Amihanan na Korea

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Korea nin Norte)
Bandera kan Norteng Korea

An Amihanan na Korea, opisyalmente an pangaran Demokratikong Republika kan Banwaan na Korea, Democratic People's Republic of Korea kun sa Ingles, ( Hangul: 조선민주주의인민공화국, Hanja: 朝鮮民主主義人民共和國 Chosŏn Minjujuŭi Inmin Konghwaguk) sarong estado sa Subangan na Asya, na nalalaklakan an kabangang sulnopan na palna' kan Peninsulang Koreano. An saiyang kabisera, na iyo man pati an pinakadakulang syudad sa bilog na Korea, iyo an Syudad nin Pyongyang. An inaapod na Korean Demilitarized Zone nagseserbi na pag'oltan asin ulang sa pagkabangaan kan North Korea sa South Korea. An duwang Salog nin Amnok asin Tumen nagseserbi kwenta pagdolonan kan North Korea asin Tsina. An sarong parte kan Salog Tumen sa porong maray kan norte-subangan iyo an pagdolonan kaini sa Rusya.