Leo Echegaray
Si Leo Pilo Echegaray (11 Hulyo 1960 – 5 Pebrero 1999) iyo an pinakaenot na Pilipino na ginadan pakatapos na ibalik an padusang kagadanan sa Filipinas kan 1993, mga 23 taon pagkatapos na ginibo an huring hudisyal na paggadan. An Free Legal Assistance Group o FLAG na abogado na si Attorney Te nagtrabaho tanganing mapundo an saiyang pagbitay huli sa mga kontrobersiya sa likod kan pagbalik kan penalidad na kagadanan. An saiyang kagadanan nagpukaw nin nasyonal na debate manungod sa legalidad asin moralidad kan padusang kagadanan, na kan huri pigsuspinde kan 15 Abril 2006.
Pagbista asin paggadan
[baguhon | baguhon an source]Kan 1994, si Echegaray, sarong pintor nin harong, inakusaran nin paorootrong paglugos ki Rodessa, an 10 anyos na aking babae kan saiyang ka-live-in-partner (si Rodessa binansagan na "Baby" kan prensa). [1] Durante kan pagbista ki Echegaray, inakusaran kan ina ni Rodessa an saiyang aking babae nin pagputik asin sinabi na an akusasyon huli sa kapasloan kan lola ni Rodessa. Kan Setyembre 7, 1994, si Echegaray nasentensiahan kan Branch 104 kan Regional Trial Court sa Quezon City nin panglulugos asin sinentensyahan nin kagadanan. An sentensiya nin kagadanan awtomatikong rinepaso kan Korte Suprema asin kinumpirmar kan Hunyo 25, 1996. Si Echegaray nagsangat nin mosyon tanganing mag-apelar, na dai inako kan Enero 19, 1999. [2][3]
Mayo pang sarong bulan, ginadan si Echegaray sa paagi nin lethal injection kan Pebrero 5, 1999. Si Echegaray sinabihan an desisyon kan korte kan udto, tolong oras bago siya magadan sa paagi nin lethal injection sa New Bilibid Prison sa Manila. Siya an pinakaenot na lalaking ginadan sa Filipinas poon kan 1976.
An huring pahayag ni Echegaray iyo an:
"Sámbayanáng Pilipino, patawarin ako sa kasalan ipinaratang ninyo sa akin. Pilipino, pinatáy ng kapwa Pilipino." [4]
("Banwaan nin Pilipinas, patawadon nindo ako kan kasalan na saindong pig-aakusar sako. Sarong Pilipino, ginadan kan mga kapwa Pilipino.")
Dawa ngani si Echegaray enot na nagmantinir kan saiyang pagkainosente sa saiyang pagbista asin sa publiko, pribado niyang inako an saiyang kasalan sa saiyang huring mga momento. An saiyang huring mga tataramon iyo an "Baby, patawada ako." Siya idineklarar na gadan pakalihis nin walong minuto. [5]
Hilingon man
[baguhon | baguhon an source]Mga Toltolan
[baguhon | baguhon an source]- ↑ "Philippines executes first prisoner in 23 years". http://www.cnn.com/WORLD/asiapcf/9902/05/philippines.execution.02/.
- ↑ "G.R. No. 117472". lawphil.net. Retrieved 2022-05-18.
- ↑ "G.R. No. 132601". lawphil.net. Retrieved 2022-05-18.
- ↑ de Castro, Leo (Jan–Mar 1999). ""BITAY": Death by Lethal Injection". KASAMA (Solidarity Philippines Australia Network) 13 (1). Archived from the original on 7 April 2015. https://web.archive.org/web/20150407154319/http://cpcabrisbane.org/Kasama/1999/V13n1/Bitay.htm. Retrieved on 14 August 2015.
- ↑ "Philippines Executes Child Rapist". AP NEWS (in English). Retrieved 2022-05-18.
Mga panluwas na sumpay
[baguhon | baguhon an source]- Enbanc Decision (1996-06-25) Bayan sa Pilipinas kontra Leo Echegaray (GR 117472) Korte Suprema sa Pilipinas. Nakua kan 22 Disyembre 2006.
- Enbanc Decision 1998-10-12) Leo Echegaray vs. Secretary of Justice, et al. (GR No. 132601. Enero 19, 1999) Korte Suprema kan Pilipinas. Nakua kan 22 Disyembre 2006.
- Enbanc Resolution (1999-01-19) Leo Echegaray vs. Secretary of Justice, et al.(GR No. 132601. January 19, 1999) Korte Suprema kan Pilipinas. Nakua kan 22 Disyembre 2006.
- People of the Philippines vs. Leo Echegaray y Pilo (GR No. 117472) - teksto kan desisyon kan Korte Suprema kan Pilipinas na nag-aafirmar kan padusang kagadanan
- Leo Echegaray vs. Secretary of Justice, et al. - text of the motion for reconsideration (ie an desisyon sa apelasyon ni Echegaray)
- Enot na pagbitay sa Pilipinas sa laog nin 22 taon nakatalaan sa Enero (CNN)
- Padusang Kagadanan sa Pilipinas
Mga panluwas na sumpay
[baguhon | baguhon an source]Archive kan Associated Press :