Linog sa Hakuhō kan 684
Tagboan: 32°48′N 134°18′E / 32.8°N 134.3°E[1] An linog sa Hakuhō kan 684 nangyari sa Hapon kan taon 684, asin pigladawan sa libro nin uusipon na Nihon Shoki poon pa kan ika-8 siglo[2] An linog nangyari kan 26 Nobyembre 684 (Julian calendar), kan ika-13 taon kan paghade ni Emperador Tenmu (panahon nin Tenmu). Ini an nagin kawsa kan pagbaha sa irarom kan dagat na mga 10 km2 (3.9 sq mi) kan mga paruyan.[3]
Pangyayaring Tektoniko
[baguhon | baguhon an source]An nagkapirang darakulang mga interplato na linog nangyari sa gilid kan Suruga Trough asin Nankai Trough, sa luwas kan habagatan-sulnopan na baybayon kan Hapon. An mga linog na ini konektado sa subduksyon kan Plato nin Dagat Filipinas. An pabalikbalik na mga linog na ini nangyayari sa lat-ang saro o duwang siglo. An mga linog na ini nangyayari nin padis-padis, na may halimbawa kan mga linog sa Tōkai na nangyayari sa subangan na Hapon, asin sarong halimbawa kan mga linog sa Nankai na nangyayari sa sulnopan na Hapon. An linog sa Hakuho iyo an pinakagurang na naitala na linog sa Nankai.[2]
Linog
[baguhon | baguhon an source]An linog may koneksyon sa makusog na paghiro kan daga, asin nakadanyar sa mahiwas na lugar. Ini nakaapektar sa kapitolyo syudad kan Asuka, asin nagkawsa nin dolnop. Nagkaigwa nin paglubog sa kapatagan kan Prepektura nin Kōchi..[2] An pagbulos kan tubig nadisturbo sa mga mainit na burabod kan puro nin Shikoku, asin an mga burabod kan Rawis nin Kii sa puro nin Honshu.[2]
Sa linog na ini, an dagat pigbabareta na "hinalon" an 500,000 shiro nin tinanoman na daga sa Probinsya nin Tosa. An yunit kan Hapon na shiro katumbas nin 15.13 mga ektarya.[4] An gobernador kan probinsyang ini nagbareta kan paglubog kan kadakol na mga barko huli sa sarong "high-rising great tide" na kasabay kan linog. Ilinaladawan niya an sarong dolnop, gamit an terminong ginagamit kaidto na "oshio".[4]
Manungod sa pagbaha, an Nihon Shoki nagbabareta na an mga lokal na tawo dai pa nakaeksperyensya nin kalamidad na arog kaini.[3]
An katumbas na linog sa Tōkai pwedeng nangyari kan 684, alagad dai malinaw na naitala sa mga panginot na pinagkukuanan. An sunod na aram na linog sa Nankai nangyari kan 887.[2]
Mga toltolan
[baguhon | baguhon an source]Mga tala
[baguhon | baguhon an source]- ↑ "南海地震の県内被害記録". www.data.jma.go.jp. 徳島地方気象台. Retrieved 2023-04-22.
- 1 2 3 4 5 Ishibashi 2004, pp. 359-361
- 1 2 Towhata 2008, p. 332
- 1 2 Parker 2012, Chapter 7
Mga pinagkuanan
[baguhon | baguhon an source]- Ishibashi, Katsuhiko (2004), Status of historical seismology in Japan (PDF), Annals of Geophysics
- Parker, Bruce (2012), "Chapter 7: The Sea's Response to an Unpredictable Earth-Trying to Predict Tsunamis", The Power of the Sea: Tsunamis, Storm Surges, Rogue Waves, and Our Quest to Predict Disasters, St. Martin's Press, ISBN 978-0230112247
- Towhata, Ikuo (2008), "Chapter 16: Seismic Faults", Geotechnical Earthquake Engineering, Springer Science+Business Media, ISBN 978-3540357834
