Kultura nin pamamahala kan mga Hapon

An kultura nin pamamahala kan Hapon nanonongod sa mga pilosopiya o paagi nin pagtrabaho sa Japan. Kabali digdi an mga konsepto asin pilosopiya arog kan pagigin tama sa oras, kaizen asin pankabilugan kalidad kan pamamahala.

Estilo nin pamamahala

An terminong Hapon na Hō-Ren-Sō (報・連・相) nanonongod sa madalasan pagrereport, pagkamustahan asin pag-orolay – mga importanteng kaugalian na nagsasabing nagpapahiling nin pagtarabangan asin maray na dalagan kan impormasyon sa laog kan epektibong kultura kan korporasyon kan Hapon. Ini sarong "abbreviation kan " Hōkoku " (報告, mag report), " Renraku " (連絡, ipaaram) asin " Sōdan " (相談, magkonsulta), asin mas madali tandaan bilang sarong homonym kan hōrensō, an tataramon nin Hapon na " spinach ". An termino na nanonongod sa "pag-ati kan saimong kamot" tanganing maaraman o masolusyunan an saimong mga problema asin an mga lider dae igde lilihisan. An mga aspeto kan mga prinsipyong ini pirmeng nasasalaan kan mga manedyer na western bilang "micromanagement". Sa ibong kaini, ini an mga prinsipyo na ginagamit na paagi para gabayan an proseso.

Si Mohammed Ala asin William Cordeiro (1999) pinaliwanag an proseso nin paggibo nin desisyon kan mga Hapon na ringiseido (稟議制度) . An Ringiseido nagtatao nin oportunidad para sa mga pantay na ranggo kan mga manedyer o empleyado kan sarong grupo sa laog kan sarong kumpanya na makikisumaro sa ideya kan sarong indibidwal. An proseso nagsusunod sa kamawotan kan kultura kan mga Hapon na magkaoroyon an mga tawo. An pisikal na aksyon kan ringiseido inaapod na "proseso nin paggibo nin desisyon sa ringi." Ini nagpapatalubo nin sarong kapalibutan nin suporta asin kasunduan para sa sarong desisyon kun an sarong mas halangkaw na ranggo na manedyer nagrepaso asin nag-ako kan rekomendadong desisyon.

An terminong ringi (稟議) igwa nin duwang ibig sabihon. An enot na kahulugan iyo an "rin", 'pagsusumite nin sarong propuesto sa mga superbisor asin pag-ako kan saindang pag-uyon,' asin an "gi" nangangahulugan na 'mga deliberasyon asin desisyon.' An polisiya kan korporasyon dai malinaw na natawanan nin kahulugan kan ehekutibong liderato kan sarong kumpanya sa Hapon. Kaya, an mga manedyer sa gabos na lebel na mas hababa sa mga ehekutibo dapat na mag-itaas nin mga desisyon sa sunod na lebel apwera sa mga rutina na desisyon.

An proseso kan "ringi decision-making" ginigibo sa paagi nin sarong dokumento na inaapod na ringisho (稟議書) An ringisho ginigibo asin pigpapalibot kan indibidwal na nag gibo kan ideya. Mantang an ringisho nag aabot sa pagrepaso kan kairiba, an kairiba ibinubugtak an saiyang "personal na selyo (hanko) paitaas" tanganing mag-oyon, "baliktad" tanganing dai mag-oyon, asin sa gilid tanganing ipahiling na dai pa nakapagdesisyon. Kun an gabos na kairiba narepaso na an ringisho, an manedyer kan mga pag iriba pigrerepaso an ringisho asin ibinubugtak an saiyang hanko. An desisyon kan manedyer sa itaas na lebel iyo an pinaka pinal asin an ringisho ipinapadara pabalik sa nag orihinal na iyo an nagpopoon kan ideya o sa nag-eebalwar, base sa "hanko" kan manedyer sa itaas na lebel.

Layon

Si Richard Pascale asin Anthony Athos nag pahayag kan ideya sa The Art of Japanese Management (1981) na an mga negosyo kan western kulang nin "layon", na saindang naaraman bilang saro sa "mga pangenot na sangkap kan pamamahala kan Hapon". Si Yang nagtutukoy sa "pagbugtak nin halawig na pananaw" bilang sarong laen na proseso sa "pagplano sa halawig na panahon".

Mga pamantayan kan pamamayo

Si Tony Kippenberger (2002) nagpaliwanag kan kaugalian kan liderato na hararom na tig halian sa kultura nin negosyo kan Hapon. An mga kaugalian na ini nabilog kan nagadan nang si Konosuke Matsushita, an prominenteng negosyante kan Electric Company ni Matsushita, na nagmamakulog na maray sa mga empleyado kan saiyang kompanya na garo pamilya. Si Matsushita na nagtutubod na maray na an sarong negosyo na arog kadakula kan saiya iyo an responsable na tabangan an bilog na sosyedad na mag-uswag, asin bako sanang para sa may sadiri asin nagpapadalagan kan kompanya na mag-uswag.

Kan 1933 si Matsushita, sa panahon kan dakulang depresyon, nagmukna nin pitong "mga prinsipyo":

• Serbisyo sa publiko – sa paagi nin pagtao nin mga de-kalidad na produkto asin serbisyo sa rasonableng presyo, nakakatabang kita sa karahayan kan publiko;
• Katanosan asin pagkaonesto – kita magigin matanos asin onesto sa gabos niatong pakikipag-olay sa negosyo asin personal na gawe-gawe;
• Pagtarabangan para sa pararehong kawsa – pag-iribahan ta an mga kakayahan, base sa pagtitiwala asin paggalang sa lambang saro;
• Pagsararo nin paghihingoa para sa pagpapauswag – kami padagos na maghihingoa na mapakarhay an samong mga pagtrabaho sa korporasyon asin personal;
• Kagalang-galang asin kapakumbabaan – kita pirming magigin maboot asin mapagpakumbaba asin iginagalang an mga karapatan asin pangangaipo kan iba;
• Susog sa pang natural na mga batas – masunod kita sa mga batas pang natural asin makibagay sa padagos na nagbabagong kamugtakan sa palibot ta; asin
• Pagpasalamat sa mga biyaya – kami padagos na magpapasalamat sa gabos na biyaya asin kabootan na samong naresibe."

An "mga gabay na prinsipyo" nagin "pambihira para sa saindang panahon". An pitong prinsipyo ginagamit kan kompanya ni Matsushita ngonyan asin nagseserbing prinsipyo para sa ibang mga kompanya kan Hapon. Nin huli ta an "mga gabay na prinsipyo" mga pusog na pahayag asin sarong kasumpayan kan kulturang Hapon sa negosyo, an mga prinsipyo pigngaranan na "Pitong Espiritu ni Matsushita" tanganing tawan nin onra si Matsushita.

Mga saradit na kumpanya

Sa mas saradit na mga kumpanya, sarong bilog na kakaiba na kultura nin korporasyon an nagtalubo. Kapareho kan sistemang Meister kan Germany, an mga bagong rekrut ibinubugtak sa irarom kan mga ekspertong halangkaw na espesyalista asin nag gugugol nin halawig na mga taon sa pag-adal kan lambang teknika na igwa sinda. Sinda sinanay na magkaigwa nin mas hararom na pagkaaram sa mga partikular na lugar nin mga kakayahan imbes na an mas mahiwas asin bakong gayong hararom na pagsasanay na inaako kan mga nasa mas dakulang korporasyon. Nakanood sindang magprodusir nin trabaho na may halangkaw na kalidad gamit an dikit na simpleng mga kagamitan asin dikit o mayo nin mauswag na mga kagamitan sa industriya.

Mga babaeng Hapon sa pamamahala

Mantang an mga modernong kultura kan kinaban padagos na nagbabago, an mga konsepto kultural nawawaran nin presensya o nagbabago kaiba an mga modernong konsepto. An Hapon nakakaeksperyensya nin siring na ebolusyon sa mga babayi sa lugar nin trabaho asin sa lugar nin pamamahala. Mantang an pinaka rason kan ebolusyon na ini iyo an pag-ako kan impluwensya kan western sa sosyedad kan Hapon, an Hapon napipiritan na suportaran an ebolusyon na ini huli ta ini nakikipaglaban sa nagluluyang populasyon asin mas hababang bilang nin mga namundag na magbubunga nin mas sadit na pwersa nin trabaho.

Susog sa "Cloud, or Silver Linings?" ipinublikar sa Economist (2007), ibinareta na kan 2006 an birth rate kan mga Hapon 1.32 asin mas hababa sa 2.1 poon pa kan mga taon 1970. An birthrate na 2.1 kaipuhan tanganing mapangganang mamantenir an presenteng bilang kan populasyon. An artikulo nagpaliwanag na an OECD nagpatunay na igwa nin "positibong korelasyon sa abilidad magkaaki asin sa pagigin empleyado kan mga babae." Kaya, kun an sarong paghihingoa ginigibo tanganing suportaran an mga ambisyon sa trabaho asin kamawotan kan pamilya kan mga babae, an mga babae mag gugusto asin posibleng magmawot na magkaigwa nin mga aki asin pamilya na dai kaipuhan na isakripisyo an saindang trabaho sa proseso. Dai sana tigbabasta basta kan mga opisyales kan mga Hapon an impormasyon na ini. Durante kan saiyang huring taon sa opisina, si Primer Ministro Junichiro Koizumi (2002–2007) nagpoon nin lehislasyon tanganing mapakusog an "pinansyal na suporta para sa mga pamilyang may saradit na aki asin an pagpahiwas kan mga pasilidad sa pag-ataman nin aki (p. 27).

Hilingon man

• Category:Japanese business terms
• Japanese work environment
• Salaryman
• Akio Koiso

Mga Reperensya

1. "JAPANESE CULTURE AND LEADERSHIP STYLE". Cultural Candor Inc. Archived from the original on 13 July 2017. Retrieved 2 May 2017. 
2. Ala, Mohammad; Cordeiro, William P., Can We Learn Management Techniques From the Japanese Ringi Process? Business Forum January 1, 1999
3. Ala, Mohammad; Cordeiro, William P., Can We Learn Management Techniques From the Japanese Ringi Process? Business Forum January 1, 1999 (p. 22–23).
4. Pascale, R. and Athos, A. (1981), The Art of Japanese Management
5. Yang, C. Y., Demystifying Japanese Management Practices, Harvard Business Review, from The Magazine, November 1984, accessed 22 November 2022
6. Kippenberger, T. (2002). Leadership styles Archived 2011-07-08 at the Wayback Machine.. Oxford, United Kingdom: Capstone Publishing.
7. Kippenberger, T. (2002). Leadership styles Archived 2011-07-08 at the Wayback Machine.. Oxford, United Kingdom: Capstone Publishing. p.71-72
8. Cloud or silver linings? Japan's changing demography. (2007 July 28). The Economist 384(8539) p.27. http://www.economist.com Archived 2013-06-24 at the Wayback Machine..

• Plantilya:Country study – Japan

Dugang na pagbasa

• Keeley, TD (2001). Internasyonal na pamamahala nin rekurso humano sa mga kumpanya sa Hapon: an pinakadakulang angat. Hampshire, New York: Houndmills Basingstoke Palgrave Macmillan. kinua gikan sa http://www.palgrave.com/home
• Woods, GP (2005, Okt. 24). Problema sa pagkakaiba-iba kan Hapon: an mga babae 41% kan mga nagtatrabaho alagad iyo an nagkokontrol. Pirang halangkaw na posisyon: 'sayang,' sabi ni Carlos Ghosn. An Wall Street Journal, p.B1. kinua sa www.wsj.com.