Liston nin retrato

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Mga liston na daing nakaag na mga retrato

An liston nin retrato sarong pamugol sa paralibot kan sarong retrato o pintura ngarig ini dai maraot, orog na mapagayon o mata'wan na mas marhay na hitsura o ngane madali an pagdispley kaini.

Konstruksyon[liwaton | liwaton an gikanan]

An liston kaiba an pantukod kaini, nataong proteksyon kan atubangan asin pinapaorog an gayon kaini sa arte. Huli kaini, nahaloy sa marhay na kamugtakan sa halawig na panahon. An atubangan kan retrato may silag na salming sa pagtahob kaini tangarig dai maalpogan, mamu'singan o maatian. Ngani dai direkta magduta sa salming na silag ta pwede dumukot ini asin magpa'kit kun tatangkason sakali, sinusuknongan nin karton sa pag'ultan kan mismong retrato asin silag na salming pero tinatabas syempre na bwelo mahiling an retrato o pintura. Sa likod man kan retrato hinahapinan man nin karton, tela o plastik sa dugang na proteksyon kan likod kaini.

An liston pwede inuukitan na dekorasyon sa orog na pagsamno kaini o maghitsurang maarte. An pagsu'lot kan retrato sa liston taro-tangkas man ta kun maisipan gamiton sa ibang retrato.

Ta'nawon nin sarong gibohan mga liston nin retrato, oil sa canvas, c. 1900.

An liston tradisyonal na gibo sa kahoy, na iyo pa man ngane an pinakagamit hanggtan ngonyan, alagad, ibang materyal ginagamit naman arog kan pirak, bronse, aluminum, o plastik arog kan polystyrene. An liston pwede may kolor o may gurudol-gudol o inukitan nin komplikadong mga pigurin o mgs dahon-dahon o kurit-kurit sa pag'arte kaini. An ibang liston pinagmolde (plaster) na ini pinatindog sa simpleng pundasyon. Iba-iba an mga hitsura kaini alagad, gabos na liston igwang tiam o li'gi' sa pagsu'lot kan retrato o pintura ngane ini pusog na napupugol pag ikinaag.

Toltolan[liwaton | liwaton an gikanan]