Levi Celerio
| Levi Celerio | |
|---|---|
 | |
| Kamundagan | Abril 30, 1910 Tondo, Manila, Philippine Islands |
| Kagadanan | Abril 2, 2002 (edad 91) Quezon City, Metro Manila, Philippines |
| Nasyunalidad | Filipino |
| Mga gawad |  Order of National Artists of the Philippines |
Si Levi Celerio (Abril 30, 1910 - Abril 2, 2002) sarong Filipinong kompositor asin lirisista na tinatawan kredito sa pagsurat nin labi sa 4,000 na rawitdawit. Siya minidbid bilang Artista Nasyonal kan Filipinas para sa Musika asin Literatura kan 1997.
Midbid man siya sa paggamit kan dahon bilang instrumento sa musika. Ini nagbunga nin pagluwas niya bilang bisita sa mga pasali sa telebisyon na pinagdokumento sa luwas kan Filipinas.
Maliban sa pagigin musikero, si Celerio saro man na poeta asin aktor sa pelikula na nagluwas sa manlainlain na pelikulang Pilipino kan mga taon 1950 asin 1960.
Kaamayi kan buhay asin edukasyon[baguhon | baguhon an source]
Si Levi Celerio namundag kan Abril 30, 1910, sa Tondo, Manila ki Cornelio Cruz asin Juliana Celebrado asin namundag sa sarong pobreng pamilya. An pagigin mahilig sa musika niya resulta kan impluwensya kan saiyang ina na sarong paratogtog nin harpa asin myembro nin koro nin simbahan.[1] Siya nailo sa saiyang ama na imbwelto sa negosyong real estate asin alahas. An saiyang ama dai nuarin man kasal sa saiyang ina.[2]
Inenkaminar siya kan saiyang ina na magkahilig sa musika tanganing maparayo sa maraot na kamugtakan kan saindang pagtaraid. Sa ibong kaini, si Celerio nagin dayupot na kamidbid kan lider nin gang na si Asiong Salonga. Sa pagparigon sa boot kan saiyang ina, si Celerio nagpoon na magkawat kan biyolin sa edad na 11 na nag-adal sa sarong myembro kan Philippine Constabulary Band. Kan huri, nagtogtog siya kaiba kan banda bilang myembro kaini mantang nag-aatendir sa Torres High School.[1] Durante kan saiyang mga taon sa hayskul na naaraman ni Celerio an manungod sa saiyang ama.
Nagklase man siya sa Unibersidad kan Pilipinas Conservatory of Music para mag-adal nin byolin para sa duwang semester.[1] Dangan an direktor na si Alexander Lippay pinagrekomendar siya para sa sarong scholarship sa Academy of Music sa Manila.[3] Nag-ako siya nin scholarship asin nagin pinakanguhod na myembro kan Manila Symphony Orchestra.[4]
Kagadanan asin pamana[baguhon | baguhon an source]
Nagadan si Celerio kan hapon nin Abril 2, 2002 sa Delgado Clinic sa Kamuning, Quezon City huli sa multiple organ dysfunction. Nagkaigwa man siya nin nainot na atake nin stroke.[3] Ilinubong siya na igwang na onra militar sa Libingan ng mga Bayani
Sa saiyang ika-108 na Anibersaryo nin Pagkamundag kan Abril 30, 2018, itinampok kan Google Philippines si Celerio sa sarong Google Doodle.[4][5]
Toltolan[baguhon | baguhon an source]
- ↑ 1.0 1.1 1.2 "The Genius of Composer Levi Celerio". https://www.pep.ph/lifestyle/14705/the-genius-of-composer-levi-celerio.
- ↑ "Natatanging Gawad Urian kay Levi Celerio". Archived from the original on 2019-07-16. Retrieved 2021-04-16.
- ↑ 3.0 3.1 "Another national artist, Levi Celerio, passes away". https://www.philstar.com/headlines/2002/04/03/155899/another-national-artist-levi-celerio-passes-away.
- ↑ 4.0 4.1 "Google celebrates Levi Celerio's 108th birth anniversary with a doodle". http://www.gmanetwork.com/news/scitech/technology/651655/google-celebrates-levi-celerio-s-108th-birth-anniversary-with-a-doodle/story/.
- ↑ "Google, daughter pay tribute to National Artist Levi Celerio". Philippine Daily Inquirer. 30 April 2018. https://www.philstar.com/lifestyle/arts-and-culture/2018/04/30/1810904/google-daughter-pay-tribute-national-artist-levi-celerio.
