Luz Marina Zuluaga

Luz Marina Zuluaga
Kamundagan	Luz Marina Zuluaga Zuluaga (1938-10-31)Oktobre 31, 1938 Pereira, Colombia
Kagadanan	Desyembre 2, 2015(2015-12-02) (edad 77) Manizales, Colombia
Langkaw	5ft 4in
Beauty pageant titleholder
Kolor kan buhok	Mapusyaw na kayumanggi
Kolor kan mata	Mapusyaw na bughaw
Mga darakulang kompetisyon	Miss Colombia 1957 (1st Runner-Up) (Miss Colombia 1958) Miss Universe 1958 (Nanaog)

Si Luz Marina Zuluaga Zuluaga (Pagsayod sa Espanyol: [suˈlwaɣa]; Oktobre 31, 1938 – Desyembre 2, 2015) sarong dating reyna nin kagayonan na taga-Colombia na nangagin Miss Universe 1958. Siya an solong babaing taga-Colombia na nanggana sa Miss Universe sagkod na si Paulina Vega koronahan bilang Miss Universe 2014.

Biograpiya

Si Zuluaga namundag sa Pereira. Naghubo siya sa Manizales, (Departamento kan Caldas) bilang sarong aking sadit asin duman na nagdakula. Siya nagbali sa Miss Caldas asin ginana ini taon 1957. Si Zuluaga nagpreparar sagkod na magbali sa Miss Colombia asin nagdatong sa Cartagena, na naglalaom na masusungkit an titulong Miss Colombia. An Pereira parte kan departamento kan Caldas. An Risaralda ginibong sarong departamento taon 1966 pirang taon an makalihis matapos siyang makoronahan. Saiyang inirepresentar an minasunod na titulong Miss Pereira, Miss Caldas, Miss Colombia Virreina (1st Runner up), Miss Colombia — Winner asin Miss Universe.

Miss Colombia 1957

Si Zuluaga dai nanggana sa pagarayonan, alagad siya nagin 1st Runner-Up. Alaga bago an kompetisyon sa Miss Universe, an Miss Colombia 1957 na si Doris Gil Santamaria gikinasal. Huli sa reglamentos kan Miss Universe na nagsasabing ibinabawa sa mga kandidata an kasal na bago an pinal na kompetisyon, pinwersang maghilig sa pwesto si Santamaria asin hinirang na bagong Miss Colombia si Zuluaga.

Miss Universe

Ginibo an pagarayonan sa Long Beach, California, kan Hulyo 25, 1958. Matapos na ianunsyar na an bagong Miss Universe iyo si Zuluaga, an solong estasyon nin telebisyon asin kadaklan kan mga estasyon nin radyo sa Colombia na kaidto haros setenta y tres, nagporondo kan saindang repular na programa tanganing ireport an dakulang bareta. An sinulot na trahe de boda ni Zuluaga sa kompetisyon idinisenyo asin hinaman para saiya kan modistang taga-Colombia na si Aura Leonor Troya de Sánchez, na iyo man an taga-desinyo nin mga artista kabali an dai mababa sa tulong Miss Colombias.

Dai tulos nakapuli si Zuluaga sa saiyang nasyon, huli ta an tagapamahala kan Miss Universe natakot para sa saiyang seguridad huli ta an Colombia kan mga panahon na idto nag-aagi kariribokan politikal. Kan siya dagos nang nakabalik, sinabat siya nin dakol na tawo pareho sa El Dorado International Airport sa Bogotá asin sa eropwerto kan Manizales.

Ngunyan, an mga namamanwaan kan Manizales inako na siya bilang bilang saro sa sainda na garo ini sarong lokal sa lugar. Kan maisihan na si Zuluga gikan sa bakong mayaman na pamilya, nag-ambag an mga namamanwaan tanganing pagibohan siya nin marayrahay na harong para sa saiya asin sa pamilya niya.