Laureana Wright de Kleinhans
Laureana Wright de Kleinhans | |||
|---|---|---|---|
 | |||
| Ipinangaki | Laureana Wright González 4 Hulyo 1846 | ||
| Nagadan | 22 Setyembre 1896 (nag-edad 50) Siyudad nin Mehiko, Mehiko | ||
| Nasyu | Mehikano | Trabaho | feminist |
| Mga taon aktibo | 1912–1955 | ||
Si Laureana Wright de Kleinhans (4 Hulyo 1846 – 22 Setyembre 1896), o midbid sana bilang Laurena sarong Mehikanong parasurat asin peministang pioneer. An saiyang mga sinurat manungod sa papel kan mga babae, rebolusyonaryo para sa saiyang panahon. An saiyang magasin, Violets of Anahuac kan 1887, binago an paradigma sa paagi nin pagpalakop bilang pinaka-ideolohiya kan magasin, an pambabaeng ideyal nin sarong kulturado, edukadong agom asin ina. An publikasyon nagpalakop kan edukasyon kan mga babae asin nag-insistir na an intelektuwal na pagkakapantay-pantay sa pag-ultanan kan mga lalaki asin babae iyo an paagi nin katalingkasan. Saro siya sa mga enot na feministang teorista sa Mehiko, na naghahagad sa mga babae na kuestionon an saindang papel sa sosyedad asin an mga kondisyon na saindang kinabubuhayan. Sinakop niya an mga tema arog kan edukasyon, deretso sa pagboto kan mga babae asin legal na pagkakapantay-pantay sa pag-ultanan kan mga lalaki asin babae. Nagsurat siya nin patriyotikong rawitdawit asin nagserbi bilang bise presidente kan Spiritualist Society of Mexico, na saiyang pig-apil huli ta an saro sa mga prinsipyo kaini iyo na an mga lalaki asin babae pareho an intelihensya.
Biograpiya
[baguhon | baguhon an source]Si Laureana Wright González namundag kan 4 Hulyo 1846 sa Taxco, Guerrero, Mehiko sa Amerikanong ama na si James Wright asin an saiyang agom na Guerreran, si Eulalia González. [1] An pamilya nagbalyo sa Siyudad nin Mehiko, para sa mas marahay na mga oportunidad sa ekonomiya kan si Wright aki pa [2] asin duman nakanuod nin Espanyol, Ingles asin Pranses. [3] Poon sa edad na labing anom, nag'adal siya nin literatura, pilosopiya asin kasaysayan sa mga paratukdo arog ni Ignacio Ramírez, Ignacio Manuel Altamirano, Francisco Pimentel asin José María Vigil [4] asin kan 1865, nagpoon siyang magsurat nin patriyotikong rawitdawit.
Kan 1868, siya nagpakasal ki Sebastian Kleinhans, na saiyang nagkaigwa nin sarong aking babae, si Margaret. Nagdiborsyo siya [5] sarong taon pagkatapos kan kasal asin itinao an saiyang oras sa pagsurat. [6] Si De Kleinhans saro sa mga enot na parasurat na Mehikano na nagpahayag na an mga babae dapat magkaigwa nin boses sa publiko asin dapat na edukaron. Nagpostulate siya na sa paagi nin pagpadanay sa mga babae na ignorante, sinda tinatrato na bakong mas marahay pa sa pagsadiri. Pinag-olayan nia an mga epekto sa sosyedad kan pagkakaiba-iba asin an kawaran nin legal na mga probisyon, na nagin dahelan kan pagpasakop sa mga kababaihan. Siya sarong peryodista para sa mga publikasyon arog kan El Monitor Republicano, El Bien Público asin El álbum de la mujer . Sa ibong kan saiyang pakikipag-amigo ki Delfina Ortega Diaz, an enot na agom kan presidente, siya haros napahale sa nasyon huli sa saiyang pakikipagtabangan sa Diario del Hogar, na nagtutuyaw sa polisiya sa trabaho ni Presidente Porfirio Diaz. [7]
Kan 1869, siya inako bilang sarong honorary member kan Society of Nezahualcoyotl, sa kahagadan kan mga kagmukna kaini, si Manuel Acuña asin Gerardo M. Silva . Nagbali siya sa siyentipikong sosyedad na El Porvenir kan 1872, kun saen nagpublikar siya nin nagkapira sa saiyang mga rawitdawit. Kan 1873, siya ninombrahan sa pagigin miyembro kan Liceo Hidalgo, [8] sarong sosyedad literaryo na kun saen nagtitiripon an haros gabos na intelektuwal sa Mehiko, sa kahagadan ni Ignacio Ramírez asin Francisco Pimentel . Kan 1885 si de Kleinhans nagin miyembro kan Liceo Mexicano, siring man kan Liceo Altamirano kan Oaxaca. Kan panahon na idto, haros gabos na sosyedad nin literatura dominado nin lalaki. Tanganing an mga babae magkaigwa nin boses sa publiko, namatean ninda na kaipuhan na magtaram sa edukadong estilo nin mga lalaki, kaya si de Kleinhans naghanap nin mga miyembro na matao saiya nin paninindugan sa literatura.
Kan 1884 siya an nagmukna asin nagdirehir kan magasin na Violetas de Anáhuac (Mga Violetas kan Anahuac); An " Anáhuac " sarong tataramon na Aztec para sa heograpikong lugar sa palibot kan Siyudad nin Mehiko. Kan 1887 tinugdas niya an peryodikong Mujeres de Anáhuac (Mga Babaeng Anahuac). An Violets sarong rebolusyonaryong journal para sa panahon kaini, nin huli ta imbes na ipalakop an kultura nin pagigin harong, an katuyuhan kan journal iyo na ipalakop an edukasyon kan mga babae asin ipag-asegurar na an mga babae asin lalaki pantay-pantay sa intelektuwal. Tanganing maibalik an punto na an mga babae may kakayahan na gumibo nin pambihirang mga kapangganahan, an journal nagkolekta asin nag-imprenta nin mga biograpiya nin mga babaeng Mehikano, kaiba an mga bantog na Mehikano arog ni Sister Juana Inés de la Cruz asin an ikaduwang agom kan Presidente Mehikano na si Porfirio Díaz, si Carmen Romero Rubio de Díaz. Kabali man digdi an mga kasaysayan kan 29 na mga katutubong babae, na sarong depinidong pagbalyo sa mga tipikal na kasaysayan na nakasentro sa Europa na isinurat kan panahon na idto.
Dawa ngani si de Kleinhans dai nagtutubod sa espiritismo kan enot niyang nasabat ini, asin pigdenunsiar ini sa Violetas de Anáhuac, siya nagin parasunod ni Allan Kardec huli sa saiyang pagtubod na an mga lalaki asin babae igwa nin pantay na intelihensya. Natapos siyang magin sarong maigot na parasunod kan espiritismo kan Kardecian, asin nagin bise presidente kan Spiritualist Society of Mexico. Siya man nag-eksplorar kan Freemasonry na kan ika-19 siglo pigbabalangibog bilang paagi tanganing mahale an mga impluwensya kan Simbahan Katoliko. Sa kahurihurihi, isinikwal niya an organisasyon huli ta habo nindang akuon an pagkakapantay-pantay kan mga lalaki asin babae asin sa katunayan igwa sinda nin sumpa sa pagpoon na nagdeklara na "dai nanggad akoon sa saindang mga ranggo an sarong buta, sarong buang, o sarong babae".
Nagadan siya kan 22 Setyembre 1896 sa Siyudad nin Mehiko, Mehiko.
An Mujeres notables mexicanas (1910) pinaluwas pagkagadan. Ini sarong importanteng obra, nin huli ta ini sarong koleksyon kan mga biograpiya na tinipon ni de Kleinhans kan mga midbid na babaeng Mehikano. Igwa ini nin 116 na biograpiya, na nagpopoon sa mga tema bago an pagsakop asin minaabot sa ikaduwang kabanga kan ika-19 siglo. Saro ini sa mga libro na kabali an mga babae bilang parte kan kasaysayan kan Mehiko bago an ika-beinte siglo.
Mga piniling obra
[baguhon | baguhon an source]Mga Rawitdawit
[baguhon | baguhon an source]- "Sarong Cuba"
- "El 5 de mayo de 1862"
Mga libro
[baguhon | baguhon an source]- Violetas del Anáhuac: periódico literario: redactado por señoras (1888) (Sa Espanyol) Makukua sa Biblioteca Nacional de Mexico (OCLC #651191638)
- La Emancipación de la Mujer por medio del estudio Imprenta nueva: Mexico (1891) (Sa Espanyol)
- Educación errónea de la jejer y medios prácticos para correjirla Imprenta nueva: Mexico (1892) (Sa Espanyol)
- Mujeres notables mexicanas Tipografía económica: Mexico (1910) (Sa Espanyol)
Mga Toltolan
[baguhon | baguhon an source]- ↑ "Laureana Wright de Kleinhans". Artes e Historia México (in Spanish). Mexico City, Mexico: Artes e Historia México. Archived from the original on 27 May 2015. Retrieved 27 May 2015.
- ↑ Alvarado, Lourdes (2005). Educación y superación femenina en el siglo XIX: dos ensayos de Laureana Wright (in Spanish) (1st ed.). México: UNAM, Centro de Estudios sobre la Universidad. pp. 13–31. ISBN 970-32-2724-4. Retrieved 27 May 2015.
- ↑ "Abordan el trabajo de Laureana Wright, precursora del periodismo femenino". Conaculta (in Spanish). Mexico City, Mexico: Consejo Nacional para la Cultura y las Artes. 23 August 2013. Archived from the original on 7 December 2014. Retrieved 27 May 2015.
- ↑ Auge y Caída de la Masonería en México en el Siglo XiX. La Exclusión de la Mujer bajo la mirada del Discurso Masónico de Laureana Wright González. San Pedro Montes de Oca, Costa Rica: Universidad de Costa Rica. http://www.revistas.ucr.ac.cr/index.php/REHMLAC/article/viewFile/12188/11471. Retrieved on 27 May 2015.
- ↑ Hernandez, Hortensia (7 November 2012). "Laureana Wright González". Heroínas (in Spanish). Mexico: Heroínas. Retrieved 27 May 2015.
- ↑ Ramirez, Cristina. "La Hija del Anáhuac: The Rhetoric of Laureana Wright de Kleinhans". Cristina Ramirez. Cristina Ramirez. Retrieved 27 May 2015.[permanent dead link]
- ↑ "Laureana Kleinhans Wright". Enciclopedia de la Literatura en México (in Spanish). Mexico City, Mexico: FLM – CONACULTA. Retrieved 27 May 2015.
- ↑ Erlij, David (May 2005). "Precursoras de la democracia en México". Letras Libres (in Spanish). Mexico City, Mexico: Revista Letras Libres. Retrieved 27 May 2015.
