Konoe Nobutada

Sa pangaran nin pangaran sa Hapon na ini, an apelyido iyo an Konoe.

Si Konoe Nobutada (近衛 信尹; 1565 – 1614) sarong Hapon na kortesano kan Panahon nin Momoyama na midbid bilang sarong pararawitdawit, kaligrapo, pintor asin diarista. Mayo nin lehitimong aking lalaki, inampon niya an saiyang pamangkin na si Nobuhiro bilang saiyang tagapagmana. An ibang mga pangaran na bisto saiya iyo an Nobumoto (信基) asin Nobusuke (信輔) sa saiyang amay na buhay, asin Sanmyakuin (三藐院), an saiyang titulo sa saiyang huring panahon.

An Waka folding screen ni Konoe Nobutada Tokyo National Museum

Sa Kaligrapiyang Hapon siya pigbibisto bilang saro sa Kan'ei Sanpitsu (寛永三筆) o "Three Brushes of the Kan'ei period",, na nginaranan sa pag-arog kan panahon nin Heian na Sanpitsu.

Pamilya asin amay na buhay

Siya sarong aking lalaki ni Konoe Sakihisa sa sarong babayeng naghahalat na dai aram an pangaran. 1577 kinaputan niya an saiyang genpuku asin nginaranan na Nobumoto. Si Oda Nobunaga an nangenot sa seremonya asin nagtao nin sarong letra kan saiyang pangaran na 信 (Nobu) sa hoben na noble. Kan huri binago niya an saiyang pangaran na Nobusuke. Kan 1580 siya ninombrahan nin naidaijin, kan 1585 nin sadaijin sunod-sunod. Nagkapot siya kan posisyon nin sadaijin sagkod 1591. Siya man an paratukdo kan nobleng babaye, kaligrapo asin pararawitdawit na an ngaran Ono Otsu.

Kan 1585 nagkaigwa siya nin problema ki kanpaku na si Nijō Akizane sa relasyon ki Toyotomi Hideyoshi asin an saiyang planong nombramiento sa sadaijin, an posisyon na kinapotan ni Nobusuke kan panahon kan iriwal, na ngunyan midbid bilang kanpaku sōron ([[:ja:関白相諙疽疽疙]觽). An korte nagtuyo na nombrahan si Nobusuke sa kanpaku na kasalihid ni Nijō Akizane na nombrahan sa posisyon na ini ngonian na taon. Sa pangkagabsan an pagkasunod-sunod na ini garo baga dai malilikayan alagad an duwa dai nagkakaoroyon sa mga detalye. Parehong nagpaluwas kan saindang opinyon sa mga surat sa korte asin an iriwal dai nahusay. Dangan parehong nagbisita ki Hideyoshi tanganing ipangatanosan an lambang saro sa saindang mga opinyon. Huli kaini, naghagad si Hideyoshi nin posisyon na kanpaku imbes na sadaijin na orihinal na boot sabihon kan korte na itao saiya. Para sa pag-enable kan nombramientong ini, nin huli ta an mga lalaki sana kan Sekke an pigkokonsiderar na kwalipikado sa posisyon kan kanpaku, si Hideyoshi naghagad man nin pag-ampon ki Konoe Sakihisa, an ama ni Nobutada asin an kontemporanyong payo kan pamilya kan Konoe, na may panuga na si Nobusuke an masalida ki Hideyoshi bilang kanpakushi. An panugang ini dai nangyari asin Toyotomi Hidetsugu, sarong pamangkin ni Hideyoshi ninombrahan sa kanpaku kan 1591. Kan taon na ini sa pagkadisganar si Nobutada nagdemitir sa sadaijin asin naglaog sa saiyang pagretiro.

Huring buhay

Kan 1594 pinaanggot ni Nobutada si Emperador Go-Yōzei asin idinistiero sa Bonotsu sa probinsya nin Satsuma, Kyūshū. Nagdanay siya duman sa laog nin tolong taon. Kan Setyembre 1596 naresibe niya an permiso kan imperyo na magbalik sa Kyoto asin nagkapot giraray kan saiyang posisyon sa sadaijin. Sa 1605 siya ninombrahan sa kanpaku.

Mga toltolan

• The Calligrapher Konoe Nobutada: Reassessing the Influence of Aristocrats on the Art and Politics of Early Seventeenth-Century Japan, by Lee Bruschke-Johnson. Doctoral dissertation, 2002.
• Dismissed as Elegant Fossils: Konoe Nobutada and the Role of Aristocrats in Early Modern Japan, by Lee Bruschke-Johnson. Amsterdam: Hotei, 2004. ISBN 90-74822-52-5

Mga panluwas na takod

• Momoyama, Japanese Art in the Age of Grandeur, an exhibition catalog from The Metropolitan Museum of Art (fully available online as PDF), which contains material on Konoe Nobutada