Luwalhati Antonino

Luwalhati R. Antonino
Antonino, circa 2020
Chairperson of the Mindanao Development Authority
Termino Septyembre 12, 2010 – Septyembre 9, 2016
President	Benigno Aquino III Rodrigo Duterte
Suminunod ki	Jesus Dureza
Sinundan ni	Datu Abul Khayr Alonto
Myembro kan Philippine House of Representatives from South Cotabato's 1st district
Termino Hunyo 30, 1992 – Hunyo 30, 2001
Suminunod ki	Adelbert Antonino
Sinundan ni	Darlene Antonino Custodio
Personal na mga detalye
Kamundagan	Luwalhati Lopez Ricasa (1943-10-22)22 Oktobre 1943 Upi, Cotabato, Philippines (under Japanese occupation)
Kagadanan
Partido politikal	Independyent (2001–2023)
Iba pang partido	LAMMP (1998–2001) Lakas-NUCD (1992–1998)
Agom	Adelbert W. Antonino
Mga karelasyon	Magnolia Antonino (mother-in-law)
Mga aki	Darlene Antonino Custodio Eliza Bettina R. Antonino
Alma mater	University of Santo Tomas New York University

Si Luwalhati Lopez Ricasa-Antonino (Oktobre 22, 1943 – Oktobre 30, 2023) sarong Filipinang politiko na nagsirbe bilang chairperson kan Mindanao Development Authority (MinDA) poon 2010 sundo' 2016 sa ki Presidenteng Benigno Aquino III administrasyon. Siya dati nagsirbe bilang myembro sa House of Representatives representado an Enot na distrito nin South Cotabato poon 1992 abot 2001. Sa huring nasambit na opisina, siya sinundan ni agom niyang si Adelbert Antonino, asin nasalidan man ini kan aki nindang babae na si Darlene Antonino Custodio. An saiyang agom asin aking babae pareho man nagsirbe komo mga alkalde nin General Santos.

Karera politika

Si Antonino nagsirbe bilang representante para sa Enot na distrito nin South Cotabato sa tolong surunod-sunod na termino (Ika-9 abot Ika-11ng Kongreso) poon 1992 sundo 2001. Sa laog kaining mga taon, siya nagsirbe man bilang presidente kan Mindanao Lawmakers Association (MLA), sarong 50-myembrong kaburunyogan nin mga myembro haleng Mindanao.

Kan siya yaon sa Kongreso, si Antonino kapot an chairmanship sa Foreign Affairs Committee, asin vice-chairmanship kan Appropriations Committee.

Kan Septyembre 2010, si Antonino nanombrahan nani Presidente Benigno Aquino III bilang chairperson kan Mindanao Development Authority (MinDA), na siya an pinakaenot na babae nagkapot kan siring na katongdan.

Buhay personal

Si Antonino namundag sa Upi (ngonyan Maguindanao del Norte) asin pinadakula sa Kiamba (ngonyan Sarangani)—kaidto, an parehongduwang banwaan sakop pa kan dai-pa-banga na probinsya nin Cotabato. Si Antonino kasal ki dating representante asin dating alkalde kan General Santos na si Adelbert Antonino. An saiyang mgam aking babae mga dati man na representante asin alkalde nin General Santos Darlene Antonino Custodio asin restaurateur na si Eliza Bettina R. Antonino.

Si Antonino nakamit niya an bachelor's degree sa Chemical Engineering sa University of Santo Tomas asin saiyang Masters sa Business Administration (MBA) sa Ekonomiks sa New York University. Pakakua niya kan saiyang master's, siya nakontrata komo economic and statistical analyst sa United Nations Conference on Trade and Development sa New York City.

Si Antonino nagadan kan 30 Oktobre 2023, sa edad na 80.