kahlil Devilla Luceña. Naimbitaran sinda sa UP Los Baños February Fair 2020, kun sain tinutugtog ninda an kantang "Masi". Dugang pa, myembro man sya kan grupong RnB na Rhythm & Drip (O/C Records) asin kan Musika Publiko-Bikol.
Kan 2019, minukna asin pinanginutan nya an Project Pesante, sarong kolaborasyon nin mga hubin na artista asin obrerong pankultura na nagmamawot gamiton an arte sa pagtukar kan mga isyu nin parauma partikular sa Rehiyon Bikol.[3] Nagin partisipante sya sa inot na Burabod Musika Songwriting Camp kan Pebrero 23–27, 2020 sa Syudad nin Naga.
Kan 2022, naelihir sya bilang tagapamayo kan Jovenes Anakbayan Bicol.[4]
Regular na mababasa an kolum nyang "Pagturuhok asin Salming" sa Magbikol Kita. Libre man na madadangog an mga kantang nasurat nya sa Youtube, SoundCloud asin Spotify.
Susugan[baguhon | baguhon an source]
- ↑ "Archive copy". Archived from the original on 2019-12-30. Retrieved 2021-04-02.
- ↑ https://magbikolkita.com/author/khryss-aranas/
- ↑ "Archive copy". Archived from the original on 2019-12-30. Retrieved 2021-04-02.
- ↑ People Power did not just happen at Edsa | Inquirer News