Lista kan mga Estado na may Armas Nuklear

Gikan sa Bikol Sentral na Wikipedia, an talingkas na ensiklopedya
Pinakaenot na pagpaboag nin bombang nuklear, Jornada del Muerto, Socorro, New Mexico, Hulyo 16, 1945
Mapa kan armado-nuklear na mga estado kan kinaban.      TDWAN-designadong armado-nuklear na mga estado (China, France, Russian Federation, United Kingdom, United States)      Ibang estado na may armas nuklear (India, North Korea, Pakistan)      Ibang estado soboot igwang armas nuklear (Israel)      Mga myembrong estado kan NATO na barakasan sa armas nuklear (Belgium, Germany, Italy, Netherlands, Turkey)      Mga estado dati igwang armas nuklear(Belarus, Kazakhstan, South Africa, Ukraine)

An mga estado na matryumpong nagpaboag na nin mga armas nuklear iyo an mga minasunod: Estados Unidos, Pederasyon nin Rusya, Reyno Unido, Pransya, asin Tsina. An nasambit na lima konsideradong "mga estadong armado nuklear", sa irarom kan inapod na Tratado nin Dai-pagpawarak nin Armas Nuklear. An Tratado pinagpari'gon kan 1970, alagad igwang mga estado na dai kaulay sa sinabing Tratado nagkondukta na nin mga pagpaputok nuklear, asin iyo an Indya, Pakistan, asin Norte Korea. Dati an huri partido sa Tratado alagad nag'atras sa siring na kasundoan kan taon 2003. An Israel man pigtutubod na may saray na mga armas nuklear alagad may polisya na dai maggirong manongod sa bagay na ini asin dai aram na gayo kun nagkondukta na nin mga pagbalo' sa pagpaputok armas nuklear. Pero susog sa SIPRI Yearbook 2014 kan Stockholm International Peace Research Institute, an Israel igwa lumabi-kumulang na 80 payong-nuklear.[1]

Susog man sa Boletin kan Atomic Scientists Nuclear Notebook 2014, an total na bilang kan armas nuklear sa bilog na kinaban nag'aabot sa 10,144.[2]

Mga panluwas na takod[baguhon | baguhon an source]

Toltolan[baguhon | baguhon an source]

  1. www.sipri.org. Kinua 22-06-17
  2. thebulletin.org. Kinua 22-06-17